Korean Thriller : ఓవైపు చిరుజల్లులు కురుస్తుంటే… మరోవైపు ఓ సీట్ ఎడ్జ్ క్రైమ్ డార్క్ కామెడీ థ్రిల్లర్ చూస్తుంటే ఎలా ఉంటుంది ? మూవీ లవర్స్ కి ఆ ఊహ ఎంత బాగుంటుందో కదా. ఇప్పుడు మనం చెప్పుకుంటున్న మూవీ కూడా ఇలాంటి వారి కోసమే. ఈ సినిమా పేరు ‘ఏ హార్డ్ డే’ (A Hard Day). 2014లో రిలీజ్ అయిన ఈ కొరియన్ మూవీని ఎక్కడ చూడొచ్చు ? స్టోరీ ఏంటి ? అనే వివరాలపై ఒక లుక్కేద్దాం పదండి.
ఇందులో మన హీరో పేరు కొ గన్ సూ. అతను ఒక పోలీస్ ఆఫీసర్. ఇతని జీవితం ఎంత దయనీయమైన పరిస్థితిలో బ్యాడ్ లక్ తో నడుస్తుందంటే… ఒక్కరోజులోనే చెప్పలేని కష్టాల్లో కూరుకుపోతాడు. భార్యతో గొడవ జరిగి ఆమె డివోర్స్ ఇస్తానని చెప్తుంది. అదే రోజు వాళ్ళ అమ్మ చనిపోతుంది. అంతలోనే ఆఫీస్ లో వాళ్ల డిపార్ట్మెంట్లో జరిగిన అవినీతిపై ఇంటర్నల్ అఫైర్స్ అధికారులు రైడ్ చేస్తున్నారని, తన డెస్క్ కూడా తనిఖీ చేస్తున్నారని చెప్తారు. దీంతో అతను అర్థ రాత్రి తన కారు తీసుకొని స్టేషన్ కి బయలుదేరుతాడు. ఆ ఇన్స్పెక్షన్ కారణంగా పోలీస్ స్టేషన్ కు బయలుదేరిన డిటెక్టివ్ కు మరో దారుణమైన పరిస్థితి ఎదురవుతుంది.
కంగారులో రోడ్డుపై వేగంగా వెళ్తున్న అతని కారుకి కుక్క అడ్డుపడుతుంది. దీంతో కారును పక్కకు తప్పించే క్రమంలో అకస్మాత్తుగా ఓ వ్యక్తి వచ్చి కారు కిందపడి చనిపోతాడు. ఈ హఠాత్పరిణామానికి విస్తబోయిన సు భయపడి చుట్టూ చూస్తాడు. అక్కడ ఎవరూ కనిపించరు. అప్పటికే తనపై అవినీతి విచారణ జరుగుతున్న నేపథ్యంలో ఈ హిట్ అండ్ రన్ కేసు కూడా తోడైతే, తన ఉద్యోగం పోయి జైలుకి వెళ్లడం ఖాయమని అనుకుంటాడు. అందుకే ఫోన్ చేయకుండా ఆ శవాన్ని తన కారు డిక్కీలో వేసుకుని, తిరిగి తల్లి అంత్యక్రియలు జరుగుతున్న చోటుకి వెళ్ళిపోతాడు.
ఆ శవాన్ని ఎక్కడ దాచాలా అని ఆలోచిస్తున్న సూకీ ఓ మంచి ఆలోచన తడుతుంది. తల్లి శవపేటికలో ఆ గుర్తు తెలియని వ్యక్తి మృత దేహాన్ని పెట్టీ, ఎవ్వరికీ తెలియకుండా పూడ్చేస్తాడు. హమ్మయ్య… అంతా అయిపోయింది అని ఊపిరి పీల్చుకుంటున్న సమయంలోనే ఊహించని ట్విస్ట్ వస్తుంది. ఇదంతా జరిగిన కొన్ని రోజుల తర్వాత సూ పోలీస్ స్టేషన్ కి ఓ మర్డర్ కేస్ వస్తుంది. గ్యాంగ్ మిన్ అనే ఒక మోస్ట్ వాంటెడ్ క్రిమినల్ కోసం పోలీసులు లుక్ అవుట్ నోటీస్ జారీ చేస్తారు. ఆ వ్యక్తి మరెవరో కాదు సు కార్ కింద పడి చనిపోయిన వ్యక్తి. ఇక అతని గురించి ఇన్వెస్టిగేట్ చేసే బాధ్యతను కూడా సూ టీం తీసుకుంటుంది.
ఇంకోవైపు ఓ మిస్టీరియస్ వ్యక్తి సుకి ఫోన్ చేసి ఆ శవాన్ని తనకు అప్పగించాలని, తనకు విషయం అంతా తెలుసు అని బ్లాక్మెయిల్ చేస్తాడు. ఓవైపు ఇన్వెస్టిగేషన్ జరుగుతుంటే మరోవైపు ఆ అజ్ఞాత వ్యక్తి ఫోన్ తో హీరో ఇబ్బందుల్లో పడతాడు. మరి ఆ చనిపోయిన వ్యక్తిని హీరో ఎక్కడి నుంచి తీసుకొచ్చాడు ? ఈ అజ్ఞాత వ్యక్తి ఎవరు ? చనిపోయిన శవం జేబులో ఉన్న సీక్రెట్ కి వెనుకున్న రహస్యం ఏంటి ? క్లైమాక్స్ లో వచ్చే ఊహించని ట్విస్ట్ ఏంటి ? అన్నది తెలియాలంటే ఈ సినిమాపై ఒక లుక్కేయాల్సిందే. ఈ మూవీ ప్రస్తుతం అమెజాన్ ప్రైమ్ వీడియోలో స్ట్రీమింగ్ అవుతోంది. అయితే సినిమా తెలుగులో మాత్రం అందుబాటులో లేదు. భాష అడ్డు కాదనుకునేవారు ఈ మూవీని ఇంగ్లీషులో వీక్షించవచ్చు.
Read Also : పాపులర్ ఆటగాడికి 10 ఏళ్ల జైలు శిక్ష… ఎఫ్బీఐ సీక్రెట్ ఆఫర్ తో ఊహించని మలుపు
Share
Nindu Noorella Saavasam Serial Today Episode June 29th ‘నిండు నూరేళ్ల సావాసం’ సీరియల్: ఒకే రూంలో అమర్, మిస్సమ్మ – మనోహరిని అలెర్ట్ చేసిన చంభా 
ఇకనైనా బుడ్డోడిని ఆడించు, లేకపోతే గుడ్డలు ఊడతీసి కొడతారంటూ గంభీర్ కు వార్నింగ్
