Bollywood: బాలీవుడ్ ను వెంటాడుతున్న బిష్ణోయ్ వర్గం బెదిరింపులు.. సల్మాన్, రణవీర్ తో పాటూ!

Lawrence Bishnoi: గత కొన్ని సంవత్సరాలుగా బాలీవుడ్ లో ఉండే కొంతమంది సెలబ్రిటీలను టార్గెట్గా చేసుకొని హత్యా బెదిరింపులు వస్తున్న విషయం తెలిసిందే. ముఖ్యంగా బిష్ణోయ్ వర్గం నుండి ఈ బెదిరింపులు సెలబ్రిటీలకు కంటిమీద కునుకులేకుండా చేస్తున్నాయి.. ఈ క్రమంలోనే మొన్నటి వరకు బాలీవుడ్ కండలవీరుడిగా భారీ పాపులారిటీ సంపాదించుకున్న సల్మాన్ ఖాన్ (Salman Khan) కి వరుసగా బెదిరింపులు రావడమే కాకుండా ఆయనపై హత్యా ప్రయత్నాలు కూడా జరిగాయి. ముఖ్యంగా ఆయన ఇంటిపై కాల్పులు కూడా జరిపారు. అంతేకాదు ఆయన బయట తిరగాలి అంటే కూడా భయపడే స్టేజ్ కి ఆయనను తీసుకొచ్చారు. గత సంవత్సరం బిగ్ బాస్ సీజన్ 19 షోకి హోస్ట్ గా వ్యవహరిస్తున్న సమయంలో కూడా సెక్యూరిటీ సమక్షంలోనే ఆయన హోస్ట్ గా వ్యవహరించారు. అంతేకాదు 2కోట్ల విలువైన బుల్లెట్ ప్రూఫ్ కార్ ను కూడా కొనుగోలు చేసిన విషయం తెలిసిందే.

బాలీవుడ్ లో బెదిరింపుల దాడులు..

అటు సల్మాన్ ఖాన్ తోపాటు షారుక్ ఖాన్ , అమీర్ ఖాన్ లను కూడా చంపేస్తామని కొంతమంది దుండగులు, గ్యాంగ్ స్టర్లు బెదిరించారు కూడా.. అయితే ఇదంతా బిష్ణోయ్ వర్గం నుండి బెదిరింపులు వస్తున్నట్లు సమాచారం. ఇక ఈ ఘటనలు మరువక ముందే ఇప్పుడు ప్రముఖ బాలీవుడ్ హీరో రణవీర్ సింగ్ కి(Ranveer Singh) కూడా ఈ వర్గం నుండి బెదిరింపులు రావడం ఇండస్ట్రీలో కలకలం సృష్టిస్తోంది. హీరో రణవీర్ సింగ్ వాట్సప్ కి వాయిస్ మెసేజ్ పంపారు.. అందులో దుండగులు హీరో రణవీర్ ను ఉద్దేశించి.. కోట్ల రూపాయల డబ్బు డిమాండ్ చేశారు. తాము లారెన్స్ బిష్ణోయ్ గ్యాంగ్ కు చెందిన వారమని, తమ డిమాండ్ నెరవేర్చకపోతే తీవ్ర పరిణామాలు ఉంటాయని హెచ్చరించారట. వెంటనే ముంబై క్రైమ్ బ్రాంచ్ ను ఆశ్రయింగా.. కేసు నమోదు చేసుకున్న పోలీసులు విచారణ ప్రారంభించారు. పైగా రణవీర్, తన భార్య దీపికా పదుకొనే, కూతురు దువాతో కలిసి ఉంటున్న నివాసం వద్ద భద్రతను గణనీయంగా పెంచారు.

ALSO READ:Tollywood Movie OTT: చడీచప్పుడు లేకుండా ఓటీటీలోకి వచ్చేసిన తెలుగు మైథాలజికల్ థ్రిల్లర్ మూవీ!

అప్రమత్తమైన పోలీసులు..

దీనికి తోడు ముంబైలో ప్రముఖ దర్శకుడిగా భారీ పాపులారిటీ సంపాదించుకున్న రోహిత్ శెట్టి (Rohith Shetty) నివాసం వెలుపల కాల్పులు జరిగిన సంఘటన అందరిని భయభ్రాంతులకు గురిచేస్తోంది. ముఖ్యంగా సెలబ్రిటీలను టార్గెట్ గా చేసుకొని.. గత 15 రోజుల్లోనే దాదాపు డజన్ మంది సినీ సెలబ్రిటీలకు ఇలాంటి బెదిరింపు కాల్స్ వచ్చినట్లు సమాచారం. ఇకపోతే రణవీర్ తన నివాసం వద్ద ఆరుగురు సాయుధ ప్రైవేటు గార్డులను కూడా నియమించుకోగా.. వారి కదలికలపై తోటి నివాసితులు ఆందోళన వ్యక్తం చేస్తూ పోలీసులకు లేఖ కూడా రాశారు. ఇక్కడ మరో ఆశ్చర్యకరమైన విషయం ఏమిటంటే.. సెలబ్రిటీలతో పాటు సెలబ్రిటీ వ్యక్తిగత సిబ్బందిని కూడా హత్య చేస్తామంటూ హెచ్చరికలు జారీ చేశారు. ఇక వరుస బెదిరింపుల హెచ్చరికలు వస్తున్న నేపథ్యంలో పోలీసులు అప్రమత్తమై భద్రతా చర్యలను చేపట్టారు.. ఏది ఏమైనా సెలబ్రిటీలకు ఇలా వరుసగా బెదిరింపులు రావడం ఇండస్ట్రీలో కలకలం రేపుతోంది.