Senior Actress Kavitha:ప్రముఖ సీనియర్ నటీమణి కవిత గురించి పరిచయాలు ప్రత్యేకంగా అవసరం లేదు. సినీ ఇండస్ట్రీలోకి అడుగుపెట్టి తెలుగు, తమిళ్, కన్నడ, మలయాళం చిత్రాలతో సౌత్ ఇండియా ప్రేక్షకులను విపరీతంగా ఆకట్టుకున్న ఈమె.. తెలుగు సీనియర్ స్టార్ హీరోల చిత్రాలలో నటించి ఆకట్టుకుంది. 1976 లో వచ్చిన ‘ఓ మంజు’ అనే తమిళ చిత్రంలో మంజు పాత్రలో నటించి మొదటి సినిమాతోనే కుమారి కవితగా ఘన విజయం అందుకున్న ఈమె.. ఆ తర్వాత అదే ఏడాది ‘సిరిసిరిమువ్వ’ చిత్రం ద్వారా తెలుగు ప్రేక్షకులను పలకరించింది.
అడవి రాముడు, న్యాయవాది , విశ్వనాథ్, ఇద్దరూ అసాధ్యులే, వెంకటేశ్వర వ్రత మహత్యం, శారదా రాముడు, నకిలీ మనిషి, అల్లుడు పట్టిన భారతం, చుట్టాలున్నారు జాగ్రత్త, శ్రీమద్విరాట్ వీరబ్రహ్మేంద్రస్వామి చరిత్ర, పెద్దరికం, ప్రెసిడెంట్ పేరమ్మ ఇలా పలు చిత్రాలు చేసి ప్రేక్షకులను ఆకట్టుకుంది. ముఖ్యంగా తన సినీ కెరియర్ లో ఎన్నో చిత్రాలలో నటించి ఆకట్టుకున్న ఈమె.. ఒకవైపు సినిమాలలో నటిస్తూనే.. మరొకవైపు సీరియల్స్ లో కూడా కీలక పాత్రలు పోషించి మెప్పించింది.
అలాంటి కవిత ఇప్పటికీ పలు చిత్రాలలో క్యారెక్టర్ ఆర్టిస్ట్ పాత్రలతో ఆకట్టుకుంటున్న విషయం తెలిసిందే. అలాంటి ఈమె ఇటీవల ఒక ఇంటర్వ్యూలో పాల్గొని.. తొమ్మిది నెలల్లో ఏకంగా 132 కోట్ల రూపాయలను కోల్పోయాం అంటూ చేసిన కామెంట్లు సోషల్ మీడియాలో వైరల్ గా మారుతున్నాయి. ఈ మధ్యకాలంలో క్యారెక్టర్ ఆర్టిస్టు పాత్రలతో ప్రేక్షకులను అలరిస్తున్న కవిత ఇంటర్వ్యూలో భాగంగా మాట్లాడుతూ.. ” ఒక ఏడు సంవత్సరాల క్రితం నా భర్త తన బిజినెస్ లో తొమ్మిది నెలల్లోనే ఏకంగా రూ.132 కోట్లు నష్టపోయారు. పాండిచ్చేరి లో ఆయిల్ బిజినెస్ చేసే వాళ్ళు. అయితే ఒక నాలుగు సంవత్సరాల క్రితం ప్రపంచవ్యాప్తంగా బిజినెస్ డౌన్ అయింది. ఈ విషయాలు ఏవి కూడా ఆయన మాకు ఎవరికీ చెప్పలేదు. నా సినిమాల బిజీ కారణంగా నేనెప్పుడూ కూడా ఆయన బిజినెస్ లో జోక్యం చేసుకోలేదు.
ఆ నష్టాన్ని చూసి తట్టుకోలేక ఒక్కసారిగా కింద పడిపోయారు. ఆ సమయంలో మాటలు లేవు. హుటాహుటిన హాస్పిటల్ కి తీసుకెళ్తే.. బ్రెయిన్ హెమరేజ్(మెదడులో రక్తస్రావం) అన్నారు. బ్రతకరు.. చుట్టాలు ఎవరైనా చూడాల్సిన వాళ్లు ఉంటే అందర్నీ పిలవండి అని చెప్పారు. అయితే నేను మాత్రం ఆయన బ్రతికే ఉంటారు ..ఏం కాదు..నేను ఎవరిని పిలవను అని చెప్పాను. కానీ ఆయన కోమాలోకి వెళ్లిపోయారు. 11 రోజులపాటు కోమాలోనే ఉన్నారు. నేను ఒక్కదాన్నే హాస్పిటల్లో ఉన్నాను. పిల్లలు కూడా రానన్నారు. మా నాన్న ఎలా ఉన్నారో అలాగే మాకు కావాలి అని చెప్పారు. ఇక సాయి కి చెప్పలేని పరిస్థితి.. దీని గురించి చెప్తే ఎలా రిసీవ్ చేసుకుంటారో అనే భయం నాలో కలిగింది.
also read:మమ్మల్ని విడగొట్టాలని చూస్తున్నారు.. శివ పై వర్షిణి ఫైర్!
కానీ భగవంతుడు దయతో ఆయన క్షేమంగా ఇంటికి వచ్చారు” అంటూ ఆమె చెప్పుకొచ్చింది. ఏది ఏమైనా బిజినెస్ కారణంగా ఆ రేంజ్ లో నష్టపోవడం నిజంగా బాధాకరం అనే చెప్పాలి. ఇకపోతే ఆ భయానక సందర్భం నుండి బయటపడ్డ కవిత భర్త దశరథరాజు 2021లో కరోనా కారణంగా మరణించారు. భర్త మరణించిన కొన్ని రోజులకే కుమారుడు కూడా చనిపోవడం ఆమె జీవితంలో కోలుకోలేని దెబ్బ అనే చెప్పాలి. ఇకపోతే కవిత దశరాథరాజు దంపతులకు ముగ్గురు పిల్లల అన్న విషయం అందరికీ తెలిసిందే.
Share
తమిళనాడుకు షాక్.. ఏపీకి జాక్పాట్.. రూ. 1614 కోట్ల కొరియన్ పెట్టుబడుల వెనుక అసలు కథ!
రూ. 279 రీఛార్జ్ ప్లాన్.. ఎయిర్టెల్ యూజర్లకు పండగే పండగ.. 20కి పైగా ఓటీటీలు ఉచితం!
