Nani vs Vijay Devarakonda: టైర్ 2 హీరోల రేసులో గెలిచేది ఎవరు..?

Nani vs Vijay Devarakonda: 2026 సంవత్సరం టాలీవుడ్‌లో టైర్ 2 హీరోల మధ్య ఆసక్తికరమైన పోటీగా మారబోతోంది. ఈ పోటీలో ప్రధానంగా ఇద్దరు హీరోల పేర్లు ఎక్కువగా వినిపిస్తున్నాయి. వారు.. నాని.. విజయ్ దేవరకొండ. ఇద్దరూ తమ కెరీర్‌లోనే అత్యధిక బడ్జెట్ సినిమాలతో 2026లో ప్రేక్షకుల ముందుకు రావడానికి సిద్ధమవుతున్నారు. అందుకే ఈ పోటీపై భారీ అంచనాలు ఉన్నాయి.

నాని విషయానికి వస్తే, ఆయన ఎప్పటినుంచో స్థిరమైన విజయాలతో ముందుకు వెళ్తున్నారు. పెద్ద బ్లాక్‌బస్టర్ లేకపోయినా, ప్రతి సినిమా కనీసంగా మంచి ఫలితాన్ని ఇస్తోంది. ఇప్పుడు ఆయన చేస్తున్న అత్యంత ప్రతిష్టాత్మక చిత్రం ‘ది పారడైస్’. ఈ సినిమాను శ్రీకాంత్ ఓదెల దర్శకత్వం వహిస్తున్నారు. ఇది నాని కెరీర్‌లోనే అత్యంత ఖరీదైన సినిమా అని సమాచారం. ఇంత పెద్ద బడ్జెట్ పెట్టడం నానికి ఒక పెద్ద రిస్క్. అయినా ‘దసరా’ తర్వాత ఈ కాంబినేషన్‌పై ప్రేక్షకుల్లో మంచి నమ్మకం ఉంది.

ఇదే సమయంలో నాని మరో విభిన్నమైన సినిమా ‘బ్లడీ రోమియో’ చేస్తున్నారు. ఈ సినిమాకు సుజీత్ దర్శకత్వం వహిస్తున్నారు. ఇందులో నాని ఒక చెఫ్ పాత్రలో కనిపిస్తారు, కానీ లోపల హింసాత్మక స్వభావం ఉన్న వ్యక్తిగా కథ సాగుతుంది. ఇది నాని కెరీర్‌లో పూర్తిస్థాయి గ్యాంగ్‌స్టర్ పాత్ర కావడం విశేషం. నాని ఈ సినిమాకు నిర్మాతగా కూడా ఉండటం వల్ల, దర్శకుడికి పూర్తి స్వేచ్ఛ లభిస్తుందని ఇండస్ట్రీలో టాక్ ఉంది.

మరోవైపు విజయ్ దేవరకొండకు 2026 చాలా కీలకమైన సంవత్సరం. గత కొన్ని సినిమాలు ఆశించిన ఫలితం ఇవ్వకపోవడంతో, ఇప్పుడు ఆయన రీ-కంబ్యాక్‌పై పూర్తి ఫోకస్ పెట్టారు. ఆయన చేస్తున్న ‘రణబాలి’ సినిమా స్వాతంత్ర్యానికి ముందు రాయలసీమ నేపథ్యంలో తెరకెక్కుతోంది. ఇది హింసాత్మక పీరియడ్ యాక్షన్ డ్రామాగా రూపొందుతోంది. విజయ్ లుక్‌పై ఆసక్తి ఉన్నా, హైప్ మాత్రం ఇంకా మోస్తరుగా ఉంది.

అలాగే విజయ్ ‘రోడీ జనార్ధన’ అనే మాస్ యాక్షన్ సినిమా కూడా చేస్తున్నారు. ఈ సినిమా ఆయన పాత రౌడీ ఇమేజ్‌ను తిరిగి తీసుకురావాలని లక్ష్యంగా పెట్టుకుంది. అయితే ఇప్పటివరకు వచ్చిన అప్డేట్స్ మిశ్రమ స్పందననే తెచ్చాయి.

2026లో నాని తప్పకుండా హిట్ కొడతారు అనే నమ్మకం ముందుకు వస్తే, విజయ్ మాత్రం ఒత్తిడితో.. మరోపక్క బలమైన కంటెంట్‌తో సర్‌ప్రైజ్ ఇవ్వాలనే ప్రయత్నంలో ఉన్నారు. ఎగ్జిక్యూషన్ సరిగ్గా జరిగితే నాని పైచేయి సాధించే అవకాశం ఉంది. కానీ విజయ్ దేవరకొండ సినిమాలు బాగా క్లిక్ అయితే, అనూహ్యమైన కంబ్యాక్ కూడా తప్పక చూడొచ్చు.

ALSO READ: Urvasi Rautela: 31వ బర్తడే కి.. 251 మంది అమ్మాయిలకు పెళ్లిళ్ల జరిపిన బాలకృష్ణ హీరోయిన్..!