Aakasamlo oka Tara movie:మాలీవుడ్ స్టార్ హీరోగా భారీ పాపులారిటీ సొంతం చేసుకున్న దుల్కర్ సల్మాన్ (Dulquer Salman).. సీతారామం తర్వాత టాలీవుడ్ ఇండస్ట్రీలో సెన్సేషనల్ హీరోగా మంచి పేరు సొంతం చేసుకున్నారు. ఈ మధ్యకాలంలో నేరుగా తెలుగులో చిత్రాలు చేస్తూ ఆడియన్స్ కు మరింత దగ్గరవుతున్న ఈయన.. తాజాగా నటిస్తున్న మరో చిత్రం ‘ఆకాశంలో ఒక తార’. లవ్ అండ్ ఎమోషనల్ డ్రామాగా నవంబర్ 20వ తేదీన ప్రేక్షకుల ముందుకు రాబోతోంది. ఈ సినిమా ట్రైలర్ ను కూడా విడుదల చేయగా.. ఒక సాధారణ అమ్మాయి ఆస్ట్రోనాట్ కావాలనే తన కలను ఎలా నెరవేర్చుకుంది ? అనే కథాంశంతో సినిమాను తెరకెక్కిస్తున్నట్లు చూపించారు . ఈ ఒక్క పాయింట్ సినిమాపై ఊహించని అంచనాలు పెంచేసింది.
ఇకపోతే విడుదల తేదీకి కేవలం కొద్ది రోజులు మాత్రమే వున్న నేపథ్యంలో తాజాగా ఈ సినిమా సెన్సార్ పూర్తి చేసుకుంది. ఈ విషయాన్ని మేకర్స్ అధికారికంగా ప్రకటించారు. ఈ చిత్రానికి సెన్సార్ సభ్యులు యూ/ఏ సర్టిఫికెట్ జారీ చేశారు. 2:39 గంటల నిడివితో ప్రేక్షకుల ముందుకు 20వ తేదీన రాబోతున్న ఈ సినిమా ఏ విధంగా ఆకట్టుకుంటుందో చూడాలి.
దుల్కర్ సల్మాన్ హీరోగా నటిస్తున్న ఈ చిత్రం ద్వారా సాత్విక వీరవల్లి (Satvika Veeravalli) ఇండస్ట్రీకి హీరోయిన్ గా పరిచయమవుతోంది. ఇందులో శృతిహాసన్ మరో కీలకపాత్రలో మెరువనుండగా.. గౌతమ్ వాసుదేవ్ మీనన్ కూడా కీలకపాత్ర పోషిస్తున్నారు. ఇక ఈ చిత్రాన్ని గీత ఆర్ట్స్, స్వప్న సినిమాస్ తో పాటూ తదితర ప్రముఖ నిర్మాణ సంస్థలు సంయుక్తంగా నిర్మిస్తున్నాయి.. ఈ చిత్రానికి జీవి ప్రకాష్ కుమార్ సంగీతం అందిస్తున్నారు.
also read:త్రిగుణ్ చేతిలో వంశీ కీలుబొమ్మా? ఇచ్చిపడేసిన చైత్ర!
ఆకాశంలో ఒక తార ట్రైలర్ విషయానికి వస్తే.. ఏపీజే అబ్దుల్ కలాం మాటలే స్ఫూర్తిగా మార్చుకున్న ఒక పల్లెటూరి అమ్మాయి అన్ని సమస్యలను అధిగమించి అంతరిక్షానికి ఎలా చేరుకుంది? అనేది ఈ సినిమా కథ అన్నట్టుగా మనకు ట్రైలర్ లో చూపించారు. ఆ పల్లెటూరి అమ్మాయి ప్రయాణం ఎలా సాగింది? అందులో దుల్కర్ సల్మాన్ పాత్ర ఏంటి? గౌతమ్ మీనన్ , శృతిహాసన్ ల పాత్ర ఏంటి? తదితర విషయాలు తెలియాలి అంటే సినిమా చూడాల్సిందే. మరి ఈ సినిమా కూడా అభిమానుల అంచనాలను అధిగమించి అంతరిక్షాన్ని అందుకుంటుందా ? లేదా ? అనేది ఆసక్తికరంగా మారింది. మరి దుల్కర్ సల్మాన్ హీరోగా వస్తున్న ఈ సినిమా ఎలాంటి విజయాన్ని అందుకుంటుందో.. అటు ఈ సినిమా కథను నమ్ముకొని ఇండస్ట్రీకి పరిచయం అవుతున్న సాత్విక వీరవల్లికి ఈ చిత్రం ఎలాంటి విజయాన్ని అందిస్తుందో చూడాలి.