Dhanush: ప్రముఖ కోలీవుడ్ స్టార్ హీరోగా తనకంటూ ఒక ప్రత్యేకమైన గుర్తింపును సొంతం చేసుకున్న ధనుష్ (Dhanush) గురించి పరిచయాలు ప్రత్యేకంగా అవసరం లేదు. నటుడిగా, నిర్మాతగా, దర్శకుడిగా కూడా తనలోని ప్రతిభ చాటుతూ విపరీతమైన ఆదరణ సొంతం చేసుకున్నారు. అంతేకాదు ఇప్పటికే వరుస సినిమాలు చేస్తూ.. ప్రేక్షకులను ఆకట్టుకుంటున్న ఈయన.. మరొకవైపు రాజకీయరంగ ప్రవేశం కూడా చేస్తున్నట్లు గత కొన్ని రోజులుగా వార్తలు వినిపిస్తున్న విషయం తెలిసిందే. అయితే ఇప్పుడు ధనుష్ ఆ వార్తలను నిజం చేయడమే కాకుండా తన కొత్త పార్టీని స్థాపించి, ఆ పార్టీ పేరును కూడా రిజిస్టర్ చేయించినట్లు తమిళనాడు మీడియాలో వార్తలు వినిపిస్తున్నాయి. మరి ధనుష్ పెట్టబోతున్న ఆ కొత్త పార్టీ ఏంటి? దాని పేరేమిటి ?ఆ కొత్త పార్టీ థీమ్ ఏంటి ?ఇలా పలు విషయాలు సోషల్ మీడియాలో వైరల్ గా మారుతున్నాయి.
తాజాగా తమిళ సినీ రాజకీయ వర్గాలలో హాట్ టాపిక్ గా మారిన అంశం ధనుష్ పొలిటికల్ ఎంట్రీ.. తమిళ కథానాయకుడిగా ధనుష్ రాజకీయ అరంగేట్రానికి వేగంగా అడుగులు వేస్తున్నట్లు వార్తలు వినిపిస్తున్నాయి. ఇప్పటికే తన అభిమాన సంఘాల ద్వారా సామాజిక కార్యక్రమాలు నిర్వహిస్తూ వస్తున్న ధనుష్.. ఇప్పుడు ఏకంగా రాజకీయ పార్టీ ఏర్పాటుకు సిద్ధమైనట్లు ప్రచారం జరుగుతోంది. తాజాగా అందుతున్న సమాచారం ప్రకారం.. ధనుష్ తన రాజకీయ పార్టీ కోసం ‘తమిళగ ఎళుచ్చి కళగం’ అనే పేరును ఖరారు చేసినట్లు వార్తలు వినిపిస్తున్నాయి. పైగా ఈ పేరుతో పార్టీని ఎన్నికల సంఘం వద్ద నమోదు చేయించినట్లు తమిళ్ రాజకీయ వర్గాలలో వార్తలు వినిపిస్తున్నాయి. అయితే దీనిపై ఇంకా ధనుష్ నుంచి ఎటువంటి అధికారిక ప్రకటన వెలువడలేదు. కానీ ఈ విషయం సోషల్ మీడియాలో వైరల్ గా మారింది.
ఇకపోతే గత కొంతకాలంగా ధనుష్ రాజకీయాల్లోకి వస్తారనే ప్రచారం జోరుగా సాగుతున్న వేళ.. ఇప్పుడు ఈ కొత్త పార్టీ పేరు సోషల్ మీడియాలో మరింత హాట్ టాపిక్ గా మారింది. కానీ ధనుష్ తన రాజకీయ ప్రస్తానానికి సంబంధించిన విషయాలను స్వయంగా ప్రకటించే వరకు ఎదురు చూడాల్సిందే. ఇదిలా ఉండగా మరొకవైపు త్వరలోనే పార్టీ పేరు, విధివిధానాలు , జెండా, రాజకీయ లక్ష్యాలపై ధనుష్ అధికారికంగా ప్రకటన చేసే అవకాశం ఉందనే చర్చ కూడా జరుగుతోంది. విజయ్ లాగే ధనుష్ కూడా సినిమా జీవితాన్ని పక్కన పెట్టి పూర్తిగా రాజకీయ రంగంలోకి రాబోతున్నారా అనే ఊహాగానాలు కూడా సోషల్ మీడియాలో వ్యక్తం అవుతున్నాయి.
నిజానికి తమిళనాడులో సినీ హీరోలు రాజకీయాల్లోకి వచ్చే ముందు అభిమాన సంఘాలను ఒక బలమైన వ్యవస్థగా మార్చుకుంటారు అనే కామెంట్లు ఎప్పటినుంచో వినిపిస్తున్న విషయం తెలిసిందే. ఇప్పటికే కమలహాసన్, విజయ్ వంటి సినీ ప్రముఖులు కూడా రాజకీయాలతో ముడిపడే ముందు ఇలా అభిమాన సంఘాలను బలమైన వ్యవస్థగా మార్చుకున్నారు. అందుకే ధనుష్ కూడా తన అభిమానులను రాజకీయంగా సహకరించేలా ప్రయత్నాలు చేస్తున్నారా అనే చర్చ మొదలయ్యింది. మరి చూద్దాం ఈ వార్తలన్నింటికీ ధనుష్ ఏ విధంగా క్లారిటీ ఇస్తారో.
Share
ఇందిరమ్మ ఇళ్లు పథకం పేరుతో భూ కబ్జా.. పట్టించుకోని మున్సిపల్ అధికారులు!
వడ్డీ రేట్లు పెంపుతో హోమ్ లోన్ వారికి షాక్.. కొత్త గృహాలు కొనేవారికి భారం, నెలకు ఈఎంఐ ఎంతంటే..
