First list of BJP candidates: కేంద్రంలో అధికారంలో ఉన్న భారతీయ జనతా పార్టీ ఎన్నికలకు సమాయత్తమవుతోంది. ఎన్నికల సంఘం షెడ్యూల్ ప్రకటించకముందే.. లోక్ సభకు పోటీ చేయబోయే తమ పార్టీ అభ్యర్థుల జాబితాను ప్రకటించేందుకు సిద్దమవుతోంది బీజేపీ. తొలి విడతగా 100 మందితో జాబితాను వచ్చేవారం ప్రకటించే అవకాశం ఉన్నట్లు తెలుస్తోంది.
ఎన్నికల సన్నాహాల్లో భాగంగా బీజేపీ కేంద్ర ఎన్నికల కమిటీ ఫ్రిబ్రవరి 29న భేటీ కానుంది. అదే రోజు తొలి జాబితాను విడుదల చేసే అవకాశం ఉంది. ఇందులో ప్రధాని మోదీ, హోమంత్రి అమిత్ షా పేర్లు ఉండే అవకాశం ఉన్నట్లు సమాచారం. వారణాసి నుంచి రెండు సార్లు పోటీ చేసి గెలుపొందిన మోదీ.. మరోసారి అదే స్థానం నుంచి పోటీ చేయబోతున్నట్లు సమాచారం .
2019 ఎన్నికల్లో గాంధీనగర్ నుంచి గెలుపొందిన అమిత్ షా.. మరో సారి అక్కడి నుంచే బరిలో దిగే అవకాశం ఉంది. మార్చి 10 తర్వాత ఏ క్షణమైనా ఎన్నికల షెడ్యూల్ వెలువడే సూచనలు కనిపిస్తున్నాయి.
Read More: పీఎం మోదీపై ఏఐ టూల్ “జెమిని” వివాదాస్పద సమాధానం.. గూగుల్‌ రియాక్షన్‌ ఇదే..
సార్వత్రిక ఎన్నకల్లో ఒంటరిగానే 370 సీట్లు సాధించాలని బీజేపీ ఇప్పటికే లక్ష్యంగా పెట్టుకుంది. మొత్తంగా ఎన్డీయే కూటమి 400 సీట్లలో విజయం సాధించే దిశగా ఆ పార్టీ పావులు కదుపుతోంది. ఈ లక్ష్యాన్ని చేరుకోవాలంటే రాబోయే వంద రోజులు చాలా కీలకమని ప్రధాని మోదీ పార్టీ నేతలు, కార్యకర్తలకు ఇటీవల దిశానిర్ధేశం చేశారు. కాబట్టి ప్రతి కొత్త ఓటరును చేరుకోవాలని, ప్రతి ఒక్కరి నమ్మకాన్ని చూరగొనాలని సూచించారు.
Share
Medaram Jathara: వనదేవతల వనప్రవేశం.. చిలకల గుట్టకు సమ్మక్క.. కన్నెపల్లి ఆలయానికి సారలమ్మ..
Powerful Nava Graha Temples: మీ దరిద్రాన్ని ఆమడ దూరం చేసే నవగ్రహ ఆలయాలు
