Janhvi Kapoor: బాలీవుడ్ ఇండస్ట్రీలో హీరోయిన్ గా ఎంతో మంచి సక్సెస్ అందుకొని ప్రస్తుతం సౌత్ సినిమాలలో ఎంతో బిజీగా గడుపుతున్న వారిలో శ్రీదేవి తనయ జాన్వీ కపూర్(Janhvi Kapoor) ఒకరు. ప్రస్తుతం ఈమె పని బాలీవుడ్ సినిమాలతో పాటు తెలుగు సినిమాలలో కూడా ఎంతో బిజీగా ఉన్నారు. ఇలా కెరియర్ పరంగా ఎంతో బిజీగా ఉన్నా జాన్వీ కపూర్ తాజాగా ఒక ఇంటర్వ్యూలో పాల్గొన్నారు . ఇందులో భాగంగా ఆమె డీప్ ఫేక్ ఫోటోల గురించి మాట్లాడుతూ కాస్త ఎమోషనల్ అయ్యారు. ఇటీవల కాలంలో ఏఐ టెక్నాలజీ అందుబాటులోకి వచ్చిన తర్వాత ఎంతోమంది సెలబ్రిటీల ఫోటోలు మార్ఫింగ్ చేసి పెడుతున్న సంగతి తెలిసిందే. ఈ ఫోటోల పై ఇప్పటికే ఎంతో మంది సెలబ్రిటీలు తమ ఆవేదన వ్యక్తం చేశారు.
ఇకపోతే తాజాగా జాన్వీ కపూర్ సైతం తన డీప్ ఫోటోల గురించి మాట్లాడుతూ ఆవేదన వ్యక్తం చేశారు. తాను 15 సంవత్సరాల వయసులో ఉన్నప్పుడే ఇలాంటి సంఘటన జరిగిందని ఈమె గుర్తు చేసుకున్నారు. 15 సంవత్సరాల వయసులో ఉన్నప్పుడే తన ఫోటోని మార్ఫింగ్ చేసి ఒక ఫోర్న్ సైట్ లో పెట్టారని ఆ ఫోటో చూసి షాక్ అయ్యానని జాన్వీ తెలిపారు. అయితే ఆ చేదు సంఘటన ఇప్పటికీ నన్ను వెంటాడుతూనే ఉందని ఇప్పటికి తాను నరకం అనుభవిస్తున్నానంటూ ఈమె తన ఆవేదన మొత్తం బయటపెట్టారు.
తాను స్కూల్ చదువుతున్న సమయంలోనే మా ఐటీ క్లాసులో అబ్బాయిలు సరదాగా పలు సైట్లు ఓపెన్ చేసేవారు .అలా ఓపెన్ చేసినప్పుడు నా ఫోటో కనిపించిందని ఆ క్షణం తాను ఎంతో ఇబ్బందిగా ఫీలయ్యానని తెలిపారు. అది డీప్ ఫేక్ ఫోటోనా లేక మార్ఫింగ్ ఫోటోనా తెలియదు కానీ ఫోర్న్ సైట్ లో నా ఫోటో కనిపించేసరికి సెలబ్రిటీల పిల్లలుగా పుట్టినందుకు మేము చెల్లించుకున్న మూల్యం ఇదే అని తనకు తాను సర్ది చెప్పుకున్నానని జాన్వీ కపూర్ ఈ ఇంటర్వ్యూ సందర్భంగా తన డీప్ ఫేక్ వీడియో గురించి చేసిన వ్యాఖ్యలు సంచలనంగా మారాయి.
పెద్ది సినిమాలో జాన్వీ కపూర్…
ఇటీవల కాలంలో ఎఐ అందుబాటులోకి వచ్చిన తర్వాత ఎంతోమంది సెలబ్రిటీలు ఈ విధమైనటువంటి ఇబ్బందులను ఎదుర్కొంటున్నారని, వీటి కారణంగా తనకు మనశ్శాంతి లేకుండా పోతుందని తెలిపారు . ఇలా ఏఐ ఫోటోల గురించి అలాగే డీప్ ఫేక్ ఫోటోల గురించి ఈమె తన ఆవేదన మొత్తం బయట పెడుతూ చేసిన ఈ కామెంట్స్ ప్రస్తుతం వైరల్ అవుతున్నాయి. ఇక ఈమె కెరియర్ విషయానికి వస్తే బాలీవుడ్ సినిమాలలో నటించి మంచి సక్సెస్ అందుకున్న ఈమె దేవర సినిమా ద్వారా సౌత్ ఇండస్ట్రీకి పరిచయమైన సంగతి తెలిసిందే. ఇక ప్రస్తుతం రామ్ చరణ్ హీరోగా బుచ్చిబాబు డైరెక్షన్లో నటిస్తున్న పెద్ది సినిమా(Peddi Movie)లో కూడా జాన్వీ కపూర్ నటిస్తున్నారు ఈ సినిమా చివరి దశ షూటింగ్లో ఉంది.
Also Read: బైకర్ సినిమా పై పెద్ది ప్రశంశలు.. స్నేహితుడి సక్సెస్ చూసి మురిసిపోయిన చరణ్
Share
బాబోయ్.. ఇంత పెద్ద టీవీనా? LG 115 అంగుళాల స్మార్ట్ టీవీ లాంచ్.. గేమర్లకు ఇక పండగే!
విన్ ఫాస్ట్ నుంచి క్రేజీ స్కూటర్లు.. టీవీఎస్, ఏథర్కు కష్టాలే!
