Yash Toxic Release: కన్నడ స్టార్ హీరో యాష్ నటిస్తున్న మోస్ట్ అవేటెడ్ యాక్షన్ ఎంటర్‌టైనర్ ‘టాక్సిక్: ఎ ఫెయిరీ టేల్ ఫర్ గ్రోన్-అప్స్’ (Toxic: A Fairytale for Grown-Ups) సినిమా రిలీజ్ డేట్ కోసం ఎదురుచూస్తున్న అభిమానుల నిరీక్షణకు తెరపడింది. ఈ సినిమా ఈ ఏడాది ఆగస్టు 26న ప్రపంచవ్యాప్తంగా థియేటర్లలో విడుదల కానున్నట్లు అధికారికంగా ప్రకటించారు. గత కొన్ని నెలలుగా ఈ సినిమా విడుదల తేదీపై వస్తున్న రకరకాల ఊహాగానాలకు ఈ ప్రకటనతో స్పష్టత వచ్చింది. నటుడు యష్ స్వయంగా తన అధికారిక ఇన్‌స్టాగ్రామ్ ఖాతా ద్వారా ఈ విషయాన్ని వెల్లడించారు.
Read also-Yoga Day Celebrities: యోగా డే స్పెషల్.. హీరోయిన్ల యోగ పోజులు..
పోస్టర్ పంచుకున్న యష్
కొత్తగా విడుదల చేసిన పోస్టర్‌లో యష్ రెడ్ కలర్ బ్యాక్‌డ్రాప్‌లో చాలా ఇంటెన్స్ (తీవ్రమైన) లుక్‌లో కనిపిస్తున్నారు. ఈ పోస్టర్‌తో పాటు రిలీజ్ డేట్‌ను షేర్ చేస్తూ యష్, “Honour Thy Father… Toxic ప్రపంచవ్యాప్తంగా 26-08-2026 నుండి థియేటర్లలో. ToxicTheMovie” అని రాసుకొచ్చారు. ఫాదర్స్ డే రోజున ఈ అప్‌డేట్ రావడంతో అభిమానులు “డాడీ ఈజ్ కమింగ్ హోమ్” అంటూ సోషల్ మీడియాలో తెగ కామెంట్లు పెడుతున్నారు.
ఈ సినిమా ప్రస్తుత తేదీకి రాకముందు కొన్నిసార్లు వాయిదా పడింది. మొదట ఈ చిత్రాన్ని మార్చి 19, 2026న విడుదల చేయాలని ప్లాన్ చేశారు. ఆ తర్వాత జూన్ 4, 2026కి మార్చారు. చివరకు ఇప్పుడు ఆగస్టు 26ను ఫైనల్ చేశారు.
Read also-Kissik Talks Show : బిగ్ బాస్ 10 లో స్నో అక్కకు ఛాన్స్.. ఒక్కరోజుకు రెమ్యూనరేషన్ ఎంతంటే..?
దర్శకురాలు గీతూ మోహన్ దాస్ తెరకెక్కిస్తున్న ఈ సినిమాలో యష్ ప్రధాన పాత్రలో నటిస్తుండగా, ఇది భారీ బడ్జెట్‌తో పాన్-ఇండియా స్థాయికంటే ఎక్కువగా రూపుదిద్దుకుంటోంది. ఈ చిత్రంలో నయనతార, హుమా ఖురేషి, కియారా అద్వానీ, తారా సుతారియా వంటి ప్రముఖ నటీమణులు కీలక పాత్రలు పోషిస్తున్నారు. గతంలో విడుదలైన గ్లింప్స్‌కు మిశ్రమ స్పందన వచ్చినప్పటికీ, సినిమాపై అంచనాలు మాత్రం చాలా భారీగా ఉన్నాయి.
Honour Thy Father…#Toxic In Cinemas Worldwide from 26-08-2026#ToxicTheMovie#Nayanthara @advani_kiara #TaraSutaria@humasqureshi @rukminitweets #GeetuMohandas @VishalMMishra #RajeevRavi #UjwalKulkarni #TPAbid #MohanBKere #SandeepSadashiva #PrashantDileepHardikar… pic.twitter.com/oAlW0JdldO
— Yash (@TheNameIsYash) June 21, 2026
Share
కేంద్రం కొత్త కసరత్తు.. బ్యాంకు ఉద్యోగులకు పండగే, అంతా డిజిటల్ మయం
బాక్సాఫీస్ వద్ద సమంత హవా.. 3 రోజుల్లో ‘మా ఇంటి బంగారం’ కలెక్షన్స్ ఎంతంటే?
