Lottery King: టాలీవుడ్ మన్మథుడు, కింగ్ అక్కినేని నాగార్జున కెరీర్లో అత్యంత ప్రతిష్టాత్మకమైన 100వ చిత్రం (King 100) ప్రస్తుతం జోరుగా షూటింగ్ జరుపుకుంటోంది. ఎలాంటి హడావుడి లేకుండా, సైలెంట్ కాన్సెప్ట్తో సెట్స్ పైకి తీసుకెళ్లిన ఈ ల్యాండ్మార్క్ మూవీ గురించి రోజుకో క్రేజీ న్యూస్ ఫిలిం నగర్ సర్కిల్స్లో హల్చల్ చేస్తోంది. తాజాగా ఈ సినిమాకు సంబంధించి ఒక మైండ్ బ్లోయింగ్ అప్డేట్ నెట్టింట వైరల్గా మారింది. ఈ చిత్రంలో కన్నడ ‘రియల్ స్టార్’ ఉపేంద్ర ఒక కీలకమైన పాత్రలో నటించబోతున్నట్లు గట్టి టాక్ వినిపిస్తోంది.
కన్నడ స్టార్ అయినప్పటికీ ఉపేంద్రకు తెలుగులో కల్ట్ ఫాలోయింగ్ ఉంది. గతంలో ఆయన నటించిన ‘ఎ’, ‘ఉపేంద్ర’ వంటి సినిమాలు ఇక్కడ సంచలన విజయం సాధించాయి. ‘S/o సత్యమూర్తి’, ‘గని’ వంటి చిత్రాల్లో సపోర్టింగ్ రోల్స్ చేసిన ఉపేంద్ర.. రజనీకాంత్ ‘కూలీ’ సినిమాలోనూ మెరిసిన సంగతి తెల్సిందే. ఇప్పుడు నాగ్ 100వ సినిమాలో ఆయన పాత్ర సినిమాకు మెయిన్ అసెట్ గా నిలవబోతున్నాడని సమాచారం.
ఇక ఈ ప్రతిష్టాత్మక చిత్రానికి రా. కార్తీక్ దర్శకత్వం వహిస్తుండగా అన్నపూర్ణ స్టూడియోస్ సమర్పణలో, ‘మనం ఎంటర్టైన్మెంట్స్’ బ్యానర్పై నాగార్జున స్వయంగా ఈ చిత్రాన్ని నిర్మిస్తున్నారు. ఈ సినిమాలో నాగ్ సరసన ఐశ్వర్య రాజేష్, సుష్మితా భట్ కథానాయికలుగా నటిస్తుండగా.. సీనియర్ బ్యూటీ టబు ఒక ప్రత్యేకమైన పాత్రలో మెరవనుంది. ఇప్పుడు వీరితో పాటు ఉపేంద్ర కూడా తోడవ్వడం సినిమాపై అంచనాలను భారీగా పెంచేసింది.
Also read :బాస్ జేబుకు రూ. 2.5 లక్షల చిల్లు పెట్టిన ఎంప్లాయ్.. జెరోధా ఆఫీస్లో జరిగిన క్రేజీ స్టోరీ
ఫిలిం నగర్ సమాచారం ప్రకారం.. ఈ చిత్రం ‘రాగ్స్ టు రిచ్’ (పేదవాడి నుంచి సంపన్నుడిగా మారే) కాన్సెప్ట్తో వైవిధ్యమైన కథాంశంతో తెరకెక్కుతోంది. ఈ చిత్రానికి ‘లాటరీ కింగ్’ అనే టైటిల్ పరిశీలనలో ఉన్నట్లు తెలుస్తోంది. ఇందులో నాగార్జున విభిన్నమైన గెటప్స్, వింటేజ్ లుక్స్తో ఫ్యాన్స్కు ఐ-ఫీస్ట్ ఇవ్వబోతున్నారట. రాక్స్టార్ దేవిశ్రీ ప్రసాద్ ఈ చిత్రానికి సంగీతం అందిస్తున్నారు. ఈ మూవీని 2027 సంక్రాంతి కానుకగా విడుదల చేయడానికి మేకర్స్ ప్లాన్ చేస్తున్నారు.
అయితే ‘లాటరీ కింగ్’ కాన్సెప్ట్, నాగ్ వింటేజ్ లుక్స్ అనగానే ఫ్యాన్స్లో పాత నాగార్జునను చూస్తామనే నమ్మకం కలగడం పెద్ద ప్లస్ పాయింట్. అలాగే టబు, ఉపేంద్ర, ఐశ్వర్య రాజేష్ వంటి పెర్ఫార్మర్స్ను ఎంచుకోవడం సినిమాకు జాతీయ స్థాయిలో మైలేజ్ తెచ్చిపెడుతుంది. ఈ చిత్రానికి దేవిశ్రీ ప్రసాద్ లాంటి మాస్ పల్స్ తెలిసిన సంగీత దర్శకుడు దొరకడం సినిమాకు మరో పెద్ద అసెట్ అని చెప్పాలి.
కానీ నాగార్జున తన కెరీర్లోనే అత్యంత ప్రతిష్టాత్మకమైన 100వ సినిమా బాధ్యతలను తక్కువ అనుభవం ఉన్న రా. కార్తీక్ చేతుల్లో పెట్టడం కాస్త రిస్క్ అనే చెప్పాలి. గతంలో పలువురు సీనియర్ హీరోలు ఇలాంటి ప్రయోగాలు చేసి చేతులు కాల్చుకున్నారు కూడా.మరోవైపు ‘లాటరీ కింగ్’ అనే టైటిల్ వినడానికి కాస్త పాతకాలం నాటి మాస్ సినిమాగా అనిపిస్తోందని, ఇప్పటి ట్రెండ్కు ఇలాంటి టైటిల్స్ ఎంతవరకు కనెక్ట్ అవుతాయా అనేది సందేహమే.
వీటన్నిటికీ తోడు రిలీజ్ డేట్ కూడా పెద్ద సవాల్గా మారేలా ఉంది. 2027 సంక్రాంతి రేసులో ఇప్పటికే పలువురు స్టార్ హీరోల పాన్ ఇండియా చిత్రాలు క్యూ కట్టే అవకాశం ఉంది. మరి ఆ హెవీ కాంపిటీషన్ మధ్య ఈ ‘కింగ్’ ఎంతవరకు తట్టుకుంటాడో చూడాలి. ఏదేమైనా 100వ సినిమా విషయంలో నాగార్జున తీసుకుంటున్న కేర్, సెలెక్ట్ చేసుకుంటున్న నటీనటులు చూస్తుంటే ఈ సినిమా టాలీవుడ్లో ఒక స్పెషల్ మూవీగా నిలిచేలానే ఉంది. మరి ఈ ‘లాటరీ కింగ్’ బాక్సాఫీస్ వద్ద ఎలాంటి జాక్పాట్ కొడతాడో వేచి చూడాల్సిందే.
Share
మీరు తరచూ రక్తదానం చేస్తున్నారా? అయితే ఈ విషయాల్లో జాగ్రత్త.. శరీరంలో జరిగే మార్పులు ఇవే
మిస్టీరియస్ నాలుకతో ముద్దూ ముచ్చట... మైండ్ ను మడత పెట్టే ట్విస్టులు
