OTT Movie : ఒక కొరియన్ సైకలాజికల్ థ్రిల్లర్ సినిమా ఓటీటీలో అదరగొడుతోంది. మహిళలపై జరిగే దౌర్జన్యం ప్రధాన అంశంగా ఈ సినిమాని తెరకెక్కించారు. ఈ సినిమా ఒక రివెంజ్ థ్రిల్లర్ గా ఎండ్ అవుతుంది. ఇది 700 మిలియన్ల బడ్జెట్తో దక్షిణ కొరియాలో బాక్స్ ఆఫీస్ విజయాన్ని సాధించింది. ఈ మూవీ పేరు ఏమిటి ? ఎందులో స్ట్రీమింగ్ అవుతుంది ? అనే వివరాల్లోకి వెళితే …
రెండు ఓటీటీలలో స్ట్రీమింగ్
ఈ కొరియన్ సైకలాజికల్ రివెంజ్ థ్రిల్లర్ మూవీ పేరు ‘బెడెవిల్డ్’ (Bedevilled). 2010 లో వచ్చిన ఈ సినిమాకి జాంగ్ చియోల్-సూ దర్శకత్వం వహించారు. ఈ సినిమాలో సియో యంగ్-హీ, జీ సుంగ్-వోన్, మిన్-హో హ్వాంగ్, లీ జీ-ఎన్-ఐ ప్రధాన పాత్రల్లో నటించారు. ఈ చిత్రం 2010 కేన్స్ ఫిల్మ్ ఫెస్టివల్లో ఇంటర్నేషనల్ క్రిటిక్స్ వీక్లో ప్రదర్శించబడింది. ఇది 115 నిమిషాల నిడివి కలిగి, IMDbలో 7.2/10, Rotten Tomatoesలో 80% రేటింగ్ను పొందింది. నెట్ఫ్లిక్స్, అమెజాన్ ప్రైమ్ వీడియోలలో ఈ సినిమా అందుబాటులో ఉంది.
స్టోరీలోకి వెళితే
హే-వోన్ (జీ సుంగ్-వోన్), సియోల్లోని ఒక బ్యాంకులో పనిచేసే సెల్ఫిష్ మహిళ. తన ఉద్యోగంలో ఒత్తిడికి గురవుతుంది. ఆమె ఒక హత్యాయత్న సంఘటనకు సాక్షిగా ఉంటుంది కానీ, దానిని బయటపెట్టడానికి నిరాకరిస్తుంది. ఇది ఆమె స్వార్థపరమైన స్వభావాన్ని చూపిస్తుంది. ఆమె ఉద్యోగంలో సమస్యల కారణంగా బలవంతంగా సెలవు తీసుకోవలసి వస్తుంది. ఆమె తన చిన్ననాటి స్నేహితురాలు కిమ్ బోక్-నామ్ (సియో యంగ్-హీ) నివసించే ఒక ద్వీపానికి వెళ్తుంది. బోక్-నామ్, హే-వోన్కు లేఖలు రాస్తూ ఆమెను రమ్మని అడగడగడంతో హే-వోన్ ఈ ద్వీపానికి వెళ్తుంది. ఈ ద్వీపంలో, బోక్-నామ్ ఒక బానిసలా జీవిస్తుంది. ద్వీపంలో ఈమె ఒక్కటే యువతిగా ఉండటంతో, ఆమె శారీరక, మానసిక దౌర్జన్యానికి గురవుతుంది. ఆమె శాడిస్ట్ భర్త మాన్-జాంగ్ (పార్క్ జంగ్-హాక్), అతని సోదరుడు, ద్వీపంలోని వృద్ధ మహిళలు ఆమెను నిరంతరం అవమానిస్తారు. బోక్-నామ్కు ఒక చిన్న కుమార్తె యాన్-హీ (లీ జీ-ఎన్-ఐ) ఉంటుంది. ఆమె గతంలో ఈ ద్వీపం నుండి తప్పించుకోవడానికి ప్రయత్నించి విఫలమైంది.హే-వోన్ ఈ ద్వీపానికి చేరుకున్నప్పుడు, బోక్-నామ్ దయనీయ స్థితిని చూసి షాక్ అవుతుంది.
బోక్-నామ్ తన కుమార్తెతో కలిసి సియోల్కు తప్పించుకోవడానికి హే-వోన్ సహాయం కోరుతుంది. కానీ హే-వోన్ తన సౌకర్యానికి ప్రాధాన్యత ఇస్తూ, బోక్-నామ్ను సహాయం చేయడానికి నిరాకరిస్తుంది. ఈ క్రమంలో బోక్-నామ్ జీవితం ఒక విషాద సంఘటనకు దారితీస్తుంది. ఆమె కుమార్తె యాన్-హీ దౌర్జన్యం కారణంగా మరణిస్తుంది. ఈ సంఘటన బోక్-నామ్ను సైకలాజికల్గా విచ్ఛిన్నం చేస్తుంది, ఆమె ఆగ్రహం కట్టలు తెంచుకుంటుంది. బోక్-నామ్ ఒక రివెంజ్ రీపర్గా మారుతుంది. ఆమె ఒక కొడవలితో ద్వీపంలోని తనకి ఈ దుస్థితి తెచ్చిన ఒక్కొక్కరినీ హత్య చేస్తుంది, ఇందులో ఆమె భర్త, అతని సోదరుడు, ద్వీపంలోని వృద్ధ మహిళలు ఉన్నారు. ఈ హింసాత్మక రివెంజ్ సన్నివేశాలు చాలా తీవ్రంగా ఉంటాయి. బోక్-నామ్ చివరికి హే-వోన్ ని కూడా చంపుతుందా ? ఆమె జీవితం ఎటు వెళ్తుంది ? ఈ స్టోరీ ఎలా ఎండ్ అవుతుంది ? అనేది ఈ సినిమాను చూసి తెలుసుకోండి.
Read Also :
Share
Non-Vegetarians: ఆ రాష్ట్రంలో 99 శాతం మంది మాంసాహారులే.. నాన్ వెజ్ మరీ అంతలా తినేస్తారా?
China: చైనాలో తుఫాన్ అల్లకల్లోలం.. 400 భవనాలు ధ్వంసం.. వీడియో వైరల్
