Mahua Moitra: పశ్చిమ బెంగాల్ రాజకీయాల్లో మరోసారి తీవ్ర కలకలం రేగింది. తృణమూల్ కాంగ్రెస్ (TMC) ఫైర్బ్రాండ్ నాయకురాలు, ఎంపీ మహువా మెుయిత్రాపై జరిగిన దాడి ఇప్పుడు రాష్ట్రవ్యాప్తంగా చర్చనీయాంశంగా మారింది. క్షేత్రస్థాయిలో పార్టీ బలోపేతం కోసం పర్యటిస్తున్న ఆమెను లక్ష్యంగా చేసుకుని కొందరు దుండగులు ఈ దాడికి తెగబడ్డారు.
ఘటన ఎలా జరిగిందంటే..?
మహువా మెుయిత్రా తన నియోజకవర్గ పరిధిలో పార్టీ కార్యకర్తలతో కీలక సమావేశాన్ని ముగించుకుని తిరుగుప్రయాణమయ్యారు. ఈ క్రమంలో మార్గమధ్యంలో ఉన్న ఒక దుకాణం వద్ద ఆమె వాహనం ఆగినట్లు తెలుస్తోంది. అదే సమయంలో అక్కడకు చేరుకున్న కొందరు ఆందోళనకారులు ఒక్కసారిగా ఆమెపైకి దూసుకొచ్చారు. నినాదాలు చేస్తూ, చూస్తుండగానే ఆమెపై కోడిగుడ్లతో దాడికి పాల్పడ్డారు. ఊహించని ఈ పరిణామంతో అక్కడున్న వారంతా ఒక్కసారిగా షాక్కు గురయ్యారు.
ఉద్రిక్తత.. పోలీసుల విచారణ
ఈ ఘటన స్థానికంగా తీవ్ర ఉద్రిక్తతకు దారితీసింది. సమాచారం అందుకున్న వెంటనే పోలీసులు రంగంలోకి దిగి పరిస్థితిని అదుపులోకి తెచ్చారు. పశ్చిమ బెంగాల్లో రాజకీయ వైషమ్యాల నేపథ్యంలోనే ఈ దాడి జరిగినట్లు ప్రాథమికంగా భావిస్తున్నారు. ఈ ఘటనపై కేసు నమోదు చేసిన పోలీసులు.. దాడికి పాల్పడింది ఎవరు? దీని వెనుక ఉన్న సూత్రధారులు ఎవరు? అనే కోణంలో ముమ్మరంగా విచారణ జరుపుతున్నారు.
Also Read: బీజేపీ హిందూత్వానికి రేవంత్ ‘సనాతన’ చెక్.. అసలు వ్యూహం ఇదేనా?
రాజకీయ దుమారం
ఈ దాడిని టీఎంసీ శ్రేణులు తీవ్రంగా ఖండిస్తున్నాయి. ప్రతిపక్షాల కుట్రలో భాగంగానే ప్రజాప్రతినిధిపై ఇలాంటి భౌతిక దాడులకు పాల్పడుతున్నారని వారు ఆరోపిస్తున్నారు. చట్టసభల్లో గళం విప్పే మహిళా ఎంపీపై ఇలాంటి చర్యలకు పాల్పడటం ప్రజాస్వామ్యానికే గొడ్డలిపెట్టు అని స్థానిక నేతలు మండిపడుతున్నారు. ప్రస్తుతం ఈ ఘటనతో సదరు ప్రాంతంలో భారీగా పోలీసు బందోబస్తు ఏర్పాటు చేశారు.
Share
రావు సాహెబ్ నటి కన్నుమూత.. ఎమోషనల్ పోస్ట్ పంచుకున్న అనుపమ్ ఖేర్!
ఎయిర్ ప్యూరిఫైయర్ కొంటున్నారా? కంపెనీలు దాచే.. 5 పచ్చి నిజాలు ఇవే!
