Mystery Thriller: టాలీవుడ్లో ఉన్న బెస్ట్ క్యారెక్టర్ ఆర్టిస్ట్ లలో బ్రహ్మాజీ కూడా ఒకరు. ఆయన తెలుగులో ఇప్పటిదాకా ఎన్నో విభిన్న పాత్రలను పోషించి, తెలుగు సినిమా ఇండస్రీలో సినీయర్ నటుడిగా తనకంటూ ఓ ప్రత్యేకమైన స్థానాన్ని క్రియేట్ చేసుకున్నారు. ఇప్పుడు ఇదంతా ఎందుకంటే బ్రహ్మాజీ కీలక పాత్రలో నటించిన Hangman Movie మూవీ ఓటీటీలోకి రాబోతోంది. దాదాపు ఆరేళ్ళ తరువాత ఈ మూవీ ఓటీటీ ఎంట్రీకి సిద్ధం అవ్వడం విశేషం. మరి ఈ మిస్టరీ థ్రిల్లర్ ను ఎక్కడ, ఎప్పుడు చూడవచ్చో తెలుసుకుందాం పదండి.
2020లో బ్రహ్మాజీ ‘హ్యాంగ్మ్యాన్’ అనే ఆసక్తికరమైన మిస్టరీ థ్రిల్లర్ ను ప్రకటించారు. 6 సంవత్సరాల నిరీక్షణ తర్వాత, ఈ చిత్రం ఎట్టకేలకు విడుదలకు సిద్ధమైంది. ఆసక్తికరమైన విషయం ఏమిటంటే, చిత్ర నిర్మాతలు థియేటర్లలో విడుదల చేయకుండా డైరెక్ట్ గా డిజిటల్ ప్రీమియర్ చేయాలని నిర్ణయించుకున్నారు. ‘హ్యాంగ్మ్యాన్’ జూలై 3 నుండి Sun NXTలో స్ట్రీమింగ్ కానుంది. ఈ మేరకు “న్యాయానికి ఒక మూల్యం ఉంది. సత్యానికి ఒక గడువు ఉంది” అనే ఆసక్తికరమైన ట్యాగ్లైన్తో ప్రచార కార్యక్రమం ఉత్సుకతను రేకెత్తించింది. అదే సమయంలో “హ్యాంగ్మ్యాన్ దాగి ఉన్న నిజాన్ని వెలికితీస్తాడా లేక శాశ్వతంగా పాతిపెడతాడా?” అనే ప్రశ్నను సంధిస్తోంది.
ఈ చిత్రం ఒక ఉత్కంఠభరితమైన మిస్టరీ థ్రిల్లర్గా నిలుస్తుందని మేకర్స్ నమ్ముతున్నారు. ఈ సినిమాలో బ్రహ్మాజీ వృద్ధుడి వేషధారణలో కనిపించి ఇప్పటికే ప్రేక్షకుల దృష్టిని ఆకర్షించారు. డిజిటల్ రంగంలోకి ప్రవేశించడానికి ముందు, ఈ మూవీ 2వ ఐఖోయిగి ఇంఫాల్ అంతర్జాతీయ చలనచిత్రోత్సవంలో ప్రదర్శితం అవ్వగా, ‘హ్యాంగ్మ్యాన్’ విమర్శకుల ప్రశంసలను అందుకుంది. ఇక ఈ చిత్రంలో బన్నీ అభిరాన్, వినయ్ నల్లకడి కూడా కీలక పాత్రలలో నటిస్తున్నారు. విహాన్ దర్శకత్వం వహించిన ఈ చిత్రానికి కామ్రాన్ నేపథ్య సంగీతాన్ని అందించగా, దీనిని క్లోరోఫిల్మ్ పిక్చర్స్ – డార్క్ హార్స్ విజువల్స్ సంయుక్తంగా నిర్మించాయి. ఈ మూవీ కోసం బ్రహ్మాజీ ఒక్క రూపాయి కూడా తీసుకోకుండా నటించడం విశేషం. పాత్ర నచ్చడంతో ఆయన ఇలాంటి షాకింగ్ నిర్ణయం తీసుకున్నారట.
ఈ సినిమాలో బ్రహ్మాజీ ‘శివయ్య’ అనే ప్రభుత్వ తలారి పాత్రలో కన్పిస్తారు. జైలులో ఉరిశిక్ష పడిన ఖైదీలను ఉరితీయడం ఇతని జాబ్. మరి అలాంటి తలారి జీవితం ఎలా ఉంటుంది ? చట్ట ప్రకారం ఒక ప్రాణాన్ని తీసేటప్పుడు అతను మానసికంగా ఎలాంటి సంఘర్షణకు గురవుతాడు ? అనే కోణంలో ఈ సినిమాను తీశారు. చట్టాన్ని తన చేతుల్లోకి తీసుకున్న శివయ్య, న్యాయ స్థానం నుంచి తప్పించుకుంటున్న నేరస్థులకు ఎలాంటి శిక్ష వేశాడు అనేది తెలియాలంటే మూవీని చూడాల్సిందే. మరి ఈ మూవీకి ఓటీటీలో ఎలాంటి రెస్పాన్స్ దక్కుతుందో చూడాలి.
Share
మోస్ట్ కాంట్రవర్షియల్ మలయాళం మూవీ ఓటీటీలోకి... స్ట్రీమింగ్ ఎప్పుడు ఎక్కడ ?
తెలంగాణలో అన్నదాతలకు శుభవార్త.. రైతు భరోసా నిధులు విడుదల, బ్యాంక్ అకౌంట్ చెక్ చేసుకోవచ్చు
