Comedy Movie OTT : కొన్ని కామెడీ సినిమాలు చాలా అద్భుతంగా ఉంటాయి. మెసేజ్ తో పాటు మంచి కామెడీ ని కూడా అందిస్తాయి. ఇప్పుడు మనం చెప్పుకోబోయే సినిమాలో కథ యజమాని పని మనిషికి ఉన్న రిలేషన్ తో నడుస్తుంది. ఇది ఎలా ఉంటుంది అంటే, చిన్నచూపు చూసే యజమానికి చెంప దెబ్బలా, కష్టపడి పని చేసే పని వాళ్ళకి కాలర్ ఎగరేసేలా ఉంటుంది. ఈ సినిమా మరాఠీలో సూపర్ డూపర్ హిట్ కూడా అయింది. మరి దీని పేరు ఏమిటి? ఏ ఓటీటీలో ఉందో తెలుసుకుందాం పదండి
ఈ సూపర్ హిట్ మరాఠీ కామెడీ సినిమా పేరు ‘నాచ్ గా ఘుమ’ (Nach Ga Ghuma). నేషనల్ అవార్డ్ విన్నర్ పరేష్ మోకాషి ఈ చిత్రానికి దర్శకత్వం వహించారు. హరిశ్చంద్రాచి ఫ్యాక్టరీ వంటి గొప్ప సినిమాలు తీసిన ట్రాక్ రికార్డ్ ఆయనకుంది. ప్రముఖ నటుడు స్వప్నిల్ జోషి ఈ సినిమాకు వన్ ఆఫ్ ది ప్రొడ్యూసర్. ఇందులో రాణి పాత్రలో ముక్తా బార్వే, పనిమనిషి ఆశా పాత్రలో నమ్రత సంభేరావు నటించారు. ముఖ్యంగా నమ్రత తన కామెడీ టైమింగ్తో సినిమాను మరో లెవల్కు తీసుకెళ్లింది. ₹5 కోట్ల బడ్జెట్తో తీసిన ఈ సినిమా బాక్సాఫీస్ వద్ద దాదాపు ₹27 కోట్లు వసూలు చేసి, 2024లో అత్యధిక వసూళ్లు సాధించిన మరాఠీ చిత్రాలలో ఒకటిగా నిలిచింది. ప్రస్తుతం ఈ సినిమా ప్రైమ్ వీడియో (Prime Video) లో స్ట్రీమింగ్ అవుతోంది.
రాణి అనే మహిళ బ్యాంకులో ఉద్యోగం చేస్తూ, ఇంటి పని, ఆఫీసు పని మేనేజ్ చేయడం పెద్ద తలనొప్పిగా మారుతుంది. దీంతో ఆమె ఒక పనిమనిషిని పెట్టుకుటుంది. అయితే ఇంట్లో ఉండే పనిమనిషి ఆశా తో అస్సలు పడదు. రోజూ ఏదో ఒక విషయంలో ఇద్దరికీ గొడవలే. ఒకానొక టైమ్ లో చిరాకు వచ్చి, ఆ పనిమనిషిని తీసేస్తుంది రాణి. కానీ ఆమె వెళ్ళిపోయాక అసలు సినిమా మొదలవుతుంది. ఇల్లు చిందరవందర అయిపోవడం, వంట కుదరకపోవడంతో రాణికి చుక్కలు కనిపిస్తాయి. కొత్త పనిమనిషి కోసం రాణి పడే పాట్లు అన్నీ ఇన్నీ కావు. ఎవరొచ్చినా ఆ పాత పనిమనిషిలా పని చేయరు, పైగా వీళ్ళ డిమాండ్లు భరించలేరు.
ఆఖరికి గతిలేక, మళ్ళీ అదే ఆశా కాళ్ళ దగ్గరకు వెళ్లాల్సి వస్తుంది. ఇద్దరి మధ్య నువ్వా నేనా అన్నట్టు ఈగోలు ఉన్నా, ఒకరి మీద ఒకరికి తెలియని ఒక అటాచ్మెంట్ ఉంటుంది. ఆ పనిమనిషి లేకపోతే ఇల్లు గడవదు, ఈమె లేకపోతే ఆమెకు జీతం రాదు అన్నట్టు సాగుతుంది వీళ్ళ బంధం. చివరికి ఈ కథలో మెయిన్ పాయింట్ ఏంటంటే.. ఒక ఇంట్లో ఆడవాళ్లు (యజమానురాలు, పనిమనిషి) ఒకరికొకరు ఎలా సపోర్ట్ గా ఉంటారు అనేది చాలా కామెడీగా చూపిస్తారు. ఇద్దరి మధ్య గొడవలున్నా, కష్టమొస్తే మాత్రం ఒకరి కోసం ఒకరు నిలబడతారు. పనిమనిషి అంటే కేవలం జీతం ఇచ్చే మనిషి మాత్రమే కాదు, ఆమె కూడా కుటుంబంలో ఒక మనిషే అన్నట్టుగా ఈ సినిమా సరదాగా ముగుస్తుంది.
Share
Nita Ambani-Rohit: సన్నగా, కరెంట్ తీగలా ఉన్నాడు...రోహిత్ శర్మపై నీతా అంబానీ బోల్డ్ కామెంట్స్
Romantic Comedy OTT : లవ్ అంటే ఇదేరా బుల్లోడా... పెళ్లి చూపుల్లో మొదలై పీటల దాకా... ఐయండిబిలో 8.2 రేటింగ్
