Prisha Singh: అల్లరి నరేష్ హీరోగా , సురభి హీరోయిన్గా ప్రముఖ డైరెక్టర్ చంద్రమోహన్ దర్శకత్వంలో రాబోతున్న తెలుగు సోషియో ఫాంటసీ కామెడీ చిత్రం రంభ ఊర్వశి మేనక. భారీ అంచనాల మధ్య సెప్టెంబర్ 4వ తేదీన ప్రేక్షకుల ముందుకు రాబోతున్న ఈ చిత్రంలో మేనక పాత్రతో ఆడియన్స్ ను ఆకట్టుకోవడానికి సిద్ధమైంది ప్రిషా సింగ్.
ఇటీవల ఈ సినిమా నుండి విడుదల చేసిన గ్లింప్స్ ప్రేక్షకులను ఆకట్టుకోగా .. అందులో ఈమె తన అద్భుతమైన గ్లామర్ తో ఆడియన్స్ ను కట్టిపడేసింది . ఈ మధ్య సోషల్ మీడియాలో నిత్యం యాక్టివ్ గా ఉంటూ గ్లామర్ ఫోటోలు షేర్ చేస్తూనే తాజాగా లంగా వోణీలో కనిపించి అభిమానులను ఆకట్టుకుంది.
హెవీ ఎంబ్రాయిడరీ తో డిజైన్ చేసిన పింక్ కలర్ బ్లౌజ్ ధరించిన ఈమె.. దీనికి ఆపోజిట్ బాటమ్ లావెండర్ కలర్ లో ధరించింది. ఇజుట్టును సింపుల్ గా వదిలేసిన ఈమె చెవి దిద్దులు, బ్యాంగిల్స్ తో తన మేకోవర్ను ఫుల్ ఫీల్ చేయడమే కాకుండా తన గ్లామర్ తో ఆడియన్స్ ను ఆకట్టుకునే ప్రయత్నం చేసింది. మొత్తానికైతే లంగా వోణీలో ప్రిషా సింగ్ అందాలు అభిమానులను విపరీతంగా ఆకట్టుకుంటున్నాయి.
ప్రస్తుతం ఈమె షేర్ చేసిన ఫోటోలు సోషల్ మీడియాలో వైరల్ గా మారుతున్నాయి. ప్రిషా సింగ్ విషయానికొస్తే.. అల్లు శిరీష్ హీరోగా నటించిన బడ్డీ అనే చిత్రంలో కథానాయికలలో ఒకరిగా నటించింది. సామ్ దర్శకత్వం వహించిన ఈ చిత్రంలో ఎయిర్ హోస్టెస్ పాత్ర పోషించింది.
సినిమాల మీదే కాకుండా ఫోటోగ్రాఫర్ గా కూడా తన అభిరుచిని చాటుకుంటుంది. ఫోటోగ్రఫీ అంటే కేవలం జంతువులను, వన్య ప్రాణులను చిత్రీకరించడం మాత్రమే కాదు క్షణాలను, భావోద్వేగాలను వాటి స్వచ్ఛమైన రూపంలో బంధించడం అంటూ తన అభిప్రాయాన్ని చెప్పుకొచ్చింది. ఇప్పుడు అల్లరి నరేష్ రంభ ఊర్వశి మేనక చిత్రంతో తన అదృష్టాన్ని పరీక్షించుకోబోతోంది ఈ ముద్దుగుమ్మ.
Share
ఇల్లు దద్దరిల్లే సౌండ్తో సోనీ సౌండ్బార్..మ్యూజిక్ లవర్స్కి పండగే!
వందే భారత్ రైళ్లలో ఇదే ఫాస్టెస్ట్.. ఈ రైలు వెరీ స్లో.. ఎందుకంటే?
