బసవతారకం హాస్పిటల్ వెనుక ఉన్న ఆ కన్నీటి కథ.. స్టేజ్ పైనే ఎమోషనల్ అయిన బాలయ్య !

Balakrishna Speech: టాలీవుడ్ లెజెండరీ నటుడు, నటసింహం నందమూరి బాలకృష్ణ వెండితెరపైనే కాదు, నిజ జీవితంలోనూ రియల్ హీరో అనిపించుకున్నారు. ఇటీవల హైదరాబాద్‌లోని బసవతారకం ఇండో-అమెరికన్ క్యాన్సర్ హాస్పిటల్ అండ్ రీసెర్చ్ ఇన్‌స్టిట్యూట్ 25 వసంతాలు పూర్తి చేసుకుని రజతోత్సవ (సిల్వర్ జుబ్లీ) వేడుకలను అత్యంత వైభవంగా జరుపుకుంది. ఈ ప్రత్యేకమైన వేదికపై బాలయ్య బాబు కేవలం ఒక మాస్ క్యాప్టెన్‌గానో, హిందూపూర్ శాసనసభ్యుడిగానో కాకుండా, ఒక సాధారణ కొడుకుగా మాట్లాడిన మాటలు ప్రస్తుతం సోషల్ మీడియా ప్లాట్‌ఫామ్స్‌ను షేక్ చేస్తున్నాయి.

నాడు 1999 లో దివంగత విశ్వవిఖ్యాత నటసార్వభౌమ నందమూరి తారకరామారావు ఆశయాలకు అనుగుణంగా, అటల్ బిహారీ వాజ్‌పేయి చేతుల మీదుగా ప్రారంభమైన ఈ హాస్పిటల్.. నేడు పాతికేళ్ల మైలురాయిని దాటి కోట్లాది మంది గుండెల్లో దేవుడి గుడిగా మారింది. బాలయ్య నటిస్తున్న తాజా యాక్షన్ ఎంటర్‌టైనర్ ‘NBK 111’ వంటి భారీ చిత్రాల షూటింగ్స్ మరియు పొలిటికల్ షెడ్యూల్స్ ఉన్నప్పటికీ, ఈ సిల్వర్ జుబ్లీ వేడుకను ఘనంగా నిర్వహించడం విశేషం.

ప్రపంచ స్థాయి క్యాన్సర్ కేర్ సెంటర్‌

ఈ మహా ప్రస్థానం వెనుక ఉన్న ఒక ఎమోషనల్ ఫ్లాష్‌బ్యాక్‌ను బాలకృష్ణ ఈ సందర్భంగా గుర్తు చేసుకున్నారు. గతంలో తన తల్లి నందమూరి బసవతారకం గారు క్యాన్సర్ మహమ్మారితో పోరాడుతున్న రోజుల్లో.. ఆర్థికంగా ఎంతో బలంగా ఉన్న నందమూరి కుటుంబం ఆ ఖరీదైన వైద్య ఖర్చులను భరించగలిగింది. కానీ, అదే సమయంలో ఆసుపత్రి బెడ్‌పై ఉన్న అమ్మ అడిగిన ఒకే ఒక్క ప్రశ్న బాలయ్య గుండెను పిండేసింది.

also read :మెగా హీరో సినిమా సస్పెన్స్..వంద కోట్ల బడ్జెట్ బూడిదలో పోసిన పన్నీరేనా?

‘మనకంటే డబ్బుంది కాబట్టి ఈ ట్రీట్‌మెంట్ తీసుకోగలుగుతున్నాం, మరి రూపాయి లేని పేదవాడి పరిస్థితి ఏంటి బాబూ?’ అని ఆమె అడిగిన ఆ ప్రశ్నే ఈ బసవతారకం ఆసుపత్రి స్థాపనకు బలమైన పునాదిగా మారింది. కేవలం 100 పడకల సామర్థ్యంతో అత్యంత సాదాసీదాగా మొదలైన ఈ చిరు ప్రయత్నం.. కాలక్రమేణా ఎదిగి నేడు అధునాతన రోబోటిక్ సర్జరీలు, అంతర్జాతీయ స్థాయి రేడియేషన్ మరియు స్క్రీనింగ్ టెక్నాలజీతో ప్రపంచ స్థాయి క్యాన్సర్ కేర్ సెంటర్‌గా అవతరించింది.

దాతల వల్లే ఈ అద్భుతం సాధ్యమైందన్న బాలయ్య

ఈ ప్రయాణంలో ఇప్పటివరకు రికార్డు స్థాయిలో 3.75 లక్షల మందికి పైగా రోగులకు కేవలం ఓపీ (ఔట్ పేషెంట్) సేవలను అందించి ఈ ఆసుపత్రి సరికొత్త చరిత్ర సృష్టించింది. ఈ సుదీర్ఘ ప్రయాణంలో ఉమ్మడి ఆంధ్రప్రదేశ్ ముఖ్యమంత్రుల కాలం నుండి మొదలుకుని, నేటి తెలంగాణ రాష్ట్ర ప్రభుత్వం వరకు అందించిన రాజకీయాలకి అతీతంగా అందించిన సహకారాన్ని బాలయ్య కృతజ్ఞతతో స్మరించుకున్నారు.

కేవలం రెండు తెలుగు రాష్ట్రాల ప్రజలే కాకుండా, నేడు పొరుగు రాష్ట్రాల నుండి, గల్ఫ్ మరియు ఆఫ్రికన్ దేశాల నుండి సైతం బాధితులు ఇక్కడి వైద్య సేవలను నమ్మి వస్తున్నారంటే అది ఈ సంస్థ సంపాదించుకున్న విశ్వసనీయతకు నిదర్శనం. ‘సమరసింహారెడ్డి’, ‘నరసింహనాయుడు’ వంటి ఎన్నో ఇండస్ట్రీ హిట్ చిత్రాలతో బాక్సాఫీస్ వద్ద రికార్డుల దుమ్ము దులిపిన బాలయ్య.. బసవతారకం వేదికపై మాత్రం ఎంతో వినయంగా కనిపించారు. అహోరాత్రులు శ్రమిస్తున్న డాక్టర్లు, నర్సులు, పారామెడికల్ సిబ్బందితో పాటు ప్రపంచవ్యాప్తంగా ఉన్న తన నందమూరి అభిమానులు, దాతల వల్లే ఈ అద్భుతం సాధ్యమైందని ఆకాశానికి ఎత్తేశారు.

also read :ఇంటర్నెట్‌ను షేక్ చేస్తున్న ‘ఫుట్ బేకింగ్’ వీడియో.. ఇది టేస్ట్ కోసమా? లేక వ్యూస్ కోసమా?

చివరగా . జేబులో పైసా లేదు అనే ఒకే ఒక్క కారణంతో ఏ ఒక్క పేద రోగి కూడా బసవతారకం ఆసుపత్రి గుమ్మం దాటి వెనక్కి వెళ్లే ప్రసక్తే లేదని చెప్పుకొచ్చారు బాలయ్య.ఇక్కడికి వచ్చే ప్రతి ఒక్కరూ క్యాన్సర్‌ మహమ్మారిపై విజయం సాధించి, ముఖంలో చిరునవ్వుతో ఇంటికి వెళ్లేవరకు తమ ఉచిత మరియు రాయితీ వైద్య సేవలు నిరంతరాయంగా కొనసాగుతాయని బాలయ్య భరోసా ఇచ్చారు.