Sonia Gandhi Birthday: కాంగ్రెస్ పార్లమెంటరీ పార్టీ ఆఫీసులో సోనియాగాంధీ పుట్టినరోజు వేడుకలు

Sonia Gandhi Birthday: కాంగ్రెస్‌ పార్టీ అగ్రనాయకురాలు సోనియాగాంధీ 79వ పుట్టినరోజు వేడుకలను ఢిల్లీలోని కాంగ్రెస్ పార్లమెంటరీ పార్టీ ఆఫీసులో ఘనంగా జరుపుకున్నారు. ఈ సందర్భంగా పార్టీ పెద్దలు, నాయకులు, పలువురు హృదయపూర్వక శుభాకాంక్షలు తెలియజేశారు. అలాగే ప్రధాని నరేంద్ర మోదీ కూడా సోనియా గాంధీకి పుట్టినరోజు శుభాకాంక్షలు తెలుపుతూ ట్వీట్ పెట్టారు.

కాంగ్రెస్ పార్లమెంటరీ పార్టీ చైర్‌పర్సన్‌గా ఉన్న సోనియా గాంధీ నేడు (డిసెంబరు 9) 79లోకి అడుగు పెట్టారు. దీంతో ఢిల్లీలోని పార్టీ కార్యాలయంలో పలువురు కాంగ్రెస్ పెద్దలు కేక్ కట్ చేసి సోనియమ్మకు బర్త్‌డే విషెస్ తెలిపారు. ఈ కార్యక్రమంలో జాతీయ కాంగ్రెస్ అధ్యక్షుడు మల్లికార్జున ఖర్గే, రాహుల్ గాంధీ, ప్రియాంక గాంధీ, కేసీ వేణుగోపాల్, యూపీ మాజీ సీఎం అఖిలేష్ కుమార్ యాదవ్, రాజ్యసభ ఎంపీ అనీల్ కుమార్ యాదవ్ పలువురు ఇండియా కూటమి ఎంపీలు పాల్గొన్నారు.

‘సోనియా గాంధీజీకి పుట్టినరోజు శుభాకాంక్షలు. మీకు దీర్ఘాయుష్షు, మంచి ఆరోగ్యం కలగాలి’ అని ప్రధాని మోదీ Xలో ట్వీట్ చేశారు.

సోనియా గాంధీ పుట్టిన రోజు సందర్భంగా కాంగ్రెస్ పార్టీ ఓ పోస్ట్ పెట్టింది. అందులో ‘సముద్రం అంత లోతైన.. ఆకాశం అంత ఎత్తయిన.. ఏ సవాలునైనా మనం కలిసి ఎదుర్కోగలం’ అని సోనియా గాంధీ రాసిన వ్యాఖ్యలను కాంగ్రెస్ పోస్ట్ చేసింది. సోనియమ్మ మాటలు ప్రజా జీవితంలో, నిజ జీవితంలో ఆమె కలిగి ఉన్న బలం, దయ, గౌరవాన్ని స్పష్టంగా తెలియజేస్తుందని పోస్టులో తెలిపారు. అలాగే సోనియా గాంధీ అచంచలమైన సమగ్రత, కరుణ, ధైర్యంతో జీవిస్తుందని పార్టీ సభ్యులు తెలిపారు.

Share

• 
• 
• 
• 
• 
•