Adventure Thriller OTT : కొరియన్ ఫాంటసీ సినిమాలంటే చెవి కోసుకునే అభిమానులు ఉన్నారు. ఇప్పుడు మనం చెప్పుకోబోయే సినిమా వాళ్ళ కోసమే. ఇందులో ఆడియన్స్ కి కావాల్సినంత స్టఫ్ దొరుకుతుంది. ఈ స్టోరీ ఒక నవల చుట్టూ తిరుగుతుంది. విచిత్రంగా నవలలో జరిగిన ఘటనలు రియల్ లైఫ్ లో కూడా జరుగుతుంటాయి. ఈ ఆసక్తికరమైన ఫాంటసీ సినిమా ఓటీటీలో అందుబాటులో ఉంది. దీని పేరు ఏమిటి, ఏ ఓటీటీలో ఉంది ? అనే వివరాల్లోకి వెళ్తే ..
గత ఏడాది వచ్చిన ఈ కొరియన్ యాక్షన్ ఫాంటసీ అడ్వెంచర్ సినిమా పేరు ‘ఓమ్నిసైంట్ రీడర్: ది ప్రాఫసీ’ (Omniscient Reader: The Prophecy). దీనికి కిమ్ బైయుంగ్-వూ దర్శకత్వం వహించారు. ఇందులో అహ్న్ హ్యో-సియోప్, లీ మిన్-హో, ఛే సూ-బిన్, షిన్ సెయుంగ్-హో, నానా, క్వాన్ యున్-సియోంగ్ నటించారు. ఇది సింగ్ షాంగ్ రాసిన బెస్ట్ సెల్లింగ్ వెబ్ నవల ఓమ్నిసైంట్ రీడర్స్ వ్యూపాయింట్ నుండి తీసుకోబడింది. ఈ చిత్రం దక్షిణ కొరియాలో 2025 జూలై 23న విడుదలైంది. ప్రస్తుతం Netflix లో స్ట్రీమింగ్ అవుతోంది.
Read Also : రెక్కలతో పుట్టే బిడ్డ… ఆ తల్లి చేసిన పనికి కన్నీళ్ళు ఆగవు… ఫ్యామిలీ అంతా కలిసి చూడాల్సిన మూవీ
కిమ్ డోక్-జా ఒక సాదాసీదా ఆఫీస్ ఉద్యోగి. అతనికి ‘త్రీ వేస్ టు సర్వైవ్ ఇన్ ఎ రూయిన్డ్ వరల్డ్’ అనే అంతగా పాపులర్ కాని ఒక నవల అంటే చాలా ఇష్టం. ఆ నవలను పదేళ్ల పాటు చదివిన ఏకైక వ్యక్తి కూడా అతనే. ఒకరోజు డోక్-జా ఆ నవల చివరి అధ్యాయాన్ని పూర్తి చేసిన వెంటనే, ఆ కథలోని సంఘటనలు నిజ జీవితంలో జరగడం మొదలవుతాయి. ఒక్కసారిగా ప్రపంచం వినాశనం వైపు వెళ్తుంది. నవలలో ఉన్న భయంకరమైన రాక్షసులు, వింత జీవులు భూమిపైకి వస్తాయి. డోక్-జా తన సహోద్యోగి యూ సాంగ్-ఆ తో కలిసి ఒక సబ్వే రైలులో చిక్కుకుపోతాడు. అక్కడ ఒక వింత జీవి మనుషులను చంపడానికి వస్తుంది.
ఈ ప్రపంచం ఎలా అంతమవుతుందో, ఎలాంటి సవాళ్లు వస్తాయో డోక్-జాకు ముందే తెలుసు. ఎందుకంటే అతను ఆ నవలను పూర్తిగా చదివాడు. తనకున్న ఈ ముందుచూపు తో అతను, అతని స్నేహితులు ప్రమాదాల నుండి తప్పించుకుంటారు. ఇక నవలలోని అసలు హీరో యూ జూంగ్-హ్యుక్ ఎంట్రీ ఇస్తాడు. అతను చనిపోయినా మళ్ళీ పుట్టగల శక్తి ఉన్నవాడు. డోక్-జా అతనితో కలిసి ప్రపంచాన్ని కాపాడాలని నిర్ణయించుకుంటాడు. మరి వీళ్ళ ప్రయత్నం ఫలిస్తుందా ? వీళ్ళకు ఎలాంటి అవాంతరాలు వస్తాయి ? ఈ కథ ముగింపు ఎలా ఉంటుంది ? అనే విషయాలను ఈ సినిమాను చూసి తెలుసుకోండి.
Share
Flight Ticket Booking: ఫ్లైట్ టికెట్ బుక్ చేస్తున్నారా? ఆ టైమ్ లో భారీ తగ్గింపు లభిస్తుంది తెలుసా?
Pillion Seat: కొన్ని బైక్స్ లో రైడర్ సీటు కంటే వెనుక సీటు ఎక్కువ హైట్ లో ఉంటుంది.. ఎందుకో తెలుసా?
