West Indies jersey sponsor Controversy: టీమిండియా వర్సెస్ వెస్టిండీస్ మధ్య ప్రస్తుతం వన్డే సిరీస్ జరుగుతున్న సంగతి తెలిసిందే. నిన్న తిరువనంతపురం వేదికగా తొలి వన్డే జరగగా అద్భుతంగా రాణించిన టీమిండియా… విక్టరీ అందుకుంది. అయితే ఈ తరుణంలో వెస్టిండీస్ క్రికెట్ జట్టు గురించి షాకింగ్ నిజం బయటకు వచ్చింది. భారత పర్యటనకు రాకముందు వెస్టిండీస్ జట్టుకు వన్డే జెర్సీ స్పాన్సర్ గా ఎవరు లేరట. ఎప్పుడైతే భారత పర్యటనకు వచ్చిందో.. వెంటనే వెస్టిండీస్ జట్టుకు ఊపిరి పోస్తూ… స్పాన్సర్ కంపెనీ దొరికినట్టు సోషల్ మీడియాలో పోస్టులు వైరల్ అవుతున్నా యి. వెస్టిండీస్ జెర్సీ స్పాన్సర్ గా లీవ్ ప్యూర్ ఒప్పందం కుదుర్చుకున్నట్లు సోషల్ మీడియాలో వార్తలు వస్తున్నాయి.
కోట్లల్లో డబ్బులు ఇచ్చి మరీ… స్పాన్సర్షిప్ ఒప్పందం కుదుర్చుకుందట లివ్ ప్యూర్ కంపెనీ. దీంతో వెస్టిండీస్ క్రికెట్ జట్టుకు భారీ ఊరట లభించినట్లు పోస్టులు వైరల్ అవుతున్నాయి. భారత జట్టుతో వన్డే సిరీస్ ఫిక్స్ అయిన నేపథ్యంలోనే ఈ ఒప్పందం జరిగినట్లు చెబుతున్నారు. అంటే ఇండియా తో సిరీస్ ఎఫెక్ట్ కారణంగానే ఈ స్పాన్సర్షిప్ వెస్టిండీస్ జట్టుకు దక్కింది అన్నమాట. ఈ క్రమంలో బీసీసీఐ అటు టీమిండియాను మెచ్చుకుంటూ పోస్టులు పెడుతున్నారు. భారత శక్తి ఏంటో మరోసారి ప్రపంచానికి తెలిసిందని కామెంట్స్ కూడా పెడుతున్నారు.
భారత పర్యటనకు వచ్చిన తర్వాత క్రికెట్ వెస్టిండీస్ తో లీవ్ ప్యూర్ సంస్థ స్పాన్సర్ షిప్ ఒప్పందం కుదుర్చుకున్నట్లు వస్తున్న వార్తలపై తీవ్ర దుమారం పెరిగింది. సోషల్ మీడియాలో ప్రచారం అవుతున్న ఈ అంశం ఫేక్ అంటూ విండీస్ క్రికెట్ బోర్డు కు సంబంధించిన కొంతమంది అధికారులు వెల్లడించినట్లు తెలుస్తోంది. ఫిబ్రవరి 2026 లోనే ఆ కంపెనీ వెస్టిండీస్ క్రికెట్ జట్టుతో ఒప్పందం కుదుర్చుకున్నట్లు స్పష్టం చేసినట్లు తెలుస్తోంది.
టి20 ప్రపంచకప్ 2026 టోర్నమెంట్ సందర్భంగా కూడా లివ్ ప్యూర్ కంపెనీయే స్పాన్సర్ గా ఉంది అని స్పష్టం చేశారట. ప్రస్తుత భారత పర్యటన సందర్భంగా కూడా అదే కంపెనీ స్పాన్సర్ గా ఉన్నట్లు వెల్లడించారని సమాచారం. అయితే స్వదేశంలో జరిగిన సిరీస్ లలో ఈ కంపెనీ పేరు బయటకు రాకపోవడంతో… తప్పుడు ప్రచారం వైరల్ అవుతోందని వెస్టిండీస్ అధికారులు స్పష్టం చేసినట్లు చెబుతున్నారు. సోషల్ మీడియాలో జరుగుతున్న ఫేక్ సమాచారాన్ని ఎవరు నమ్మకూడదని వెస్టిండీస్ అధికారులు వెల్లడించినట్లు తెలుస్తోంది. ఇది ఇలా ఉండగా నిన్న తిరువనంతపురం వేదికగా తొలి మ్యాచ్ లో వెస్టిండీస్ పై 8 వికెట్ల తేడాతో టీమిండియా విజయం సాధించింది.
Before coming to India, West Indies didn’t have a jersey sponsor 😨
Now, Livpure and Khul are the main sponsors of West Indies. That’s what India brings to cricket 💥
A team without a sponsor gets one as soon as they land in India 🇮🇳#INDvsWI pic.twitter.com/UW57QqzlO4
— Ajay Jadeja (@AjayJadeja171) September 27, 2026
Share
ఏబీవీపీ నాయకుడి నుంచి సీఎంగా.. తన పొలిటికల్ జర్నీని చెప్పిన సీఎం రేవంత్!
భార్య పేరుతో భర్త పెత్తనం.. నిజామాబాద్ జిల్లాలో అధికార దుర్వినియోగం!
