Bengaluru: దేశంలో ఐటీ నగరాల్లో ఒకటైన బెంగుళూరు సిటీలో ఊహించని ఘటన జరిగింది. సిటీ నడిబొడ్డున ఇద్దరు అమ్మాయిలు-ఆటో డ్రైవర్ ఫైటింగ్ చోటు చేసుకుంది. ఒకరిపై మరొకరు పంచ్లు విసురుతూ కొట్టుకున్నారు. ఈ ఘటనకు సంబంధించి వీడియో ఇప్పుడు నెట్టింట జోరుగా చక్కర్లు కొడుతోంది. అసలు ఏం జరిగింది?
ప్రాంతం.. బెంగుళూరు సిటీ నడిబొడ్డున. మధ్యాహ్నాం రోడ్లన్నీ ఫుల్ బిజీగా ఉన్నాయి. HSR లేఅవుట్ ప్రాంతంలో అప్పుడు ఇద్దరు అమ్మాయిలు ఆటో నుంచి దిగారు. ఆటో ఛార్జీ విషయంలో అమ్మాయిలకు-ఆటో డ్రైవర్కు తొలుత మాటల వాగ్వాదం చోటు చేసుకుంది. అది కాస్త తీవ్రరూపం దాల్చింది. ఆ తర్వాత ఒకరిపై మరొకరు పిడిగుద్దులు, పంచ్లు విసురుకున్నారు. దాదాపు ఈ ఘటన నాలుగైదు నిమిషాల సేపు జరిగింది.
పరిస్థితి అదుపు తప్పడంతో అక్కడే ఉన్న మరొక అమ్మాయి జోక్యం చేసుకుంది. చివరకు ఆ గొడవను కంట్రోల్ చేసింది. ఈ ఘటనకు సంబంధించి స్థానికులు ఈ ఫైటింగ్ను తమ ఫోన్లలో బంధించి సోషల్ మీడియాలో పోస్టు చేశారు. క్షణాల్లో ఈ వీడియో వైరల్ అవుతోంది. ఈ వీడియోపై స్పందించిన నెటిజన్లు తక్షణమే వారిపై చర్య తీసుకోవాలని డిమాండ్ చేశారు. హెచ్ఎస్ఆర్ లేఅవుట్ పోలీసులు.. వీడియో చూసిన వెంటనే అమ్మాయిలను సంప్రదించి ఫిర్యాదు చేయమని కోరారు. అందుకు అమ్మాయిలు రావడానికి నిరాకరించారు.
ALSO READ: ఉత్తరప్రదేశ్లో విషాదం.. గ్యాస్ సిలిండర్ పేలి రెండంతస్తుల భవనం ధ్వంసం, నలుగురు దుర్మరణం!
గొడవ నేపథ్యంలో ఒకటి రెండు రోజుల సమయం తీసుకోవాలని కోరినట్టు తెలుస్తోంది. ఈలోగా ఆటో డ్రైవర్ను కూడా గుర్తించారు. ఆ అమ్మాయిలు తన ఆటోను అద్దెకు తీసుకుని డబ్బుల విషయంలో గొడవపడ్డారని పోలీసులకు వివరించాడు ఆటో డ్రైవర్. ఘటన సమయంలో అమ్మాయిలు మద్యం మత్తులో ఉన్నారని, తనను దూషించారని వాపోయాడు. డబ్బు చెల్లించడానికి నిరాకరించారని చెప్పుకొచ్చాడు. తొలుత తనపై దాడి చేయగా, దానికి ప్రతీకారంగా వారిపై దాడి చేశానని చెప్పుకొచ్చాడు. అమ్మాయిలు ఫిర్యాదు చేసిన తర్వాత చర్యలు తీసుకుంటామని చెప్పారు ఓ పోలీసు అధికారి.
A dispute over an auto fare in Bengaluru's HSR Layout escalated into a heated argument between a group of women and an auto driver. #Bengaluru #HSRLayout #AutoDriver #ViralVideo pic.twitter.com/bu1rveGaC6
— Prabhakar Singh Parihar प्रभाकर सिँह परिहार (@IPrabhakarSP) September 29, 2026
Share
రైలు ఫుడ్పై రైల్వే కీలక నిర్ణయం.. వంట నుంచి ప్యాకింగ్ వరకు AI నిఘా!
30 ఏళ్లు దాటిన తర్వాత పొట్ట ఎందుకు పెరుగుతుంది? కొవ్వు పేరుకుపోవడానికి ఈ 6 అలవాట్లే కారణం
