Animated Family Entertainer: పిల్లలతో పాటు పెద్దలంతా కలసి సరదాగా చూడదగ్గ ఒక క్రేజీ యానిమేషన్ ఫ్యామిలీ అడ్వెంచర్ సినిమా ‘టోయ్ స్టోరీ’. ఇప్పటి వరకు వచ్చిన నాలుగు పార్ట్ లకు ప్రపంచవ్యాప్తంగా మంచి రెస్పాన్స్ వచ్చింది. రీసెంట్ గా వచ్చిన ఐదో పార్ట్ కూడా అంతకు మించి అన్నట్లు సాగుతుంది. పాత బొమ్మలతో ఆడుకునే రోజులు పోయి, పిల్లలంతా స్మార్ట్ ఫోన్లు, ట్యాబ్లు, డిజిటల్ స్క్రీన్లకు ఎలా బానిసలైపోతున్నారనే నేటి తరం సమస్యను ఇందులో చాలా కామెడీగా, ఆకట్టుకునేలా చూపించారు. బోనీని ట్యాబ్ ప్రపంచం నుంచి బయటకు తెచ్చి, పాత రోజుల్లా బొమ్మల వైపు తిప్పుకోవడానికి వుడీ, బజ్ గ్యాంగ్ చేసే సాహసాలు ఎంతో ఫన్నీగా సాగుతాయి. ఒకవైపు చిన్ననాటి బొమ్మల నోస్టాల్జియాను అందిస్తూనే, మరోవైపు డిజిటల్ స్క్రీన్స్ అండ్ నిజమైన ఆటల మధ్య బ్యాలెన్స్ ఉండాలనే మంచి సందేశాన్ని ఇచ్చే ఆసక్తికరమైన ఎంటర్టైనర్ ఇది.
‘టోయ్ స్టోరీ 5’ (Toy Story 5) కథ విషయానికి వస్తే… ఈసారి మన వుడీ, బజ్ అండ్ గ్యాంగ్ ఒక సరికొత్త, వినూత్నమైన సవాలును ఎదుర్కొంటున్నారు. ఎనిమిదేళ్ల బోనీకి తన పాత బొమ్మలు అంటే ప్రాణం. కానీ ఆమె చేతికి ‘లిల్లీప్యాడ్’ అనే ఫ్రాగ్ (కప్ప) ఆకారంలో ఉండే ఒక హైటెక్ స్మార్ట్ ట్యాబ్ వస్తుంది. ఈ ట్యాబ్ బోనీకి ‘ది పాండ్’ అనే ప్రత్యేక చాట్ ను పరిచయం చేయడంతో, ఆమె నెమ్మదిగా బొమ్మలతో ఆడటం తగ్గించేసి రోజంతా స్క్రీన్ ముందే గడపడం మొదలుపెడుతుంది.
బోనీ డిజిటల్ ప్రపంచంలో మునిగిపోవడం చూసి జెస్సీతో పాటు మిగతా బొమ్మలన్నీ తీవ్ర ఆందోళనలో పడతాయి. పిల్లల జీవితాల్లో ట్యాబ్లు, స్మార్ట్ ఫోన్ల హవా పెరిగిపోవడంతో… బొమ్మలతో ఆడుకునే పాత రోజుల ‘ప్లే టైమ్’ మాయమైపోతుందని, తమ ఉనికికే ప్రమాదం వచ్చిపడిందని భయపడతాయి. దీంతో బోనీని మళ్లీ స్క్రీన్ ప్రపంచం నుంచి బయటకు తెచ్చి, బొమ్మల వైపు తిప్పుకోవడానికి వుడీ, బజ్లు మళ్లీ చేతులు కలిపి ఒక పెద్ద మిషన్ను స్టార్ట్ చేస్తారు.
ఈ అడ్వెంచర్ ప్రయాణంలో బోనీని టెక్నాలజీ నుంచి కాపాడటమే కాకుండా, తప్పిపోయిన పాత బొమ్మలను వెతికి రక్షించే మిషన్లోకి కూడా వాళ్లు దిగుతారు. అయితే టెక్నాలజీని పూర్తిగా ఆపేయడం కంటే, పిల్లలు డిజిటల్ స్క్రీన్స్ అండ్ నిజమైన ఆటలు… ఈ రెండింటినీ బ్యాలెన్స్ చేస్తూ ఎలా ముందుకు సాగాలనే ఇంట్రెస్టింగ్ మెసేజ్ తో ఈ సినిమా సాగుతుంది.
‘Toy Story 5’కు ఆండ్రూ స్టాంటన్ దర్శకత్వం వహించగా, కెన్నా హారిస్ కో-డైరెక్టర్గా వ్యవహరించారు. టామ్ హ్యాంక్స్ వుడీకి, టిమ్ అలెన్ బజ్కు, జోన్ కుసాక్ జెస్సీకి వాయిస్ ఇచ్చారు. లిల్లీప్యాడ్కు గ్రెటా లీ వాయిస్ అందించారు. నిడివి సుమారు 1 గంట 42 నిమిషాల JioHotstarలో సెప్టెంబర్ 23 నుంచి ఇంగ్లీష్, హిందీ, తమిళం, తెలుగు భాషల్లో స్ట్రీమింగ్ అవుతోంది. టాయ్స్తో పెరిగిన వాళ్లకు నోస్టాల్జియా, పిల్లలకు ఫన్, పెద్దలకు టెక్నాలజీపై ఆసక్తికరమైన ఆలోచనలను కలిపిన ఫ్యామిలీ ఎంటర్టైనర్గా ‘Toy Story 5’ను చూడొచ్చు.
Read Also: నగరాన్ని కాపాడిన సూపర్ హీరోనే నిందితుడు… మూడేళ్ల తర్వాత సరదా తీర్చేసిన యాక్షన్ థ్రిల్లర్
Share
వాహనదారులకు గుడ్ న్యూస్.. ఆర్టీఓ ఆఫీసుల్లో దళారీల నిషేధం!
ముంబయిలో దోపిడికి స్కెచ్.. నగరంలో క్యాబ్ డ్రైవర్ హత్య.. పటాన్ చెరు మర్డర్ కేసులో సంచలన నిజాలు!
