Panna Diamond Mine: మధ్యప్రదేశ్లోని పన్నా జిల్లా అనగానే అందరికీ ముందుగా గుర్తొచ్చేది వజ్రాల గనులే. ప్రతిరోజూ వేలాది మంది కూలీలు తమ అదృష్టాన్ని పరీక్షించుకోవడానికి, పొట్టకూటి కోసం ఈ గనుల్లో రాత్రింబవళ్లు చెమటోడుస్తుంటారు. ఈ క్రమంలోనే ఓ లీజు గనిలో ఏడుగురు రోజువారీ కూలీలు ఎప్పటిలాగే తవ్వకాలు ప్రారంభించారు. ఈ క్రమంలో వారి జీవితాలను మలుపు తిప్పే అదృష్టం వారిని వరించింది. ఎవరూ ఊహించని స్థాయిలో అతి అరుదైన వజ్రం వారి చేతికి చిక్కింది.
కూలీలు గనిలో మట్టిని తొలగిస్తుండగా ఒక్కసారిగా ఓ మెరిసే రాయి వారి కంటపడింది. తీసి చూస్తే అది సాధారణ రాయి కాదు. ఏకంగా 17.96 క్యారెట్ల నాణ్యమైన వజ్రం (Rough Diamond) వజ్రం. అంతపెద్ద వజ్రాన్ని చూసిన ఆ కూలీల ఆనందానికి హద్దులు లేకుండా పోయాయి. మార్కెట్లో దీని విలువ దాదాపు రూ.50 లక్షల వరకు ఉంటుందని అంచనా. ఒకే ఒక్క వజ్రంతో ఆ ఏడుగురు కూలీలు.. లక్షాధికారులుగా మారిపోయారని స్థానికులు సంతోషం వ్యక్తం చేస్తున్నారు.
పన్నాలో గతంలోనూ నాణ్యమైవ వజ్రాలు బయటపడ్డాయి. కానీ ఈ స్థాయిలో 17.96 క్యారెట్ల భారీ వజ్రం దొరకడం చాలా అరుదైన విషయమని స్థానికులు చెబుతున్నారు. ఇదిలా ఉంటే లభించిన ఈ అమూల్యమైన వజ్రాన్ని కూలీలు నిబంధనల ప్రకారం స్థానిక వజ్రాల అధికారి (Diamond Officer) కార్యాలయంలో అప్పగించారు. ప్రభుత్వ నిబంధనల ప్రకారం.. ఈ వజ్రానికి త్వరలోనే అధికారికంగా వేలం పాట (Official Auction) నిర్వహిస్తారు. వచ్చిన మొత్తం నుంచి ప్రభుత్వానికి చెల్లించాల్సిన రాయల్టీ, పన్నులను మినహాయిస్తారు.
Also Read: ప్రతీ రోజూ 1.5GB డేటా ఇచ్చే.. రూ.330 లోపు జియో ప్లాన్స్.. ఇంకా బోలెడన్ని బెనిఫిట్స్ ఫ్రీ!
ఆపై మిగిలిన అత్యధిక మెుత్తాన్ని ఆ ఏడుగురు కూలీలకు అధికారులు సమానంగా పంపిణీ చేయనున్నట్లు తెలుస్తోంది. రోజూ కష్టపడితేగానీ కడుపు నిండని ఆ సాధారణ కూలీల పాలిట ఈ వజ్రం ఒక కొండంత అభయాన్ని ఇచ్చిందని చెప్పవచ్చు. మెుత్తం మీద కష్టజీవులను వరించిన ఈ అదృష్టం.. ఇప్పుడు దేశవ్యాప్తంగా నెటిజన్లను ఆకట్టుకుంటోంది.
Also Read: BSNL బిగ్ ధమాకా ప్లాన్.. రూ. 319 కే 65 రోజుల వ్యాలిడిటీ.. ఇదేం ఆఫర్ బాబోయ్!
Share
హ్యారీ బ్రూక్ లాంటి వెధవలను మళ్లీ ఐపీఎల్ లోకి రానివ్వొద్దు !
టికెట్ బుకింగ్ To లైవ్ ట్రాకింగ్.. ప్రయాణికులను ఆకట్టుకుంటున్న రైల్ వన్ యాప్!
