Vinegar Home Hacks: ఇటీవలి కాలంలో సోషల్ మీడియాలో ఒక క్రేజీ చిట్కా బాగా వైరల్ అవుతోంది. చాలామంది తమ ఇంటి ప్రధాన ద్వారం వద్ద, మూలల్లో వెనిగర్ స్ప్రే చేస్తున్నారు. ఖర్చు తక్కువతో కూడిన ఈ పద్ధతి వెనుక ఎన్నో ఆశ్చర్యకరమైన ప్రయోజనాలు ఉన్నాయి. సాధారణంగా వంటల్లో వాడే తెల్ల వెనిగర్ను పూర్వం నుండి ఇళ్లను శుభ్రం చేయడానికి, క్రిములను సంహరించడానికి ఉపయోగిస్తున్నారు.
వెనిగర్లో ఉండే ఎసిటిక్ యాసిడ్ వల్ల దానికి ఒక రకమైన ఘాటైన వాసన ఉంటుంది. ఈ వాసన చీమలు, సాలెపురుగులు, బొద్దింకల వంటి వాటికి అస్సలు పడదు. ఇంటి ముఖద్వారం వద్ద వెనిగర్ను చల్లడం వల్ల ఇవి లోపలికి రాకుండా సహజమైన అడ్డుగోడలా పనిచేస్తుంది. మార్కెట్లో దొరికే రసాయనాలతో కూడిన ప్రొడక్ట్స్ వాడకుండా.. ఎలాంటి సైడ్ ఎఫెక్ట్స్ లేకుండా కీటకాలను దూరంగా ఉంచడానికి ఇది అద్భుతంగా పనిచేస్తుంది.
Also Read: ఎయిర్ కండీషనర్ కెపాసిటీని టన్నుల్లో ఎందుకు కొలుస్తారో తెలుసా?
వెనిగర్ కేవలం కీటకాలను మాత్రమే కాకుండా ఇంటి పరిసరాలను కూడా శుభ్రంగా ఉంచుతుంది. దీనిలో ఉండే యాంటీ బాక్టీరియల్ గుణాలు బ్యాక్టీరియాను నశింపజేస్తాయి. తేమ ఎక్కువగా ఉండే ప్రదేశాలలో బూజు పట్టకుండా చూస్తుంది. అంతేకాకుండా.. గుమ్మాల దగ్గర, నేలపై వచ్చే చెడు వాసనలను ఇది పూర్తిగా దూరం చేస్తుంది. మార్కెట్లో దొరికే రూమ్ ఫ్రెషనర్ల కంటే ఇది ఎంతో చౌకైనది.
ఈ చిట్కా కోసం సమాన పళ్లెంలో ఒక కప్పు వెనిగర్, ఒక కప్పు నీటిని కలిపి ఒక స్ప్రే బాటిల్లో తీసుకోవాలి. వారానికి ఒకటి లేదా రెండుసార్లు ఇంటి ముఖద్వారం, మూలలు, కిటికీల ఫ్రేములు, బేస్బోర్డుల వద్ద దీనిని స్ప్రే చేయాలి. ఇలా చేయడం వల్ల ఇల్లు ఎల్లప్పుడూ సురక్షితంగా ఉంటుంది.
ఇంటిని శుభ్రం చేయడమే కాకుండా.. ఫెంగ్ షుయ్ శాస్త్రం ప్రకారం వెనిగర్కు ప్రతికూల శక్తులను దూరం చేసే శక్తి ఉంది. ఇంటి వంటగది, బాత్రూముల్లోని నాలుగు మూలల్లో చిన్న గిన్నెల్లో వెనిగర్ పోసి ఉంచడం వల్ల అక్కడ ఉన్న నెగటివ్ ఎనర్జీ తొలగిపోతుందని నమ్ముతారు. అలాగే మంచి సంకల్పంతో ఇంటి సింహద్వారాన్ని వెనిగర్తో తుడవడం వల్ల ఇంట్లోకి సానుకూల శక్తి ప్రవేశిస్తుంది.
Also Read: వైన్ బాటిల్స్ ఎప్పుడూ 750ml ఎందుకు ఉంటాయో తెలుసా? దీని వెనుక ఉన్న క్రేజీ హిస్టరీ తెలిస్తే..
Share
Bengaluru: నేను తప్పు చేశాను.. తల్లికి లేఖ రాసిన బెంగుళూరు టీచర్, చివరకు ఏం జరిగింది?
ఇస్త్రీ చేసే టైం లేదా? ఈ లేటెస్ట్ వాషింగ్ మెషీన్ ఫీచర్ మీ కోసమే!
