Electronics : వరల్డ్ ఎకానమీలో ఎలక్ట్రానిక్స్ వ్యాపారరంగం అత్యంత కీలకం. పర్సనల్ కంప్యూటర్ల నుంచి మెమొరీ చిప్‌ల వరకు ఎలక్ట్రానిక్స్ పరికరాల ఎగుమతుల విలువ 4.1 ట్రిలియన్ డాలర్లకు చేరింది. ఎలక్ట్రానిక్స్ పరికరాల వ్యాపారంలో ఆసియా దేశాలే ముందంజలో ఉన్నాయి.
టాప్ టెన్ ఎలక్ట్రానిక్స్ ఎక్స్‌పోర్టర్లలో చైనా అగ్రభాగాన ఉందని మెకెన్సీ గ్లోబల్ ఇన్‌స్టిట్యూట్ వెల్లడించింది. 2021 నాటి ఎగుమతుల్లో డ్రాగన్ వాటా 34% గా ఉంది. దీని విలువ 1.4 ట్రిలియన్ డాలర్లు. 11 శాతం ఎగుమతుల వాటాతో తైవాన్ రెండోస్థానంలో నిలిచింది. సెమీకండక్టర్ల తయారీలో అగ్రగామి సంస్థ టీఎస్ఎంసీ ఉన్నది ఆ దేశంలోనే.
7% వాటాతో దక్షిణ కొరియా మూడోస్థానంలో నిలిచింది. ఎలక్ట్రానిక్స్ ఎగుమతుల్లో 5% వాటాతో వియత్నాం, మలేసియా దేశాలు 4,5 స్థానాలకు పరిమితమయ్యాయి. ఈ రంగంలో రెండు దశాబ్దాల క్రితం జపాన్‌దే ఆధిపత్యం ఉండేది. 2000లో ఎగుమతుల్లో 13% వాటా ఆ దేశానిదే. కానీ 2021 నాటికి పరిస్థితి తలకిందులైంది. ఎలక్ట్రానిక్స్ పరికరాల ఎగుమతుల్లో జపాన్ షేర్ 4 శాతానికి పడిపోయింది.
అమెరికా కూడా అంతే. 2000లో 16% ఎగుమతులు ఉండగా.. రెండు దశాబ్దాల అనంతరం 4 శాతానికే పరిమితం కావాల్సి వచ్చింది అగ్రరాజ్యం. ఎగుమతుల్లో జర్మనీ 4% వాటా ఉండగా.. మెక్సికో, థాయ్‌లాండ్ దేశాల వాటా 3% చొప్పున ఉంది.
Share
Naa Saamiranga Movie : నా సామిరంగా .. ఈ ఏజ్ లో కూడా జోరు తగ్గని నవ మన్మధుడు..
BRS Power Scam | ఒక్క విద్యుత్‌ శాఖలోనే రూ.81516 కోట్ల అవినీతి.. ఇదీ బిఆర్ఎస్ ప్రభుత్వ ఘనత!
