Anil Ravipudi: అనిల్ రావిపూడి వెంకీ సినిమా కోసం బడా బ్యానర్లు… షూటింగ్ ఎప్పుడంటే?

Anil Ravipudi: హిట్ మిషన్ అనిల్ రావిపూడి ప్రతి ఏడాది ఒక సినిమా ద్వారా ప్రేక్షకులు ముందుకు వస్తూ ఎంతో అద్భుతమైన విజయాన్ని సొంతం చేసుకోవడమే కాకుండా ఇండస్ట్రీలో అపజయం ఎరుకొని దర్శకుడిగా కూడా పేరు సంపాదించుకున్నారు. పటాస్ సినిమా ద్వారా ఇండస్ట్రీకి దర్శకుడిగా పరిచయమైన అనిల్ రావిపూడి ఇప్పటివరకు తన కెరీర్ లో 9 సినిమాలకు దర్శకత్వం వహించడమే కాకుండా ఈ తొమ్మిది సినిమాల ద్వారా సూపర్ సక్సెస్ అందుకున్నారు. ఇక తన పదవ సినిమాపై భారీ స్థాయిలో అంచనాలు ఏర్పడ్డాయి. అనిల్ రావిపూడి తన పదవి సినిమాని ఏ హీరోతో చేయబోతున్నారనే విషయంపై సోషల్ మీడియాలో పెద్ద ఎత్తున వార్తలు చక్కర్లు కొడుతున్నాయి.

వెంకటేష్ తో అనిల్ రావిపూడి సినిమా..

అనిల్ రావిపూడి తన పదవి సినిమాని మరోసారి విక్టరీ వెంకటేష్ తో(Venkatesh) చేయబోతున్నట్లు గత కొద్దిరోజులుగా వార్తలు బయటకు వస్తున్నాయి. ఈ వార్తలకు అనుకూలంగానే వెంకటేష్ కూడా మళ్లీ సంక్రాంతికి వస్తాం ధనాధన్ ఇచ్చేస్తామంటూ మాట్లాడటంతో వీరిద్దరి కాంబో ఫిక్స్ అయిందని అర్థమవుతుంది. ఇక వీరిద్దరి కాంబినేషన్లో ప్రేక్షకుల ముందుకు సినిమా రాబోతున్న నేపథ్యంలో ఈ సినిమా కోసం బడా బ్యానర్లు రంగంలోకి దిగాయి. ఇప్పటికే అనిల్ అనిల్ రావిపూడితో షైన్ స్క్రీన్ (Shine Screen)వరుస సినిమాలు చేస్తూ బ్యాక్ టు బ్యాక్ హిట్ సినిమాలను అందుకుంటున్నారు.

షైన్ స్క్రీన్.. సురేష్ ప్రొడక్షన్ బ్యానర్..

ఈ నేపథ్యంలోనే వెంకటేష్ అనిల్ రావిపూడి కాంబినేషన్లో రాబోయే ఈ సినిమాకి కూడా షైన్ స్క్రీన్ నిర్మాతలుగా వ్యవహరించబోతున్నారని తెలుస్తోంది ఇక ఈ బ్యానర్ తో పాటు సురేష్ ప్రొడక్షన్(Suresh Production) బ్యానర్ కూడా భాగస్వామ్యం అయ్యారు. ఇలా ఈ రెండు బడా నిర్మాణ సంస్థలు ఈ చిత్రాన్ని నిర్మించబోతున్నట్టు తెలుస్తోంది. త్వరలోనే ఈ విషయానికి సంబంధించి అధికారక ప్రకటన కూడా రాబోతోందని సమాచారం. ఇక ఈ సినిమా స్క్రిప్ట్ పనులు జరుగుతున్నాయని, త్వరలోనే ఈ సినిమాకు సంబంధించి అధికారిక ప్రకటన రాబోతుందని తెలుస్తోంది.

క్యామియో పాత్రలో వెంకటేష్..

అనిల్ రావిపూడి తన పదవి సినిమాకి సంబంధించి ఉగాది పండుగను పురస్కరించుకొని అధికారకంగా ప్రకటన చేయబోతున్నట్టు ఇండస్ట్రీ సమాచారం. మరి ఈయన ఈసారి ఏ జోనర్ లో సినిమా చేయబోతున్నారనే వివరాలు తెలియాల్సి ఉంది. ఇక ఇటీవల అనిల్ రావిపూడి మెగాస్టార్ చిరంజీవితో కలిసి మన శంకర వరప్రసాద్ గారు సినిమా ద్వారా ప్రేక్షకుల ముందుకు వచ్చారు. ఈ సినిమా ఫ్యామిలీ ఎంటర్టైర్నర్ గా ప్రేక్షకులను మెప్పించింది. ఇందులో విక్టరీ వెంకటేష్ కూడా క్యామియో పాత్రలో నటించిన సంగతి తెలిసిందే.

Also Read: Prakash Raj: వారణాసిలో ప్రకాష్ రాజ్ పాత్ర అదేనా.. రీవీల్ చేసిన నటుడు!