Lovers Jump Pizza Shop: కారణాలు ఏమైనా కావచ్చు.. హిందూ సంఘాల సభ్యులు తమను వేధిస్తారని భయపడ్డారు లవర్స్. ఆ తర్వాత పిజ్జా షాపులోని రెండో అంతస్తు నుంచి కిందకు దూసేశారు. ఈ ఘటనలో ఆ జంటకు తీవ్రగాయాలు అయ్యాయి. ప్రస్తుతం ఆసుపత్రిలో చికిత్స పొందుతున్నారు. అసలు ఏం జరిగింది? ఇంకాస్త లోతుల్లోకి వెళ్లే..
యూపీలో దారుణం.. హిందూ సంఘం సభ్యుల వేధింపులు
యూపీలోని షాజహాన్‌పూర్ జిల్లా బరేలీ మోర్ సమీపంలోని శనివారం సాయంత్రం పిజ్జా షాపులో ఈ ఘటన జరిగింది. రెండో అంతస్తు నుంచి ఒక్కసారిగా లవర్స్ దూకేశారు. ఓ హిందూ సంఘం సభ్యుల వేధింపుల వల్ల ఇలా జరిగిందని పోలీసు వర్గాలు తెలిపాయి. ఈ ఘటనలో ఇద్దరికి తీవ్ర గాయాలు కావడంతో ఓ ప్రైవేట్ ఆసుపత్రిలో చికిత్స పొందుతున్నారు.
ఓ పిజ్జా షాపులోని రెండో అంతస్తులో కూర్చుని యువతీ యవకుల జంట మాట్లాడుకుంటున్నారు. యువకుడి వయస్సు 21 ఏళ్లు కాగా, యువతి 19 ఏళ్లు ఉన్నాయి. అదే సమయంలో అక్కడికి ఒక హిందూ సంస్థ సభ్యులు చేరుకున్నారు. ఆ జంటను ప్రశ్నలతో వేధించడం మొదలుపెట్టారు. తాము ఇన్‌స్టంట్ నూడుల్స్ ఆర్డర్ చేశామని, దాని కోసం ఎదురు చూస్తున్నామని చెప్పారు.
భయపడిన లవర్స్.. పిజ్జా షాపు రెండో అంతస్తు నుంచి కిందకి దూకేశారు
ఆ తర్వాత వారి కులాల గురించి ఆయా సభ్యులు అడిగారట. వారిద్దరు తాము హిందువులమని చెప్పారు. కొందరి వీరిని సెల్‌ఫోన్‌లో చిత్రీకరించడం మొదలుపెట్టారు. ఫోన్ తో చిత్రీకరణపై వారి మధ్య వాగ్వాదం జరుగుతోంది. ఒక్కసారిగా తీవ్ర భయాందోళనకు లోనైయ్యారు లవర్స్.. తమ పరువు పోతుందని భావించారు.
భయంతో రెండో అంతస్తులోని కిటికీలోంచి కిందకు దూకేశాడు. అతడితో పాటు యువతి కూడా కిందకు దూకిందని పోలీసు వర్గాలు తెలిపాయి. భవనం పైనుంచి కింద పడటంతో ఆ జంటకు తీవ్ర గాయాలయ్యాయి. ఈ ఘటన గురించి సమాచారం అందుకున్న పోలీసులు ఘటన జరిగిన ప్రాంతానికి చేరుకున్నారు. బాధితులను స్థానిక ఆసుపత్రికి తరలించారు. వారి పరిస్థితి విషమంగా ఉన్నట్లు తెలుస్తోంది.
ALSO READ: బీజేపీ ఎమ్మెల్యే కనుసన్నల్లోనే దారుణం.. బట్టలు విప్పి మూత్రం పోసి.. వీడియో కాల్‌లో చూస్తూనే..?
ఈ ఘటనకు సంబంధించిన వీడియోలు సోషల్ మీడియాలో వైరల్ కావడంతో విచారణ మొదలుపెట్టారు పోలీసులు. ఆయా సంఘం సభ్యులతో కఠిన చర్యలు తీసుకోవాలని నెటిజన్లు డిమాండ్ చేస్తున్నారు. దీనిపై ఎటువంటి ఫిర్యాదు అందలేదని జిల్లా ఎస్పీ తెలిపారు. ఫిర్యాదు అందిన వెంటనే కఠిన చర్యలు తీసుకుంటామని తెలిపారు. చట్టాన్ని చేతుల్లోకి తీసుకుని యువతీయువకులను వేధించే హక్కు ఎవరికీ లేదన్నారు.
Share
Telangana Govt: తెలంగాణ ప్రభుత్వం తీపి కబురు.. కొత్త దంపతులకు శుభవార్త, ఏకంగా రెండు లక్షల వరకు
Gun misfire: నంద్యాల జిల్లాలో తీవ్ర విషాదం.. గన్ మిస్ ఫైర్.. హెడ్ కానిస్టేబుల్ మృతి
