KA 2 Update: హీరో కిరణ్ అబ్బవరం నటించిన KA సినిమా.. ఈ హీరో కెరీర్లో ఒక పెద్ద టర్నింగ్ పాయింట్గా నిలిచింది. ఈ సినిమా ప్రేక్షకులను ఆకట్టుకోవడంతో పాటు టాలీవుడ్లో ఆయనకు మంచి గుర్తింపు తీసుకొచ్చింది. ఈ విజయంతో KA 2 పై కూడా భారీ అంచనాలు ఏర్పడ్డాయి. కానీ ఇప్పుడు ఈ సీక్వెల్ గురించి వస్తున్న వార్తలు అభిమానుల్లో గందరగోళాన్ని సృష్టిస్తున్నాయి.
ఈరోజు లేకుండా సినిమా..!
ఇటీవల KA 2 సినిమా కిరణ్ అబ్బవరం లేకుండా తెరకెక్కించబోతున్నారని వార్తలు వైరల్ అవుతున్నాయి. ఈ వార్త విన్న అభిమానులు ఆశ్చర్యానికి గురయ్యారు. ఎందుకంటే మొదటి భాగంలో ఆయన పాత్ర చాలా ముఖ్యమైనది. అందుకే సీక్వెల్లో కూడా ఆయన ఉంటారని అందరూ భావించారు.
ఈ విషయంపై కిరణ్ అబ్బవరాన్ని ప్రశ్నించగా.. ఫైనల్ గా స్పందించారు. KA 2 గురించి తనకు ఎలాంటి సమాచారం లేదని చెప్పారు. ఇప్పటివరకు సినిమా టీమ్ నుంచి ఎవరూ తనను సంప్రదించలేదని కూడా వెల్లడించారు. దీంతో ప్రస్తుతం ఈ ప్రాజెక్ట్లో తాను భాగం కాదని స్పష్టంగా చెప్పారు.
ఈ వ్యాఖ్యలతో అభిమానుల్లో ఆసక్తి మరింత పెరిగింది. అసలు హీరో లేకుండా సీక్వెల్ ఎలా తీస్తారు? అనే ప్రశ్నలు వినిపిస్తున్నాయి. మరోవైపు సినిమా మేకర్స్ నుంచి ఇప్పటివరకు అధికారిక ప్రకటన కూడా రాలేదు. దీంతో ఈ విషయం మరింత సందేహంగా మారింది.
KA సినిమా ఒక ఫాంటసీ థ్రిల్లర్గా తెరకెక్కింది. మిస్టరీ గ్రామం నేపథ్యంలో సాగిన ఈ కథ ప్రేక్షకులను బాగా ఆకట్టుకుంది. కిరణ్ అబ్బవరం చేసిన పాత్ర సినిమాకు ప్రధాన ఆకర్షణగా నిలిచింది. కథలోని సస్పెన్స్ అంశాలు కూడా ప్రేక్షకులకు మంచి అనుభూతిని ఇచ్చాయి. బాక్సాఫీస్ వద్ద కూడా ఈ సినిమా మంచి విజయాన్ని సాధించింది. అంతేకాకుండా కొన్ని ఫిల్మ్ ఫెస్టివల్స్లో కూడా ప్రశంసలు అందుకుంది.
ఈ నేపథ్యంలో KA 2 పై అంచనాలు చాలా ఎక్కువగా ఉన్నాయి. అదే కథను కొనసాగిస్తూ మరింత ఆసక్తికరంగా ఉండాలని అభిమానులు కోరుకుంటున్నారు. కానీ కిరణ్ అబ్బవరం ఇందులో ఉంటారా లేదా అన్న విషయంలో క్లారిటీ లేకపోవడంతో ప్రస్తుతం ఈ ప్రాజెక్ట్ పై అనుమానాలు పెరుగుతున్నాయి.
మరి ఈ చిత్రంలో ఎలాంటి హీరోని సెలెక్ట్ చేసుకుని.. కథను ఎలా కొనసాగిస్తారు తెలుసుకోవాలి అంటే దర్శకుడు స్పందించే వరకు వేచి చూడాల్సిందే. మరోపక్క కిరణ్ అబ్బవరం వరకు సినిమాలతో బిజీగా ఉన్నాడు. సాయి రాజేష్ దర్శకత్వంలో ఈ హీరో చేస్తున్న చెన్నై లవ్ స్టోరీ త్వరలోనే విడుదలకు సిద్ధమవుతోంది.
Share
Niharika Konidela: ఇండస్ట్రీలో నిహారిక మరో కొత్త ప్రయోగం...మెగా ఫ్యామిలిలోనే మొదటి వ్యక్తిగా గుర్తింపు..
KTR : కొత్త రాగం ఎంచుకున్న కేటీఆర్?
