JAILER 2 Telugu Trailer Review: సూపర్ స్టార్ రజినీ కాంత్ (Rajinikanth) నటించిన లేటెస్ట్ మూవీ జైలర్ 2 (jailer 2). ఈ సినిమా మొదటి పార్ట్ బంపర్ హిట్ కావడంతో… పార్ట్ 2తో వస్తోంది చిత్ర బృందం. దసరా కానుకగా రిలీజ్ కాబోతున్న ఈ జైలర్ 2 ట్రైలర్ తాజాగా రిలీజ్ అయింది. ఇందులో రిటైర్డ్ జైలర్ పాత్రలో అదరగొట్టిన రజనీకాంత్… ఈ సారి అండర్ వరల్డ్ ముప్పును ఎలా ఎదుర్కొన్నాడనేది సినిమా కథ. తన కుటుంబ స‌భ్యుల‌ను కాపాడుకునేందుకు పూర్తిగా డ్రైవర్ అవ‌తారం ఎత్తిన రజినీకాంత్ కు మ‌రో ముగ్గురు హీరోలు ఎలా స‌హాయం చేస్తారు ? విల‌న్ ఆట ఎలా క‌ట్టిస్తాడ‌నేది చూడాలి.
రజినీకాంత్ చేసిన జైలర్ 2 మూవీ ట్రైలర్ సోషల్ మీడియాను షేక్ చేస్తోంది. ఇందులో మొదటి పార్ట్ కంటే ఎక్కువ యాక్షన్ సీన్స్ ఉన్నట్టు తెలుస్తోంది. ఎప్పటిలాగే రజినీకాంత్ తన స్టైల్, స్వాగ్ తో ఇరగదీశాడు. మాస్ యాక్షన్ సీక్వెన్స్ లు, స్టైలిష్ స్క్రీన్ ప్రెజెన్స్, డైలాగ్ డెలివరీ ట్రైలర్ లో హైలెట్ గా నిలిచాయని చెప్పవచ్చు. ఈ సినిమాలో రజనీకాంత్ దాదాపుగా డ్రైవర్ పాత్రలో కనిపించాడు. అతని కోసం విలన్లు వెతకడం.. సైలెంట్ గా రజినీకాంత్ తన పని తాను చేసుకుంటూ ముందుకు సాగడం ట్రైలర్ లో కనిపించాయి.
అంటే విలన్లకు తెలియకుండానే… రజనీకాంత్ పని పూర్తి చేస్తాడని ట్రైలర్ చూస్తే అర్థమవుతోంది. అటు శివన్న మోహన్ లాల్ ఇప్పటికే మొదటి పార్ట్ లో ఉండగా…. వాళ్లను రెండో పార్ట్ లో కూడా చూపించారు. దానికి తోడు హృతిక్ రోషన్ పాత్ర కూడా ఉన్నట్టు తెలుస్తోంది. ఎస్ జె సూర్య, విద్యాబాలన్ తమ పాత్రలో ఒరిగిపోయారు. దానికి తగ్గట్టుగానే, అనిరుద్ రవి చందర్ ఇచ్చిన బ్యాక్ గ్రౌండ్ మ్యూజిక్ ట్రైలర్ కే హైలెట్ గా నిలిచింది. మొత్తానికి తాజాగా రిలీజ్ అయిన ట్రైలర్… మూవీ హైప్స్ అమాంతం పెంచేసింది.
సూపర్ స్టార్ రజినీకాంత్ నటించిన జైలర్ 2 సినిమాకు నెల్సన్ దిలీప్ కుమార్ దర్శకత్వం వహించారు. ఈ సినిమా దసరా కానుకగా అక్టోబర్ 15వ తేదీన మొత్తం మూడు భాషల్లో రిలీజ్ కానుంది. తమిళ, తెలుగు తోపాటు హిందీ భాషలో కూడా రిలీజ్ చేయబోతున్నారు. మొదటి పార్ట్ 240 కోట్లతో తీయగా.. రెండో భాగం 350 కోట్లతో తెరకెక్కించారు. మ‌రి ఈ జైలర్ 2 సినిమా ఏ రేంజ్ లో హిట్ అవుతుందో చూడాలి.
Share
పగటిపూట ప్రెసిడెంట్... రాత్రి వేళ సీక్రెట్ వేట... మెంటలెక్కించే హర్రర్ థ్రిల్లర్
ఫ్రీ బస్సు పథకం ఎఫెక్ట్.. కేవలం 3 నెలల్లో రికార్డును బ్రేక్ చేసిన టీజీఎస్ఆర్టీసీ!
