Allu Arjun: మహిళా దినోత్సవం సందర్భంగా తల్లికి ఖరీదైన కార్ గిఫ్ట్ ఇచ్చిన అల్లు అర్జున్

Allu Arjun: టాలీవుడ్ స్టార్ హీరో అల్లు అర్జున్.. సినిమాలతోనే కాదు, కుటుంబానికి చూపించే ప్రేమతో కూడా తరచుగా వార్తల్లో నిలుస్తుంటారు. భారతదేశంలో అత్యధిక పారితోషికం తీసుకునే నటుల్లో ఆయన ఒకరు. ఇటీవల ఆయన చేసిన కుటుంబ సంబంధిత సర్‌ప్రైజ్ గిఫ్టులు అభిమానులను ఆకట్టుకుంటున్నాయి.

భార్యతో మొదలు..!

కొద్దిరోజుల క్రితం అల్లు అర్జున్ తన భార్య స్నేహా రెడ్డికి ప్రత్యేక బహుమతి ఇచ్చారు. వారి వివాహానికి 15 సంవత్సరాలు పూర్తయిన సందర్భంగా ఆమెకు ఖరీదైన మెర్సిడెస్ బెంజ్ కారును గిఫ్ట్‌గా ఇచ్చారు. ఈ వార్త సోషల్ మీడియాలో కూడా బాగా వైరల్ అయింది. అభిమానులు ఈ జంటకు శుభాకాంక్షలు తెలిపారు.

తల్లికి కూడా..!

ఇప్పుడేమో మరోసారి అల్లు అర్జున్ తన కుటుంబానికి ప్రేమను చూపించారు. అంతర్జాతీయ మహిళా దినోత్సవం సందర్భంగా తన తల్లి నిర్మల అల్లు గారికి విలాసవంతమైన లెక్సస్ కారును బహుమతిగా ఇచ్చారు. ఈ సర్‌ప్రైజ్ గిఫ్ట్ అందుకున్న తర్వాత ఆమె చాలా భావోద్వేగానికి లోనయ్యారని చెబుతున్నారు.

కారు ముందు నిలబడి తల్లి..కొడుకు కలిసి తీసుకున్న ఫోటోలు సోషల్ మీడియాలో వైరల్ అవుతున్నాయి. అభిమానులు కూడా అల్లు అర్జున్ చేసిన ఈ పనిని ప్రశంసిస్తున్నారు. తల్లికి ఇంత గొప్ప గిఫ్ట్ ఇవ్వడం చాలా ప్రత్యేకమని వారు కామెంట్లు చేస్తున్నారు.

అల్లు అర్జున్ ఇటీవల సినిమాల ద్వారా భారీ ఆదాయం సంపాదిస్తున్నారు. అంతేకాదు వ్యాపార రంగంలో కూడా ఆయన పెట్టుబడులు పెట్టుతున్నారు. ముఖ్యంగా మల్టీప్లెక్స్ వ్యాపారం మరియు రియల్ ఎస్టేట్ రంగాల్లో ఆయన ఆసక్తి చూపుతున్నారని సమాచారం.

ఇక సినిమాల విషయానికి వస్తే, ప్రస్తుతం అల్లు అర్జున్ ఒక భారీ సైన్స్ ఫిక్షన్ సినిమాపై పని చేస్తున్నారు. ఈ చిత్రాన్ని ప్రముఖ దర్శకుడు అట్లీ తెరకెక్కిస్తున్నారు. ఈ సినిమా పాన్ ఇండియా స్థాయిలో తెరకెక్కుతోంది. దీంతో అభిమానుల్లో ఈ ప్రాజెక్ట్‌పై భారీ అంచనాలు ఉన్నాయి.

అంతేకాక మరో పెద్ద ప్రాజెక్ట్‌ను కూడా అల్లు అర్జున్ ప్రకటించారు. ఈ సినిమాను ప్రముఖ దర్శకుడు లోకేష్ కనగరాజ్ తెరకెక్కించనున్నట్లు సమాచారం. ఈ ప్రాజెక్ట్ కూడా భారీ స్థాయిలో రూపొందనుంది.

ALSO READ: Susmitha Konidela: మేం ఏడిస్తే ఆయనకు ఎంటర్టైన్మెంట్..బాబాయ్ తో బాండింగ్ పై సుస్మిత కామెంట్స్