చివరి వరకు వణికించే భయంకరమైన హారర్ సినిమాలు… మస్ట్ వాచ్

Best Horror Movies on OTT : భయం అంటే ఎలా ఉండాలో చూపించే సినిమాలను చూడాలనుకుంటున్నారా ? అయితే ఈ సినిమాలు చూసేటప్పుడు ఒంటరిగా ఉన్నావంటే మాత్రం కచ్చితంగా పక్క తడిసిపోవాల్సిందే. ఈ ఐదు సినిమాలు హారర్ జానర్‌లో రత్నాలు లాంటివి. ఇవి గ్రాఫిక్స్ మీద కాకుండా కథనం, సౌండ్ ఎఫెక్ట్స్ తో భయం పుట్టిస్తాయి. వీలైతే అర్ధరాత్రి హెడ్ ఫోన్స్ పెట్టుకుని చూడండి, కిక్కు మామూలుగా ఉండదు.

1. REC (2007)

ఇది స్పానిష్ పౌండ్ ఫుటేజ్ సినిమా. ఒక అపార్ట్‌మెంట్‌లో వింత వ్యాధి సోకి జనం వింతగా ప్రవర్తిస్తుంటారు. ఒక రిపోర్టర్ తన కెమెరామెన్‌తో కలిసి ఆ బిల్డింగ్‌లోకి వెళ్తుంది. అక్కడ వాళ్ళు చూసే భీభత్సం మామూలుగా ఉండదు. ముఖ్యంగా క్లైమాక్స్ సీన్ చూస్తే గుండె ఆగిపోయినంత పని అవుతుంది. ఆపిల్ టీవీ, యూట్యూబ్ లో ఇది అద్దెకు అందుబాటులో ఉంది.

2. It Follows (2014)

ఈ సినిమా కాన్సెప్ట్ చాలా కొత్తగా ఉంటుంది. ఒక వింత శక్తి మనుషులను వెంటాడుతూ ఉంటుంది. అది ఎక్కడి నుంచి వస్తుందో తెలియదు. పారిపోయే కొద్ది వెంటాడుతూనే ఉంటుంది. ఈ సినిమా చూస్తున్నంత సేపు మన వెనుక కూడా ఏదో ఉందనే ఫీలింగ్ కలుగుతుంది. అమెజాన్ ప్రైమ్ వీడియో (Amazon Prime Video)లో ఈ సినిమా అందుబాటులో ఉంది.

3. Night of the Living Dead (1968)

హారర్ సినిమాల చరిత్రలో ఇదొక సంచలనం. చనిపోయిన వాళ్లు తిరిగి బతికి, మనుషులను తినడం అనే కాన్సెప్ట్ దీని నుంచే పాపులర్ అయ్యింది. పాత సినిమా అయినా సరే, అందులో ఉండే హారర్ సీన్లు, ఆ పాతకాలం నాటి మేకప్ ఇప్పటికీ భయపెడతాయి. ప్రస్తుతం
దీనిని యూట్యూబ్ లో ఉచితంగా నే చూడచ్చు.

4. Don’t Look Now (1973)

ఇది కేవలం దెయ్యాల సినిమా మాత్రమే కాదు, ఒక తండ్రి తన కూతురిని కోల్పోయిన బాధలో చూసే భ్రమలు, ఆ తర్వాత ఎదురయ్యే భయంకరమైన నిజాల చుట్టూ తిరుగుతుంది. సినిమా అంతా ఒక రకమైన డార్క్ మోడ్ లో ఉంటుంది. ఎండింగ్ ట్విస్ట్ చూస్తే మాత్రం మైండ్ బ్లాక్ అవ్వడం గ్యారెంటీ. అమెజాన్ ప్రైమ్ లో దీనిని చూడవచ్చు.

5. The Texas Chain Saw Massacre (1974)

మాస్క్ వేసుకున్న ఒక సైకో కిల్లర్, చేతిలో రంపం పట్టుకుని వెంటాడుతుంటే ఎలా ఉంటుందో ఈ సినిమా చూపిస్తుంది. ఇందులో రక్తపాతం కంటే ఆ వాతావరణం సృష్టించే భయం ఎక్కువ. హారర్ ఫ్యాన్స్‌కి ఇదొక కల్ట్ క్లాసిక్. ఇప్పటికీ భయంకరమైన రక్తపాతం సినిమాలలో దీనిని కూడా చెప్పుకుంటారు. ప్రైమ్ వీడియో, టుబి ఓటీటీలో ఇది అందుబాటులో ఉంది.