Raghav Chadha: ఆమ్ ఆద్మీ పార్టీ ఎంపీ రాఘవ్ చద్దా గిగ్ వర్కర్ల (డెలివరీ ఏజెంట్లు) రోజువారీ కష్టాలను అర్థం చేసుకోవడానికి ఒక వినూత్న ప్రయత్నం చేశారు. విధానపరమైన చర్చలకు కాసేపు విరామం ఇచ్చి, ఆయన స్వయంగా ‘బ్లింకిట్’ (Blinkit) డెలివరీ భాగస్వామిగా మారి ఆ అనుభవాన్ని చవిచూశారు. దీనికి సంబంధించిన ఒక టీజర్ వీడియోను ఆయన ఎక్స్ (X) వేదికగా పంచుకున్నారు.
ఆ వీడియోలో చద్దా బ్లింకిట్ టీ-షర్ట్ మరియు జాకెట్ ధరించి, డెలివరీ బ్యాగ్‌ను భుజానికి తగిలించుకున్నారు. ఒక డెలివరీ పార్ట్నర్ నడుపుతున్న స్కూటర్ వెనుక కూర్చుని స్థానిక స్టోర్ నుండి ఆర్డర్‌ను సేకరించడం, ఆపై కస్టమర్ ఇంటికి వెళ్లడం వంటి దృశ్యాలు అందులో ఉన్నాయి. సమయంతో పోటీ పడుతూ డెలివరీ చేసే ప్రక్రియలో వారు ఎదుర్కొనే సవాళ్లను ఈ వీడియోలో చూపించారు. చివరగా కస్టమర్ ఇంటి డోర్ బెల్ కొట్టే సమయానికి “స్టే ట్యూన్డ్” (వేచి ఉండండి) అనే సందేశంతో వీడియో ముగుస్తుంది.
ఈ వీడియోను షేర్ చేస్తూ.. “బోర్డ్ రూమ్ చర్చలకు దూరంగా, క్షేత్రస్థాయిలో వారి జీవితాన్ని ఒక రోజంతా గడిపాను. త్వరలో మరిన్ని వివరాలు వెల్లడిస్తాను” అని రాఘవ్ చద్దా రాశారు. కేవలం మాటలకే పరిమితం కాకుండా, స్వయంగా రంగంలోకి దిగి అనుభవాన్ని పొందినందుకు నెటిజన్లు ఆయన్ను ప్రశంసిస్తున్నారు.
గిగ్ వర్కర్ల పని పరిస్థితులపై రాఘవ్ చద్దా ఇప్పటికే పార్లమెంటులో గళమెత్తారు. తక్కువ ఆదాయం, నిర్ణీత సమయం లేని పని గంటలు, ఆరోగ్య బీమా లేకపోవడం, సామాజిక భద్రత కరవు కావడం వంటి అంశాలను ఆయన ప్రస్తావించారు. డిసెంబర్ 2025లో ఒక బ్లింకిట్ డెలివరీ ఎగ్జిక్యూటివ్ తన సంపాదన గురించి చేసిన వీడియో వైరల్ కావడంతో ఈ చర్చ తీవ్రమైంది. అప్పట్లో చద్దా ఆ డెలివరీ పార్ట్నర్ ఉత్తరాఖండ్‌కు చెందిన థప్లియాల్ జీ కలిసి, తన నివాసానికి భోజనానికి కూడా ఆహ్వానించారు.
Away from boardrooms, at the grassroots. I lived their day.
Stay tuned! pic.twitter.com/exGBNFGD3T
— Raghav Chadha (@raghav_chadha) January 12, 2026
Share
Priyanka Gandhi: యూపీ రాజకీయాల్లో ప్రియాంక గాంధీ మార్క్.. 2027 లక్ష్యంగా కాంగ్రెస్ సరికొత్త వ్యూహం
Best Mileage Cars Diesel: టాటా To హ్యుందాయ్.. క్రేజీ మైలేజ్ ఇచ్చే డీజిల్ కార్లు ఇవే!
