Gurugram: గురుగ్రామ్లోని గోల్ఫ్ కోర్స్ రోడ్డులో భయంకరమైన హిట్-అండ్-రన్ ఘటన వెలుగులోకి వచ్చింది. వేగంగా వస్తున్న ఓ వైట్ సెడాన్ కారు.. ఓ మహిళా రైడర్ను వెంబడించి మరీ మోటార్ సైకిల్ను ఢీ కొట్టింది. ఈ ఘటనకు సంబంధించి షాకింగ్ ఫుటేజ్ వెలుగులోకి వచ్చింది. అసలు ఏం జరిగిందంటే..
గురుగ్రామ్లోని గోల్ఫ్ కోర్స్ రోడ్డులో జరిగిన భయంకరమైన హిట్-అండ్-రన్ ఘటనలో కొత్త విషయాలు వెలుగులోకి వస్తున్నాయి. గురుగ్రామ్కు చెందిన సియా అనే యువతి స్పోర్ట్స్ బైక్ నడుపుతోంది. కొందరు వ్యక్తులు కారుతో ఆ యువతిని వెంబడించారు. ఇది గమనించిన సదరు యువతి, తన వెంటపడొద్దని వారిని గట్టిగా వారించారు. మద్యం సేవించిన డ్రైవర్ను దూరంగా ఉండమని కోరింది. యువతి మాటలను మనసులో పెట్టుకున్న కొందరు యువకులు, యువతి రైడర్ కొంతదూరం వెళ్లాక వెనుక నుంచి వేగంగా వచ్చి కారుతో బైక్ను బలంగా డ్యాష్ ఇస్తూ వెళ్లారు.
సదరు యువతి ఆ రోడ్డుపై పడిపోయింది. బైక్ కొంత దూరం మేర జారుకుంటూ వెళ్లిపోయింది. ఈ సంఘటనకు సంబంధించిన సియా బైక్పై అమర్చిన యాక్షన్ కెమెరాలో అంతా రికార్డు అయ్యింది. ఆ సమయంలో సియా వెనుక వస్తున్న ఆమె స్నేహితులు.. కారును ఆపడానికి ప్రయత్నించినప్పటికీ ఫలితం లేకపోయింది. కారులోని ఓ వ్యక్తి.. వారితో దుర్భాషలాడుతూ అక్కడి నుంచి వెళ్లిపోయాడు. ఈ ఘటనకు సంబంధించిన వీడియోను సియా సోషల్ మీడియాలో షేర్ చేసింది. దీంతో అది కాస్త వైరల్ అయ్యింది.
ALSO READ: కేదార్నాథ్ మార్గంలో భారీ వర్షాలు.. విరిగిపడిన కొండచరియలు-రాళ్లు, యాత్రకు అంతరాయం
దూరంగా వెళ్లమన్నందుకు కారులోని వ్యక్తులు ఈ విధంగా ప్రవర్తించారని చెప్పుకొచ్చింది. ఆ సమయంలో వారంతా మద్యం మత్తులో ఉన్నారని పేర్కొంది. వాహనదారులు, ప్రయాణికులకు ఇబ్బంది కలిగించే వారిపై కఠినచర్యలు తీసుకోవాలని గురుగ్రామ్ పోలీసులను యువతి కోరింది. కారు నడుపుతున్న వ్యక్తి కాకుండా అందులో ఎంతమంది ఉన్నారో స్పష్టంగా తెలియరాలేదు. యువతిని సమీపంలోని ఆసుపత్రిలో చేర్పించారు. ఆమె పరిస్థితి కాస్త విషమంగా ఉన్నట్లు సమాచారం. వీడియో ఆధారంగా గురుగ్రామ్ ట్రాఫిక్ పోలీసులు దర్యాప్తు ప్రారంభించారు.
?utm_source=ig_embed&ig_rid=AC3pQPGaEzAIdjea24k883S
Share
24 క్యారెట్ల బంగారం.. 3,83,800 డైమండ్స్.. భాగ్యనగరంలో మెరిసిపోతున్న గోల్డెన్ గణపయ్య!
పిచ్చెక్కించే 4K విజువల్స్..ఈ ప్రొజెక్టర్తో లివింగ్ రూమ్ని థియేటర్ చేసెయండి!
