Kidney Health: కిడ్నీలు మన శరీరంలోని అతి ముఖ్యమైన అవయవాలలో ఒకటి. అవి శరీరం నుండి వ్యర్థ పదార్థాలను తొలగించడంతో పాటు.. రక్తపోటును నియంత్రించడంలో, హార్మోన్ల సమతుల్యతను కాపాడుకోవడంలో ముఖ్యమైన పాత్ర పోషిస్తాయి. నేటి బిజీ లైఫ్, క్రమరహిత ఆహారపు అలవాట్లు, చెడు అలవాట్లు మన మూత్రపిండాలపై ప్రతికూల ప్రభావాన్ని చూపుతాయి. అంతే కాకుండా కిడ్నీ సంబంధిత వ్యాధుల ప్రమాదాన్ని పెంచుతాయి.
కిడ్నీ ఆరోగ్యాన్ని కాపాడుకోవడానికి.. మన జీవనశైలి, ఆహారంలో కొన్ని అవసరమైన మార్పులు చేసుకోవడం చాలా ముఖ్యం. మనం క్రమం తప్పకుండా కొన్ని ప్రభావ వంతమైన టిప్స్ పాటిస్తే.. మూత్రపిండాలను ఆరోగ్యంగా ఉంచుకోవడమే కాకుండా అనేక తీవ్రమైన వ్యాధులను కూడా నివారించవచ్చు. మూత్రపిండాలను ఆరోగ్యంగా ఉంచడానికి ఎలాంటి టిప్స్ పాటించాలో ఇప్పుడు తెలుసుకుందాం.
కిడ్నీలు ఆరోగ్యంగా ఉంచుకోవడానికి 5 మార్గాలు:
నీళ్లు బాగా తాగండి:
కిడ్నీల ప్రధాన విధి మూత్రం ద్వారా శరీరం నుండి వ్యర్థ పదార్థాలను తొలగించడం. శరీరంలో తగినంత నీరు ఉన్నప్పుడు మాత్రమే ఇది సాధ్యమవుతుంది. ప్రతిరోజూ 7-8 గ్లాసుల నీరు తాగడం వల్ల కిడ్నీలు సరిగ్గా పనిచేయడానికి సహాయపడుతుంది. అంతే కాకుండా కిడ్నీ స్టోన్స్ ఏర్పడే అవకాశాలు కూడా తగ్గుతాయి. ఎక్కువ నీరు కూడా హానికరం అని గుర్తుంచుకోండి. కిడ్నీలు ఆరోగ్యంగా ఉండటానికి తగినంత నీరు శరీరంలో అవసరం.
ఉప్పు వాడకం:
ఉప్పు ఎక్కువగా తినడం వల్ల రక్తపోటు పెరుగుతుంది. ఇది కిడ్నీల పనితీరును ప్రభావితం చేస్తుంది. ఉప్పులో సోడియం అధికంగా ఉంటుంది. ఇది కిడ్నీలపై అదనపు ఒత్తిడిని కలిగిస్తుంది. ఫాస్ట్ ఫుడ్, ప్యాక్ చేసిన స్నాక్స్ ,ఊరగాయలు తీసుకోవడం తగ్గించండి. నిమ్మకాయ, సుగంధ ద్రవ్యాల వంటి సహజ రుచులను ఉపయోగించండి.
సమతుల్య ఆహారం:
పండ్లు, కూరగాయలు, తృణధాన్యాలు, తక్కువ కొవ్వు పాల ఉత్పత్తులు తినడం వల్ల మూత్రపిండాలు ఆరోగ్యంగా ఉంటాయి. సమతుల్య ప్రోటీన్ తీసుకోవడం చాలా ముఖ్యం. అధిక ప్రోటీన్ మూత్రపిండాలపై ఒత్తిడిని కలిగిస్తుంది. ప్రాసెస్ చేసిన ఆహారాలు, అధిక చక్కెర కంటెంట్ ఉన్న ఆహారాలను నివారించండి. ఎందుకంటే ఇవి క్రమంగా మూత్రపిండాలను దెబ్బతీస్తాయి. అందుకే కొన్ని రకాల జాగ్రత్తలు తీసుకోవడం చాలా ముఖ్యం.
Also Read: ఈ హెయిర్ మాస్క్ వాడితే.. సిల్కీ హెయిర్ మీ సొంతం
వ్యాయామం చేయండి:
క్రమం తప్పకుండా వ్యాయామం చేయడం వల్ల రక్తపోటు, రక్తంలో చక్కెర స్థాయిలు నియంత్రించబడతాయి. ఇది మూత్రపిండాలను ఆరోగ్యంగా ఉంచడంలో సహాయపడుతుంది. నడక, యోగా, సైక్లింగ్ లేదా తేలికపాటి వ్యాయామం వంటివి శరీరంలో అనేక మార్పులను కలిగిస్తాయి. ప్రతిరోజూ 30 నిమిషాల వ్యాయామం కిడ్నీలకు మాత్రమే కాకుండా మొత్తం శరీర ఆరోగ్యానికి ప్రయోజనకరంగా ఉంటుంది. ప్రతి రోజు వ్యాయామం చేయడం వల్ల కిడ్నీ సంబంధిత వ్యాధులు వచ్చే ప్రమాదం కూడా చాలా తక్కువగా ఉంటుంది.
మందులను వాడండి:
డాక్టర్లను సంప్రదించకుండా పెయిన్ కిల్లర్స్ లేదా ఏదైనా మందులు తీసుకోవడం కిడ్నీలకు ప్రమాదకరం. మందులు ఎక్కువ రోజులు వాడితే.. అవి మూత్రపిండాలను దెబ్బతీస్తాయి. అందుకే..మందులు తీసుకునే ముఖ్యంగా డయాబెటిస్ హైబీపీ ఉండే నిపుణుడిని సంప్రదించండి.
Share
Kuberaa Movie Review : 'కుబేర' మూవీ రివ్యూ : శేఖర్ కమ్ముల మార్క్ 'బిచ్చగాడు'
Bad Cholesterol: రక్తనాళాల్లో ఉన్న చెడు కొలెస్ట్రాల్ కరిగిపోవాలా? ఈ పండు రోజుకొకటి తినండి
