Comedy Web Series OTT : ఈ డిజిటల్ యుగంలో వెబ్ సిరీస్ ల హవా నడుస్తున్న సంగతి తెలిసిందే. ప్రతిరోజు ఏదో ఒక కంటెంట్ ఓటీటీ ప్లాట్ ఫామ్ లో సందడి చేస్తోంది. ఇక వీటిని భాషతో కూడా సంబంధం లేకుండా తెగ చూస్తున్నారు ప్రేక్షకులు. కామెడీ, హారర్ స్టోరీలను అస్సలు వదలట్లేదు. ఈ నేపథ్యంలో ఓటీటీలోకి ఒక తమిళ కామెడీ డ్రామా సిరీస్ స్ట్రీమింగ్ కి వచ్చింది. నలుగురు స్నేహితుల చుట్టూ తిరిగే ఈ సిరీస్ కామెడీతో ఆడియన్స్ ని ఆకట్టుకుంటోంది. ఓ పాత పత్రికను నిలబెట్టే క్రమంలో ఈ కథ అటు ఆసక్తిగా, ఇటు కామెడిగా సాగుతూ ఉంటుంది.
తమిళ కామెడీ వెబ్ సిరీస్ పేరు ‘లోకల్ టైమ్స్’ (Local Times). దీనికి నవీన్ జార్జ్ థామస్ దర్శకత్వం వహించారు. రిషికాంత్, అబ్దుల్ లీ, మౌరిష్ దాస్, అద్విత ఆరుముగం, ఆర్. పాండియరాజన్, చిన్ని జయంత్, నందిత శ్రీకుమార్ కీలక పాత్రల్లో నటించారు. ఈ సిరీస్ మార్చి 13 నుండి ప్రైమ్ వీడియో (Prime Video)లో స్ట్రీమింగ్ అవుతోంది. ప్రైమ్ వీడియో ఒరిజినల్ అయిన ఈ సిరీస్లోని ఏడు ఎపిసోడ్లు, ఒకే రోజు విడుదల అయ్యాయి కూడా. ఈ తమిళ సిరీస్ ఇంగ్లీష్ సబ్టైటిల్స్తో అందుబాటులో ఉంటుంది.
వీర అనే యువకుడు తన తాతయ్య కాలం నాటి ‘నమ్మ సెయిది’ అనే పత్రికను నడుపుతుంటాడు. ఇప్పుడు అంతా డిజిటల్ యుగం కావడంతో, ఆ పాత పేపర్ని ఎవరూ పట్టించుకోక ఆఫీసు మూతపడే పరిస్థితి వస్తుంది. ఆ సమయంలో వీర తన ముగ్గురు స్నేహితులు.. అళగు, వల్లి, ముత్తులను కలుపుకుని, ఆ పత్రికను ఎలాగైనా కాపాడుకోవాలని నిర్ణయించుకుంటాడు. ఈ నలుగురు స్నేహితులు కలిసి ఆ పాత పత్రికకు కొత్త రూపు ఇచ్చే క్రమంలో ఎదుర్కొనే ఆర్థిక ఇబ్బందులు, లోకల్ రాజకీయాలు, వాళ్ళ మధ్య వచ్చే చిన్న చిన్న గొడవలే ఈ సిరీస్ కథ. పత్రికను నిలబెట్టడానికి వాళ్ళు చేసే ప్రయత్నాలు ఒక్కోసారి నవ్వు తెప్పిస్తాయి. మరికొన్ని సార్లు ఆలోచింపజేస్తాయి. చివరికి వీళ్ళంతా ఆ పత్రికను నిలబెడతారా ? లేక తగలెడతారా ? అనే విషయాలను ఈ తమిళ సిరీస్ ను చూసి తెలుసుకోండి.
Read Also : ఓటీటీలోకి వచ్చేస్తున్న మరో మలయాళ సిరీస్… నకిలీ పాస్పోర్ట్ల తయారీ చుట్టూ క్రేజీ గా… ఎక్కడ చూడచ్చో తెలుసా ?
Share
10/G Railway Quarters OTT : ప్రియురాలి మోజులో భార్యకి స్కెచ్ ... ఓటీటీలోకి వచ్చేసిన రాజీవ్ కనకాల కొత్త సినిమా
Crime Thriller OTT: పండుగ రోజున పాడెక్కే మనుషులు... ఉత్కంఠ రేపుతున్న సిరీస్
