Coimbatore: వెండితెరపై సినిమా చాలా అందంగా కనిపిస్తుంది. కొన్ని సన్నివేశాలు రియల్ చూస్తే ఒళ్లు జలదరిస్తుంది. ఒక్కోసారి ప్రాణాలు సైతం పోయే ఘటనలు ఉంటాయి. సరిగ్గా అలాంటి ఘటన ఒకటి కోయంబత్తూరులో వెలుగు చూసింది. పోలీసుల తనిఖీలను తప్పించుకునేందుకు ఓ గుట్కా గ్యాంగ్ చేసిన పని తీవ్ర కలకలం రేపింది. భయానక ఘటనకు సంబంధించిన దృశ్యాలు సోషల్మీడియాలో వైరల్గా మారాయి.
తమిళనాడులోని కోయంబత్తూరులో పోలీసుల తనిఖీలను తప్పించుకునేందుకు గుట్కా గ్యాంగ్ చేసిన పని తీవ్ర కలకలం రేపింది. భారీగా గుట్కా తమిళనాడులోకి ఎంట్రీ అవుతుందన్న సమాచారంతో కోవిల్పాళయం పోలీసులు వాహనాల తనిఖీలు నిర్వహించారు. సరిగ్గా బెంగళూరు నుండి తరలిస్తున్న సుమారు 250 కిలోలకు పైగా నిషేధిత గుట్కా ఉత్పత్తులను లోడ్ చేసుకుని వెళ్తున్న ఒక ఎస్యూవీని ఆపడానికి పోలీసులు ప్రయత్నించారు.
అయితే కారు డ్రైవర్ వాహనాన్ని ఆపకుండా వేగంగా దూసుకెళ్లాడు. దీన్ని గమనించిన 38 ఏళ్ల హెడ్ కానిస్టేబుల్ వేల్మురుగన్ తన ప్రాణాలను లెక్క చేయలేదు. నేరుగా పైటాప్ రూఫ్ రైల్స్ను గట్టిగా పట్టుకున్నారు. ఐనప్పటికీ గుట్కా గ్యాంగ్ సభ్యులు వాహనాన్ని ఆపకుండా అత్యంత వేగంగా హైవేపైకి దూసుకెళ్లారు. కొచ్చి-సేలం హైవేపై దాదాపు 40 కిలోమీటర్ల భయంకరమైన దృశ్యాలు ఛేజ్గా మారిపోయాయి. వేగంగా వెళ్తున్న ఎస్యూవీ కారు పైకప్పుపై హెడ్ కానిస్టేబుల్ తన ప్రాణాలకు తెగించి వేలాడుతూ కనిపించాడు.
కానిస్టేబుల్ని కింద పడేలా వాహనాన్ని పలుమార్లు కుడివైపు, ఎడమవైపు తిప్పాడు డ్రైవర్. ఈ ప్రమాదకర దృశ్యాలను నేషనల్ హైవేస్ అథారిటీ ఆఫ్ ఇండియా-ఎన్హెచ్ఏఐ అంబులెన్స్ సిబ్బంది గమనించి వీడియో తీశారు. దీనిపై సమాచారం అందుకున్న తోటి పోలీసులు, స్థానికుల సహకారంతో గుట్కా గ్యాంగ్ సభ్యులను అదుపులోకి తీసుకున్నారు. అవినాశి ప్రాంత సమీపంలో ఈ ఆపరేషన్ విజయవంతంగా ముగిసింది. బాబు ధార, రాజేష్, సురేష్ అనే అనుమానితులను అరెస్టు చేశారు.
ALSO READ: 59 ఏళ్ల వయసులో ప్రభుత్వ టీచర్ ఉద్యోగం.. 27 ఏళ్ల సుదీర్ఘ పోరాటం
వారి నుంచి భారీ మొత్తంలో నిషేధిత సరుకును స్వాధీనం చేసుకున్నారు. పట్టుబడినవారు రాజస్థాన్కు చెందిన వ్యక్తులుగా గుర్తించారు. ఈ ఘటనపై కేసు నమోదు చేసి దర్యాప్తు జరుపుతున్నట్లు పోలీసులు వెల్లడించారు. హెడ్ కానిస్టేబుల్ చేసిన ధైర్యసాహసాలపై నెటిజన్లు, ప్రజలు ప్రశంసలు కురిపిస్తున్నారు.
The 40-Kilometer Grip: A Head Constable's Dance with Death
Imagine gripping a metal rail at highway speeds. The wind tears at your uniform. The driver below swerves violently, trying to shake you off. One slip, and you are roadkill.
This was the reality for Head Constable… pic.twitter.com/yeWF6aLQGp
— Narendra Goswami (@NarendraGoswami) September 27, 2026
Share
Karthika Deepam 2 Serial Today Episode September 28th ‘కార్తీక దీపం 2’ సీరియల్: సూరజ్, జ్యోత్స్నలను కెపేలో చూసిన దక్షిణమూర్తి 
Illu Illalu Pillalu Today Episodes: అయ్యో శ్రీవల్లి.. ధీరజ్ కు టెన్షన్.. చింతామణికి షాక్..
