Ramcharan RC17 : మెగా పవర్ స్టార్ రామ్ చరణ్ తేజ్ ఇటీవల పెద్ది సినిమా ద్వారా ప్రేక్షకుల ముందుకు వచ్చారు. ఈ సినిమా అనుకున్న స్థాయిలో ప్రేక్షకుల అంచనాలను చేరుకోలేకపోయింది. ఈ నేపథ్యంలోనే మెగా అభిమానుల్లో కొంతపాటి నిరాశ అయితే ఉందని చెప్పాలి. ఇక ఈ సినిమా తర్వాత రామ్ చరణ్(Ram Charan) తదుపరి సినిమాని ప్రముఖ పాన్ ఇండియా స్టార్ డైరెక్టర్ సుకుమార్ (Sukumar) డైరెక్షన్లో చేయబోతున్న సంగతి తెలిసిందే. ఇప్పటికే ఈ సినిమాకు సంబంధించి అధికారక ప్రకటన కూడా వెలువబడింది. త్వరలోనే ఈ సినిమా షూటింగ్ ప్రారంభం కాబోతోంది అంటూ వార్తలు కూడా వచ్చాయి.
ఇలా ఈ సినిమాకు సంబంధించి రోజుకొక వార్త సోషల్ మీడియాలో చక్కర్లు కొడుతుంది.తాజాగా ఈ సినిమా కోసం ప్రముఖ సంగీత దర్శకుడు అనిరుద్ రవిచంద్రన్(Anirudh Ravichandran) రంగంలోకి దిగారనే వార్తలు కూడా బయటకు వచ్చాయి. రామ్ చరణ్ సుకుమార్ కాంబినేషన్లో ప్రేక్షకుల ముందుకు రాబోతున్న ఈ సినిమాకు అనిరుద్ సంగీతం అందిస్తున్నారని ఇప్పటికే ఈయనతో చర్చలు కూడా పూర్తి అయ్యాయని. సాధారణంగా సుకుమార్ సినిమా అంటే కచ్చితంగా దేవిశ్రీప్రసాద్ సంగీత దర్శకుడిగా ఉంటారు. అయితే దేవిశ్రీప్రసాద్ హీరోగా సినిమాలలో బిజీగా ఉన్నారు.
ఈ విధంగా దేవిశ్రీ ప్రసాద్ హీరోగా బిజీగా ఉన్న నేపథ్యంలో రామ్ చరణ్ సినిమా కోసం అనిరుద్ రవిచంద్రన్ ఫైనల్ అయ్యారని తెలుస్తుంది. ఈ సినిమా కోసం ఇప్పటికే ఎంతో మంది హీరోయిన్ల పేర్లు తెరపైకి వచ్చాయి. తాజాగా మరొక ముద్దుగుమ్మ పేరు కూడా వినపడుతుంది. దురంధర్, యుఫోరియా వంటి సినిమాలతో తెలుగు ప్రేక్షకులకు పరిచయమైన నటి సారా అర్జున్(Sara Arjun) ఈ సినిమాలో హీరోయిన్ పాత్రలో నటించబోతున్నట్టు వార్తలు వచ్చాయి. దురంధర్ సినిమా ద్వారా తెలుగు ప్రేక్షకుల ముందుకు వచ్చిన ఈ ముద్దుగుమ్మ సూపర్ సక్సెస్ అందుకున్నారు.
ఈ సినిమా రెండు భాగాలు సుమారు 3000 కోట్లకు పైగా కలెక్షన్లను రాబట్టిన సంగతి తెలిసిందే. ఈ సినిమాతో సూపర్ సక్సెస్ అందుకున్న సారా అర్జున్ ఇప్పుడు రామ్ చరణ్ సుకుమార్ కాంబినేషన్లో రాబోతున్న సినిమాలో నటించబోతున్నారనే విషయం తెలియగానే ఈ సినిమా పట్ల భారీగా అంచునాలు ఉన్నాయి. మరి నిజంగానే సారా అర్జున్ ఈ ప్రాజెక్టులో భాగం కాబోతున్నారా? అనేది తెలియాల్సి ఉంది. ఇక ఈ సినిమా దసరా పండుగ సందర్భంగా అక్టోబర్ 20 వ తేదీ పూజా కార్యక్రమాలను ఘనంగా ప్రారంభించి రెగ్యులర్ షూటింగ్ పనులను జరుపుకోబోతుందని తెలుస్తుంది. ఇక ఈ విషయాలకు సంబంధించి చిత్ర బృందం త్వరలోనే అధికారక ప్రకటన తెలియజేయనున్నారు.
Also Read: కామ్రేడ్ కళ్యాణ్ షూటింగ్.. ప్రమాదానికి గురైన శ్రీకాంత్ అయ్యంగార్.. పునర్జన్మ అంటూ!
Share
పవన్ తో బ్రేకప్ పై క్లారిటీ ఇచ్చిన రీతూ చౌదరి!
నరసరావుపేట లో రూల్స్ బ్రేక్ చేసిన ఎమ్మెల్యే చదలవాడ.. ఏం చేసారంటే?
