China: చైనాలో తుఫాన్ అల్లకల్లోలం.. 400 భవనాలు ధ్వంసం.. వీడియో వైరల్

China: చైనాలోని పలు ప్రాంతాల్లో టైఫూన్ వైఫా తుఫాన్ బీభత్సం సృష్టించింది. హాంకాంగ్‌లో అతి భారీ వర్షాలు పడుతున్నాయి. గంటకు 150 కిలోమీటర్ల వేగంతో బలమైన గాలులతో బీభత్సం సృష్టించింది. ఈ ప్రకృతి విపత్తు ఫలితంగా 400కు పైగా భవనాలు ధ్వంసమయ్యాయి. వందలాది చెట్లు నేలకూలాయి.  విమాన, రవాణా సేవలు తీవ్రంగా అంతరాయం కలిగాయి. హాంకాంగ్ అధికారులు ప్రజలను సురక్షిత ప్రాంతాలకు తరలివెళ్లాలని.. అనవసర ప్రయాణాలు చేయవద్దని హెచ్చరికలు జారీ చేశారు.

టైఫూన్ వైఫా తుఫాన్ చైనా దక్షిణ తీర ప్రాంతాలను కూడా తీవ్రంగా ప్రభావితం చేసింది. ఈ తుఫాను ఫలితంగా సంభవించిన భారీ వర్షాలు, భారీ ఈదురుగాలులు ఆస్తి నష్టానికి దారితీశాయి. హాంకాంగ్‌లో, గంటకు 100 మైళ్లకు పైగా వేగంతో వీచిన గాలులు విద్యుత్ సరఫరాకు అంతరాయం కలిగించాయి. రోడ్లు, రవాణా వ్యవస్థలు స్తంభించాయి. ఈ విపత్తు కారణంగా విమాన సర్వీసులు రద్దయ్యాయి. ప్రజా రవాణా సేవలు నిలిచిపోయాయి. పాఠశాలలు, కాలేజీలను అధికారులు మూసివేశారు.

Hong Kong issued its highest storm-warning signal as Typhoon Wipha brought heavy rain and wind, forcing the cancellation of more than 200 flights https://t.co/eNm8aqsSl0 pic.twitter.com/WDIfmLf2Nt

— Reuters (@Reuters) July 20, 2025

వరదలు, భారీ తుఫాన్ కారణంగా అధికారులు తీవ్ర హెచ్చరికలు జారీ చేశారు. ప్రజలు ఇళ్లలోనే ఉండాలని సూచించారు. ఈ తుఫాను చైనా ఆర్థిక వ్యవస్థపై కూడా ప్రభావం చూపింది. ముఖ్యంగా హాంకాంగ్ వంటి అభివృద్ధి చెందిన నగరంలో భారీ బిల్డింగులు నేలమట్టం అయ్యాయి. ఈ సంఘటన దక్షిణ చైనా, హాంకాంగ్‌లో ఇటీవలి సంవత్సరాలలో సంభవించిన అత్యంత తీవ్రమైన ప్రకృతి విపత్తులలో ఒకటని అధికారులు చెబుతున్నారు.

ఈ సంక్షోభంలో.. అత్యవసర సేవలు, సహాయక బృందాలు ప్రజలను కాపాడేందుకు, ధ్వంసమైన ప్రాంతాలను శుభ్రపరిచేందుకు సహాయక చర్యలు చేపట్టాయి. ఈ తుఫాను ప్రభావం చైనా, హాంకాంగ్‌లోని ప్రజల జీవన విధానంపై తీవ్రమైన ప్రభావం చూపింది. ప్రస్తుతం సహాయక చర్యలు కొనసాగుతున్నాయి.

ALSO READ: Russia Earthquake: రష్యాలో 7.4 తీవ్రతతో భారీ భూకంపం.. సునామీ హెచ్చరికలు

ALSO READ: Weather News: ఈ రెండు రోజులు భారీ నుంచి అతిభారీ వర్షాలు.. ఈ జిల్లాల్లో అయితే దంచుడే..

Share

• 
• 
• 
• 
• 
•