Comedy Movie OTT : తరుణ్ భాస్కర్, ఈషా రెబ్బా నటించిన తెలుగు సినిమా ‘ఓం శాంతి శాంతి శాంతిహి’ 2026 జనవరి 30న థియేటర్లలో విడుదలైంది. ఈ సినిమా కామెడీ ఎంటర్టైనర్ గా రూపొందింది. ఇది బాసిల్ జోసెఫ్ నటించిన మలయాళం సినిమా ‘జయ జయ జయ జయహే’ మూవీకి రీమేక్ కూడా. ఈ సినిమా మలయాళంలో 50 కోట్లకు పైగా కలెక్షన్స్ తో బాక్స్ ఆఫీస్ హిట్ గా నిలిచింది. అయితే తెలుగులో మిక్స్డ్ టాక్ తో నడుస్తోంది. గోదావరి ప్రాంతంలో జరిగే ఈ కథలో, తరుణ్ భాస్కర్ తన భార్యపై ఆధిపత్యం చేయడానికి ప్రయత్నించే ఓంకార్ పాత్రలో నటించాడు. ఇప్పుడు ఈ సినిమా ఓటీటీ హక్కులను ఓ ప్రముఖ సంస్థ దక్కించుకున్నట్లు తెలుస్తోంది. ఇక ఈ సినిమా ఎప్పుడు, ఏ ఓటీటీలో డిజిటల్ స్ట్రీమింగ్ కానుందో తెలుసుకుందాం పదండి.
ఏఆర్ సజీవ్ దర్శకత్వం వహించిన ‘ఓం శాంతి శాంతి శాంతి’ (Om Shanti Shanti Shantihi )జనవరి 30న థియేటర్లలోకి వచ్చింది. తరుణ్ భాస్కర్, ఈషా రెబ్బా నటించిన ఈ సినిమా డిజిటల్ హక్కులను ‘ఆహా’ ఓటీటీ ఫ్యాన్సీ ధరకు పొందిందనట్లు తెలుస్తోంది. ఈ నెల థర్డ్ వీక్ లో ఇది స్ట్రీమింగ్ అయ్యే అవకాశం ఉంది. ఈ సినిమాను ప్రమోట్ చేయడంలో నిర్మాతలు కూడా బాగానే కష్టపడ్డారు. దీంతో సినిమా మీద కూడా బాగానే ఆశలు పెట్టుకున్నారు. ఇక ఆడియన్స్ నుంచి ఓ మాదిరి రెస్పాన్స్ అయితే వస్తోంది ఈ సినిమాకి. ఈ సినిమాను డిజిటల్ గా చూడాలనుకుంటే మరి కొన్ని రోజులు ఆగాల్సిందే. అయితే మలయాళ వర్షెన్ ఇప్పుడు ఓటీటీలో తెలుగులోనే ఉంది. jio హాట్ స్టార్ లో ఈ సినిమాను చూడవచ్చు.
చదువుకోవాలనే కోరిక బాగా ఉన్న ఒక మధ్యతరగతి అమ్మాయి ప్రశాంతి (ఈషా రెబ్బా). ఆమె బాగా చదువుకుని మంచి ఉద్యోగం చేయాలని అనుకుంటుంది. కానీ ఆమె తండ్రి బలవంతం మీద ఓంకర్ నాయుడు (తరుణ్ భాస్కర్) అనే వ్యక్తితో పెళ్లి జరుగుతుంది. పెళ్లి కి ముందు చదివిస్తానని మాట ఇచ్చి, పెళ్లి అయ్యాక మాట తప్పుతాడు ఓంకర్. ఓంకర్ పక్కా పురుషాహంకారి. కోపం వస్తే భార్యపై చేయి చేసుకునే రకం. పెళ్లైన కొత్తలోనే తన భర్త ప్రవర్తనతో విసిగిపోయిన ప్రశాంతి, అతన్ని ఎదురించలేక మొదట్లో మౌనంగా భరిస్తుంది. కానీ ఒకానొక దశలో తన ఆత్మగౌరవాన్ని కాపాడుకోవడానికి తాను కూడా ఎదురు తిరుగుతుంది.
ప్రశాంతి కరాటే నేర్చుకున్న సంగతి తెలియక ఆమెపై చేయి చేసుకుంటాడు ఓంకర్. చేయిచేసుకున్న భర్తను కూడా శాంతి తనదైన కరాటే స్టైల్ లో చితకబాదుతుంది. ఆ వీడియో వైరల్ కూడా అవుతుంది. ఆ తరువాత వచ్చే సీన్స్ చాలా ఆసక్తిగా ఉంటాయి. చివరకు ఓంకర్ తన తప్పు తెలుసుకున్నాడా ? వీరిద్దరి వైవాహిక జీవితం ఎలాంటి ముగింపును ఇస్తుంది ? అనేదే ఈ సినిమా మిగతా కథ. ఈ కాలం పెళ్లి కొడుకులు, ఈ సినిమాను తప్పకుండా చూడాల్సిందే.
Read Also : పదేళ్ళ తరువాత లవర్ కోసం వస్తే… మూగ భర్తతో షాక్ ఇచ్చే అమ్మాయి… గుండెను బరువెక్కించే కథ
Share
Sahibzada Farhan: పదే పదే ఇండియాను ఓడించడం ఇష్టం లేదు, అందుకే జాలి పడి వదిలేశాం !
AP Politics War: అధికారం మారితే లెక్కలు తేల్చుకోవడమేనా? ఆంధ్రా పాలిటిక్స్లో మారిన ‘ట్రెండ్’
