Jaipur Massive fire: రాజస్థాన్ రాజధాని జైపూర్లో భారీ అగ్ని ప్రమాదం జరిగింది. బాలాజీ మార్కెట్లో ఓ మెర్సిడెస్ వర్క్షాప్లో ఒక్కసారిగా మంటలు చెలరేగాయి. ఈ ఘటనలో 8 లగ్జరీ కార్లు కాలి బూడిదయ్యాయి. ప్రమాద తీవ్రతకు పొగలు దాదాపు ఐదు కిలోమీటర్ల దూరం వరకు వ్యాపించాయంటే పరిస్థితి ఏ రేంజ్లో ఉందో అర్థం చేసుకోవచ్చు.
రాజస్థాన్ రాజధాని జైపూర్లోని ఓ లగ్జరీ కార్ల షోరూమ్లో భారీ అగ్నిప్రమాదం చోటుచేసుకుంది. బాలాజీ మార్కెట్ లో ఓ మెర్సిడెస్ బెంజ్ వర్క్షాప్ రాత్రి ఒక్కసారిగా మంటలు చెలరేగాయి. ఈ ఘటనలో 8 లగ్జరీ కార్లు, ఖరీదైన విడిభాగాలు, ఇతర యాక్సెసరీలు అగ్నికి ఆహుతయ్యాయి. ప్రమాద తీవ్రత కారణంగా 5 కిలోమీటర్ల దూరం వరకు దట్టమైన పొగలు వ్యాపించాయి. ఘటన గురించి సమాచారం తెలిసి వెంటనే పోలీసులు-అగ్నిమాపక సిబ్బంది అక్కడికి చేరుకున్నారు. 10 ఫైరింజన్ల సాయంతో రెండు గంటలపాటు శ్రమించారు.
చివరకు మంటలను అదుపులోకి తెచ్చారు. ప్రమాదం సమయంలో వర్క్షాప్లో కొత్త-పాతవి కలిసి దాదాపు 50కి పైగా కార్లు ఉన్నాయి. మంటలు వేగంగా వ్యాపించడంతో 8 కార్లు దగ్ధమయ్యాయి. ఫైర్ సిబ్బంది వెంటనే స్పందించి మిగిలిన కార్లను సురక్షితంగా బయటకు తీసుకురావడంతో భారీ నష్టం తప్పింది. ఈ ప్రమాదంలో ఎలాంటి ప్రాణనష్టం జరగలేదని తెలిపారు అధికారులు. ఘటన సమయంలో సమీప ప్రాంతాల్లో విద్యుత్ సరఫరాను నిలిపివేశారు.
ALSO READ: పలాము జిల్లాలో తీవ్ర విషాదం.. కోయల్ నదిలో మునిగి ముగ్గురు మైనర్లతో సహా 5 గురు మృతి
షార్ట్ సర్క్యూట్ కారణంగా జరిగి ఉండవచ్చని అధికారులు భావిస్తున్నారు. ప్రమాదానికి కచ్చితమైన కారణాలు తెలియాల్సివుంది. కాలిపోయిన వాహనాలు, విడిభాగాల వల్ల జరిగిన నష్టాన్ని అంచనా వేస్తున్నారు. మంగళవారం మధ్యాహ్నం జైపూర్లోని నారాయణ్ సింగ్ సర్కిల్ సమీపంలో ఓ మాల్లో మధ్యాహ్నం 2 గంటల సమయంలో అగ్నిప్రమాదం జరిగింది. సమాచారం అందుకున్న వెంటనే ఫైరింజన్లు అక్కడకు చేరుకొని మంటలను అదుపులోకి తీసుకురావడంతో అంతా ఊపిరి పీల్చుకున్నారు.
Share
కరెంట్ పోతే ఏంటీ ? సినిమా మాత్రం ఆగదు బాస్!
నల్గొండ జిల్లాలో విషాదం.. విద్యుదాఘాతంతో భార్యాభర్తల మృతి!
