బిచ్చమెత్తే వృద్ధురాలి మృతి.. ఇంట్లో చూడగా అందరూ షాక్.. 30 మూటల్లో డబ్బే డబ్బు!

Beggar Savings: సాధారణంగా బిచ్చగాళ్లను చూస్తే ప్రతీ ఒక్కరి హృదయం చలించిపోతుంది. ఎండ, వాన, చలి అన్న తేడా లేకుండా వారు పొట్టకూటి కోసం నిత్యం రోడ్లపై భిక్షాటన చేస్తుంటారు. దాతలు ఇచ్చే డబ్బుతో జీవనం సాగిస్తుంటారు. ఈ క్రమంలోనే ఓ వృద్ధురాలు.. గత 50 ఏళ్లుగా బిక్షాటన చేస్తూ అనారోగ్యం కారణంగా ప్రాణాలు విడిచింది. ఈ క్రమంలో ఆమె ఇంటిని స్థానికులు పరిశీలించగా.. అక్కడ కనిపించింది చూసి ఒక్కసారిగా వారంతా షాకయ్యారు. ఇంట్లో పెద్ద ఎత్తున నోట్ల కట్టలను చూసి ఆశ్చర్యపోయారు. ప్రస్తుతం ఈ ఘటన దేశవ్యాప్తంగా అందరి దృష్టిని ఆకర్షిస్తోంది.

అసలేం జరిగిందంటే?

కర్ణాటకలోని మండియా జిల్లాకు చెందిన 68 ఏళ్ల నూర్ అనే వృద్ధురాలు.. ఆదివారం (ఆగస్టు 23) వయోభారంతో కన్నుమూసింది. సొంత ఊరిలో అడుక్కుంటూ జీవనం సాగిస్తున్న ఆమె ఇంటిని స్థానికులు వెళ్లి పరిశీలించారు. ఈ క్రమంలో ఇంట్లోని గదిలో ఏకంగా 30కి పైగా గోనె సంచులు కనిపించాయి. వాటిని విప్పి చూడగా రూ.10, రూ.20, రూ.50 నోట్లు, నాణెంల రూపంలో కొండలా పేరుకుపోయిన నగదు బయటపడింది.

🚨 SHOCKING STORY FROM MANDYA, KARNATAKA!

A woman who reportedly spent years begging, Noor/Hoor, died recently. When her home was checked, bags filled with notes and coins were found. Reports say her total savings were around ₹8.40 lakh. 💰😲

Part of the money was reportedly… pic.twitter.com/myR84Hm07Z

— Siya (@SiyaVibe) August 24, 2026

ఒంటరి జీవితం.. పైసా పైసా పొదుపు

నూర్ తన సోదరితో కలసి ఆ అద్దె ఇంట్లో నివస్తోంది. అయితే వారిద్దరికి వివాహం కాలేదు. ఈ క్రమంలోనే రెండేళ్ల క్రితం ఆమె సోదరి చనిపోవడంతో హూర్ అప్పటి నుంచి ఒంటరిగానే ఉంటోంది. రోజువారీగా భిక్షాటన ద్వారా వచ్చిన ప్రతి రూపాయిని ఆమె ఎంతో భద్రంగా దాచుకుంటూ వచ్చింది. మరణాంతరం ఆ డబ్బు బయటపడటంతో ఈ వార్త సామాజిక మాధ్యమాల్లో వైరల్ గా మారింది.

Also Read: తిరుపతిలో కలకలం.. హోంమంత్రి అనితపై పడ్డ డ్రోన్.. చేతికి గాయం!

ఒక్క రూపాయి అనుభవించకుండానే..

దాదాపు 30 సంచుల్లో డబ్బు బయటపడటంతో.. స్థానికులు దానిని లెక్కించడం ప్రారంభించారు. గంటల తరబడి లెక్కించగా ఆ సంచుల్లో మొత్తం రూ.8,40,000 నగదు ఉన్నట్లు తేలింది. జీవితమంతా కష్టపడి కూడబెట్టిన ఆ సొమ్మును చివరికి ఆమె సోదరులకు అప్పగించారు. అందులో ఒక సోదరుడు రూ.6 లక్షలు తీసుకోగా.. మరొక సోదరుడు తనకిచ్చిన రూ. 2.40 లక్షలను స్థానిక మసీదుకు విరాళంగా అందజేశారు. జీవితం మెుత్తం భిక్షాటన చేస్తూ రూపాయి రూపాయి దాచుకున్నా హూర్.. చివరికి దాన్ని అనుభవించకుండానే కన్నుమూయడం స్థానికులను తీవ్రంగా కలచివేస్తోంది.

Also Read: ఫార్చ్యూనర్ కారులో వచ్చి.. రోడ్లు ఊడుస్తున్న పారిశుధ్య కార్మికుడు.. అస్సలు తగ్గేదేలే!