యూపీలో ఘోర రోడ్డు ప్రమాదం.. ట్రక్కును ఢీకొట్టిన వ్యాన్.. ఆరుగురు దుర్మరణం!

Kushinagar Accident: అప్పటిదాకా కుటుంబ సభ్యులందరితో కలిసి సరదాగా వేడుక జరుపుకున్నారు. వేడుక ముగిశాక నవ్వుతూ, ముచ్చట్లు చెప్పుకుంటూ ఇంటికి బయలుదేరారు. కానీ, ఆ సంతోషం కొద్దిసేపు కూడా నిలవలేదు. మార్గమధ్యలోనే మృత్యువు ప్రమాదం రూపంలో విరుచుకుపడి, ఆ ఇంట తీరని విషాదాన్ని నింపింది.

ఏం జరిగిందంటే..

ఉత్తరప్రదేశ్‌లోని కుషీనగర్ జిల్లాలో తీవ్ర విషాదకర సంఘటన చోటుచేసుకుంది. హటా-పిప్రైచ్ రహదారిపై వేగంగా వెళ్తున్న ఓమ్ని వ్యాన్, ఎదురుగా వస్తున్న ట్రక్కును బలంగా ఢీకొట్టింది. ఈ ప్రమాద ధాటికి వ్యాన్ తీవ్రంగా నుజ్జునుజ్జయ్యి, అందులో ప్రయాణిస్తున్న ఆరుగురు అక్కడికక్కడే దుర్మరణం పాలయ్యారు.

ఒకే కుటుంబంలో 5 బలి

మృతి చెందిన వారిలో ఐదుగురు ఒకే కుటుంబానికి చెందిన వారు కావడం గమనార్హం. వేడుక ముగించుకుని తిరిగి వస్తున్న క్రమంలో ఈ ఘోరం జరగడంతో ఆ కుటుంబంలో తీవ్ర శోకసంద్రం అలుముకుంది. మరో వ్యక్తి కూడా ఈ ప్రమాదంలో ప్రాణాలు కోల్పోయాడు. ప్రమాదం జరిగిన వెంటనే ఘటనా స్థలానికి చేరుకున్న పోలీసులు మృతదేహాలను స్వాధీనం చేసుకుని పోస్టుమార్టం నిమిత్తం ఆసుపత్రికి తరలించారు.

యూపీలో ఘోర ప్రమాదం.. ఆరుగురు మృతి

ఉత్తరప్రదేశ్‌లోని కుషీనగర్ జిల్లా హటా-పిప్రైచ్ రోడ్డుపై ట్రక్కును ఓమ్ని వ్యాన్ ఢీకొట్టింది. ఈ ఘటనలో ఆరుగురు మరణించారు. వేడుక ముగించుకుని వస్తుండగా ఈ ప్రమాదం జరగగా.. ఓకే కుంటుంబానికి చెందిన ఐదుగురు, మరో వ్యక్తి మృతి చెందారు. పరారైన డ్రైవర్ కోసం… pic.twitter.com/R3FfjJEIM6

— BIG TV Breaking News (@bigtvtelugu) November 2, 2026

డ్రైవర్ పరార్..పోలీసుల దర్యాప్తు..

ఈ ప్రమాదానికి కారణమైన ట్రక్కు డ్రైవర్ ఘటన జరిగిన వెంటనే వాహనాన్ని వదిలేసి అక్కడ నుంచి పరారయ్యాడు. పోలీసులు కేసు నమోదు చేసి, పరారీలో ఉన్న డ్రైవర్ కోసం గాలింపు చర్యలు వేగవంతం చేశారు. ఒకే కుటుంబానికి చెందిన ఐదుగురు మరణించడంతో స్థానికంగా తీవ్ర దిగ్భ్రాంతి వ్యక్తమవుతోంది.

Also read: గడ్డం, మీసం పెంచితే రేవంత్ రెడ్డి అయిపోతావా? కేటీఆర్‌పై వేముల వీరేశం సంచలన కామెంట్స్!