వాషింగ్ మెషీన్‌లో వెనిగర్ వేస్తే ఏమౌతుందో తెలుసా? ఇన్నాళ్లూ ఈ ట్రిక్ తెలియనందుకు బాధపడతారు!

Laundry Tips: మార్కెట్లో దొరికే రసాయనాలతో కూడిన డిటర్జెంట్లు, ఫ్యాబ్రిక్ సాఫ్ట్‌నర్ల కంటే ఇంట్లోనే ఉండే వైట్ వెనిగర్ బట్టలను శుభ్రం చేయడంలో అద్భుతంగా పనిచేస్తుంది. అందుకే ఈ మధ్యకాలంలో చాలామంది బట్టలు ఉతికేటప్పుడు వెనిగర్‌ను ఉపయోగించడానికి ఆసక్తి చూపిస్తున్నారు. బట్టలకు కొత్త మెరుపును, మృదుత్వాన్ని అందించడానికి వెనిగర్ ఎలా సహాయపడుతుందో ఇప్పుడు చూద్దాం.

వెనిగర్ ఎందుకు వాడాలి?

బట్టలు ఉతికిన తర్వాత కొన్నిసార్లు గట్టిగా మారడం లేదా ఒక రకమైన దుర్వాసన రావడం మనం గమనిస్తుంటాం. వాషింగ్ మెషీన్‌లో కొద్దిగా వెనిగర్ చేర్చడం వల్ల బట్టల మురికి వదిలిపోవడమే కాకుండా.. అవి చాలా సాఫ్ట్‌గా మారతాయి. ఇది బట్టలపై ఉండే డిటర్జెంట్ మరకలను, వాషింగ్ మెషీన్ లోపల పేరుకుపోయే బ్యాక్టీరియాను కూడా సమర్థవంతంగా తొలగిస్తుంది.

బట్టల మృదుత్వానికి, సువాసనకు:

బట్టలు మృదువుగా మారడానికి వాషింగ్ మెషీన్ యొక్క లాస్ట్ రిన్స్ సైకిల్ (చివరిసారి నీటితో కడిగేటప్పుడు) అర కప్పు వెనిగర్ జోడించాలి. ఇది బట్టలను సాఫ్ట్‌గా మార్చడమే కాకుండా.. వాటిలో ఉండే చెమట, ఇతర వాసనలను పూర్తిగా పోగొడుతుంది. ఒకవేళ బట్టలు ఎక్కువగా నానిపోవాలనుకుంటే.. ఉతికే ముందు కాసేపు వెనిగర్ కలిపిన నీటిలో నానబెట్టవచ్చు.

Also Read: వైన్ బాటిల్స్ ఎప్పుడూ 750ml ఎందుకు ఉంటాయో తెలుసా? దీని వెనుక ఉన్న క్రేజీ హిస్టరీ తెలిస్తే..

తెల్ల బట్టల మెరుపు కోసం:

తెల్లటి దుస్తులు త్వరగా మురికిగా మారి, వాటి రంగు వెలిసిపోయినట్లు అవుతాయి. ఇలాంటి సమయంలో వెనిగర్ ఒక మంచి బ్లీచింగ్ ఏజెంట్‌లా పనిచేస్తుంది. వేడి నీళ్లలో ఒక కప్పు వెనిగర్ కలిపి, అందులో తెల్ల బట్టలను గంటపాటు లేదా రాత్రంతా నానబెట్టి, ఆ తర్వాత మామూలుగా ఉతికితే తెల్ల బట్టలు సరికొత్తగా మెరుస్తాయి.

మొండి మరకల నివారణ:

బట్టలపై జిడ్డు లేదా ఇతర మొండి మరకలు పడినప్పుడు, సమానంగా వెనిగర్, గోరువెచ్చని నీటిని కలిపి ఒక స్ప్రే బాటిల్‌లో తీసుకోవాలి. ఈ మిశ్రమాన్ని మరకలపై స్ప్రే చేసి అరగంట పాటు వదిలేయాలి. ఆ తర్వాత బట్టలను ఉతికితే మరకలు సులభంగా మాయమవుతాయి. అలాగే బట్టల నుండి వచ్చే బూజు వాసనను వదిలించడానికి కూడా వేడి నీళ్లలో వెనిగర్ వేసి ఉతికితే మంచి ఫలితం ఉంటుంది.

ఏయే బట్టలకు వాడొచ్చు?

కాటన్, లినన్, పాలిస్టర్, నైలాన్ వంటి రోజువారీ దుస్తులకు వెనిగర్ చాలా సురక్షితం. అయితే పట్టు, ఎలాస్టిక్ ఎక్కువగా ఉండే బట్టలు, ముదురు రంగు దుస్తులపై నేరుగా వెనిగర్ వాడకుండా.. కొద్దిగా నీళ్లలో కలిపి పరీక్షించిన తర్వాతే ఉపయోగించడం మంచిది. అలాగే బట్టలు ఉతికేటప్పుడు బ్లీచ్‌తో కలిపి వెనిగర్‌ను ఎప్పుడూ వాడకూడదని గుర్తుంచుకోండి.

Also Read: చేతులతోనే ఆలోచిస్తుంది.. రూపం మార్చి శత్రువులనే వణికిస్తుంది.. అసలు దీనికి అంత తెలివి ఎలా వచ్చింది?

Join WhatsApp Channel

Share

• 
• 
• 
• 
• 
•