Danush -Mrunal Thakur: ధనుష్ మృణాళ్ పెళ్లి .. క్లారిటీ ఇచ్చిన టీమ్!

Danush -Mrunal Thakur: సినిమా ఇండస్ట్రీలో హీరో హీరోయిన్ల గురించి నిత్యం ఎన్నో రకాల వార్తలు హల్చల్ చేస్తూ ఉంటాయి. ఒక హీరో హీరోయిన్ కలిసి చనువుగా కనిపించిన , వరుసగా రెండు మూడు సినిమాలలో నటించిన వారిద్దరి గురించి ఎన్నో రకాల వార్తలు బయటకు వస్తుంటాయి. ఈ నేపథ్యంలోనే నటి మృణాళ్ ఠాకూర్(Mrunal Thakur), నటుడు ధనుష్(Danush) జంట గురించి కూడా ఇలాంటి వార్తలు సోషల్ మీడియాలో హల్చల్ చేస్తున్నాయి. గత కొంతకాలంగా వీరిద్దరి రిలేషన్ గురించి సోషల్ మీడియాలో వార్తలు వైరల్ అవ్వడమే కాకుండా ఏకంగా పెళ్లి చేసుకోబోతున్నారు అంటూ మరోసారి వీరికి సంబంధించిన ఈ వార్తలు తెరపైకి వచ్చాయి.

పెళ్లి వార్తలు అవాస్తవం..

ఇన్ని రోజులు రిలేషన్ లో ఉన్న ఈ జంట వాలెంటైన్స్ డే సందర్భంగా ఫిబ్రవరి 14వ తేదీ పెళ్లి చేసుకోబోతున్నారు అంటూ గత రెండు రోజులుగా సోషల్ మీడియాలో పెద్ద ఎత్తున వార్తలు వినపడుతున్నాయి. ఈ నేపథ్యంలోనే ఈ వార్తల పై మృణాళ్ ఠాకూర్ టీమ్ స్పందిస్తూ క్లారిటీ ఇచ్చారు. నటి మృణాళ్ పెళ్లి గురించి సోషల్ మీడియాలో వస్తున్న ప్రచారంలో ఏమాత్రం నిజం లేదని తనకసలు ఇప్పట్లో పెళ్లి చేసుకోవాలన్న ఆలోచన కూడా లేదని స్పష్టం చేశారు. అనవసరంగా ఈ రూమర్లను ఉద్దేశపూర్వకంగానే సృష్టించారని వెల్లడించడంతో ఈ పుకార్లకు పూర్తిగా చెక్ పెట్టినట్టు అయింది.

భార్యకు విడాకులు ఇచ్చిన ధనుష్..

ఇప్పటికైనా వీరిద్దరి డేటింగ్, పెళ్లి రూమర్లకు చెక్ పడుతుందా.. లేదంటే ఇలాగే కొనసాగుతుందా అనేది తెలియాల్సి ఉంది.. అయితే ధనుష్ పెళ్లి గురించి ఇదివరకు ఎన్నో రకాల వార్తలు వచ్చాయి ఈయన సీనియర్ నటి మీనాను రెండో పెళ్లి చేసుకోబోతున్నారు అంటూ కూడా గతంలో వార్తలు బయటకు వచ్చాయి. ఈ వార్తలను కూడా నటి మీనా పూర్తిగా ఖండించారు. ధనుష్ ఇదివరకే పెళ్లి చేసుకుని తన భార్యకు విడాకులు ఇచ్చిన విషయం తెలిసిందే. దాదాపు 18 సంవత్సరాల వైవాహిక జీవితంలో సంతోషంగా గడిపిన ధనుష్, ఐశ్వర్య రజనీకాంత్ వ్యక్తిగత భేదాభిప్రాయాల వల్ల విడాకులతో విడిపోయారు.

విడుదలకు సిద్ధమవుతున్న డెకాయిట్…

ఇలా తన భార్యకు విడాకులు ఇచ్చినప్పటి నుంచి ధనుష్ రెండో పెళ్లి గురించి పెద్ద ఎత్తున వార్తలు బయటకు వచ్చాయి. అయితే ఇప్పటివరకు ధనుష్ తన పెళ్లి రూమర్ల గురించి ఎక్కడ స్పందించిన దాఖలాలు లేవు. ఇక గత కొంతకాలంగా మృణాళ్ ఠాకూర్ తో ఈయన డేటింగ్ లో ఉన్నారనే ప్రచారం తెరపైకి రావడంతో ఈ వార్తలకు కూడా చెక్ పెట్టారు. ప్రస్తుతం మృణాళ్ ఠాకూర్ బాలీవుడ్ సినిమాలతో పాటు సౌత్ సినిమాలలో నటిస్తూ బిజీగా ఉన్నారు త్వరలోనే ఈమె హీరో అడివి శేష్ తో కలిసి నటించిన డెకాయిట్ సినిమా ద్వారా ప్రేక్షకుల ముందుకు రావడానికి సిద్ధమవుతున్నారు. ఈ సినిమా మార్చ్ 19 వ తేదీ విడుదల కాబోతున్న విషయాన్ని చిత్ర బృందం అధికారకంగా తెలియజేశారు.

Also Read: Dragon: ఎన్టీఆర్ ప్రశాంత్ నీల్ డ్రాగన్ సినిమాలో RRR బ్యూటీ..