Hollywood Action Thriller: అమెరికా అధ్యక్షుడి భద్రత కోసం ప్రత్యేకంగా తయారుచేసిన కారు గురించి వినే ఉంటారు. దాని పేరు ‘ది బీస్ట్’. బుల్లెట్లు, బాంబు దాడులను సైతం తట్టుకునే ఈ హైటెక్ వాహనంలో అత్యాధునిక రక్షణ వ్యవస్థలతో పాటు రహస్య ఆయుధాలు కూడా ఉంటాయి. అలాంటి కారే ఒకరోజు అమెరికా అధ్యక్షుడికి కవచంగా మారితే? పైగా శత్రువుల దాడి నుంచి తప్పించుకోవడానికి అధ్యక్షుడే ఆ కారును నడుపుతూ ఎదురుదాడికి దిగాల్సి వస్తే? ఈ ఆసక్తికరమైన పాయింట్తో తెరకెక్కిన హాలీవుడ్ యాక్షన్ థ్రిల్లర్ ‘ది బీస్ట్’ (The Beast – 2026). రెన్నీ హార్లిన్ దర్శకత్వం వహించిన ఈ చిత్రంలో శామ్యూల్ ఎల్. జాక్సన్, జోయెల్ కిన్నమన్ ప్రధాన పాత్రల్లో నటించారు. ఇప్పుడు ఈ మూవీ ఓటీటీ ఆడియన్స్ కి కూడా అందుబాటులోకి వచ్చింది.
అమెరికా అధ్యక్షుడు ఆస్కార్ పల్లాడిన్ (శామ్యూల్ ఎల్. జాక్సన్) ఒక అధికారిక పర్యటనలో ఉండగా, గుర్తుతెలియని సాయుధ ముఠా భారీ దాడికి దిగుతుంది. ఇది సాధారణ ఉగ్రవాద దాడి కాదు.. అమెరికా ప్రభుత్వాన్ని కూలదోసే లక్ష్యంతో పక్కాగా ప్రణాళిక వేసిన కుట్ర. ఈ ఆకస్మిక దాడిలో అధ్యక్షుడి భద్రతా బృందం చెల్లాచెదురవుతుంది. ఆ గందరగోళంలో సీక్రెట్ సర్వీస్ ఏజెంట్ టాఫ్ట్ (జోయెల్ కిన్నమన్) అధ్యక్షుడిని సురక్షితంగా బయటపడేసేందుకు ప్రయత్నిస్తాడు. అయితే దాడిలో అతను తీవ్రంగా గాయపడతాడు.
దీంతో అధ్యక్షుడే పరిస్థితిని తన చేతుల్లోకి తీసుకోవాల్సి వస్తుంది. అత్యంత పటిష్టమైన రక్షణ వ్యవస్థ కలిగిన ‘ది బీస్ట్’ కారును స్వయంగా నడుపుతూ శత్రువుల దాడులను ఎదుర్కొంటాడు. మరోవైపు గాయపడిన టాఫ్ట్ను కాపాడాలి.. దాడి వెనుక ఉన్న అసలు కుట్రను అడ్డుకోవాలి.. తనకు దూరమైన భార్యను తిరిగి చేరుకోవాలి. ఇలా ఒక్కో సమస్య చుట్టుముడుతుండటంతో అధ్యక్షుడి ప్రయాణం ప్రాణాంతకమైన పోరాటంగా మారుతుంది.
అసలు ఈ దాడి వెనుక ఉన్నది ఎవరు? అధ్యక్షుడి కారులో దాగి ఉన్న రహస్య ఆయుధాలు శత్రువులను అడ్డుకోగలవా? గాయపడిన ఏజెంట్తో కలిసి అధ్యక్షుడు ఈ ప్రమాదకర పరిస్థితి నుంచి ఎలా బయటపడతాడు? అనేదే సినిమా ఉత్కంఠ. కార్ ఛేజింగ్లు, భారీ పేలుళ్లు, తుపాకీ కాల్పులు, హైటెక్ ఆయుధాలతో సాగే ఈ చిత్రం యాక్షన్ అభిమానులకు మంచి థ్రిల్ అందించేలా ఉంటుంది.
‘ది బీస్ట్’ (The Beast – 2026)లో శామ్యూల్ ఎల్. జాక్సన్ అమెరికా అధ్యక్షుడు ఆస్కార్ పల్లాడిన్గా, జోయెల్ కిన్నమన్ సీక్రెట్ సర్వీస్ ఏజెంట్ టాఫ్ట్గా నటించారు. గై బర్నెట్, ఈయాన్ మెకెన్, కోలిన్ మోర్గాన్ తదితరులు కీలక పాత్రల్లో కనిపించారు. రెన్నీ హార్లిన్ దర్శకత్వం వహించగా, టుయోమాస్ కాంటెలినెన్ సంగీతం సమకూర్చారు. సుమారు 99 నిమిషాల నిడివి ఉన్న ఈ ఇంగ్లీష్ యాక్షన్ థ్రిల్లర్ 2026 అక్టోబర్ 9న అమెరికాలో థియేటర్లలో విడుదలైంది. ఈ రోజు నుంచి Amazon Prime Videoలో రెంట్ కు అందుబాటులో ఉంది.