Comedy Drama OTT : ఫ్యామిలీ ఆడియన్స్ ఓటీటీలో ఒక సినిమాని తెగ చూశారు. ఈ సినిమా ఓటీటీలో టాప్ ట్రెండింగ్ సినిమాల లిస్ట్ లో చేరిపోయింది. ఈ సినిమాను ఎక్కువగా బ్రెజిల్‌లోని అందమైన పల్లెటూళ్లలో చిత్రీకరించారు. అందుకే సినిమా అంతా చాలా కలర్‌ఫుల్‌గా కనిపిస్తుంది. కంటెంట్ కూడా చాలా ఆసక్తికరంగా ఉంటుంది. ఈ కథలో విచెంజా అనే 18 ఏళ్ల అమ్మాయి, తన తండ్రి ఎవరో తెలుసుకోవాలని అనుకుంటుంది. ఈ క్రమంలో కథ చూసేందుకు కూడా చూడ చక్కగా అనిపిస్తుంది. అసలు ఇది బ్రెజిల్ సినిమా అయినా కూడా, ఇండియన్ స్టైల్ లో ఉంటుంది.
2021లో వచ్చిన ఈ బ్రెజిలియన్ కామెడీ డ్రామా సినిమా పేరు ‘డబుల్ డాడ్’ (Double Dad). ఇందులో మైసా సిల్వా, ఎడ్వర్డో మోస్కోవిస్, మార్సెలో మెడిసి లీడ్ రోల్స్ లో నటించారు. ఈ సినిమాలో విచెంజా పాత్ర పోషించిన మైసా సిల్వా బ్రెజిల్‌లో చాలా పాపులర్. ఆమె చిన్నప్పటి నుండే టీవీ ప్రజెంటర్‌గా, నటిగా అక్కడి ప్రేక్షకులకు బాగా తెలుసు. ఈ సినిమా కేవలం 1 గంట 43 నిమిషాలు మాత్రమే ఉంటుంది. కాబట్టి ఫ్యామిలీతో కలిసి వీకెండ్‌లో బోర్ కొట్టకుండా హాయిగా చూసేయొచ్చు. మీరు ఈ సినిమాను నెట్‌ఫ్లిక్స్ (Netflix) లో తెలుగు ఆడియోతో చూడవచ్చు. ఇది విడుదలైన సమయంలో బ్రెజిల్‌తో పాటు ఇతర దేశాల్లో కూడా నెట్‌ఫ్లిక్స్ టాప్ 10 లిస్టులో నిలిచింది.
విచెంజా అనే అమ్మాయి ఒక ఆశ్రమం లాంటి ప్రశాంతమైన చోట తన తల్లితో కలిసి పెరుగుతుంది. 18 ఏళ్లు వచ్చినా తన తండ్రి ఎవరో ఆమెకు తెలియదు. వాళ్ళ అమ్మ ఒక పని మీద వేరే ఊరికి వెళ్ళినప్పుడు, విచెంజా తన తండ్రిని వెతకాలని నిర్ణయించుకుంటుంది. తన తల్లి పాత వస్తువుల్లో దొరికిన ఆధారంతో తండ్రిని వెతుకుతూ సిటీకి ఒంటరిగా బయలుదేరుతుంది. అక్కడ ఆమెకు ఇద్దరు వ్యక్తులు తారసపడతారు. ఒకరు పాకో, స్వేచ్ఛగా బతికే ఒక ఆర్టిస్ట్. ఇంకొకరు జియోవన్నే, పద్ధతిగా ఉండే ఒక బిజినెస్ మేన్.
విచెంజా ఆ ఇద్దరినీ కలిసి తన తండ్రి ఎవరో తేల్చుకోవాలని ప్రయత్నిస్తుంది. ఈ క్రమంలో ఆ ఇద్దరూ ఆమెను సొంత కూతురిలాగే భావించి ఎంతో ప్రేమగా చూసుకుంటారు. దీంతో విచెంజాకు ఇద్దరు తండ్రులు దొరికినంత ఆనందం కలుగుతుంది. కథ చివర్లో వాళ్ళ అమ్మ తిరిగి రావడంతో అసలు విషయం బయటపడుతుంది. ఆ నిజం ఏమిటి ? విచెంజా అసలు తండ్రి ఎవరు ? ఆమె ఇద్దరినీ తండ్రులుగా స్వీకరిస్తుందా ? ఈ కథ ఎలా ముగుస్తుంది ? అనే విషయాలను ఈ సినిమాను చూసి తెలుసుకోవాల్సిందే.
Read Also : ఇప్పటికీ ఆశ్చర్యపరుస్తున్న 26 ఏళ్ల హాలీవుడ్ మూవీ… యాక్టింగ్ ఇరగదీసిన బ్రాడ్ పిట్… ఐయండిబిలో 8.8 రేటింగ్
Share
భార్య మరొకరితో... కూతురు ప్లే బాయ్ తో... క్లైమాక్స్ క్రేజీగా
PSL 2026లో మ‌రో వివాదం..బాబర్ ఆజం బెడ్ రూం వీడియోలు వైర‌ల్
