Crime Thriller OTT : థ్రిల్లర్ వెబ్ సిరీస్ లో ఎక్కువగా ట్రెండింగ్ లో ఉంటున్నాయి. ఇక వీటిని భాషతో సంబంధం లేకుండా ఆడియన్స్ ఆదరిస్తూనే ఉన్నారు. ఈమధ్య ప్రతిభాషలోనూ ఈ కంటెంట్ హైలెట్ గా నిలుస్తోంది. ఈ నేపథ్యంలో ఇప్పుడు మనం చెప్పుకోబోయే మరాఠీ సిరీస్ ఊహించని మలుపులు తిరుగుతూ, ఉత్కంఠతతో నడుస్తోంది. ఒక ఊరిలో ప్రతి సంవత్సరం హోలీ పండుగ నాడు ఎవరో ఒకరు చనిపోతూ ఉంటారు. ఈ క్రమంలో వచ్చే ఇన్వెస్టిగేషన్ కూడా చాలా థ్రిల్లింగ్ గా సాగుతూ ఉంటుంది.
ఈ మరాఠీ క్రైమ్ థ్రిల్లర్ వెబ్ సిరీస్ పేరు ‘దేవ్ఖేల్’ (Devkhel). చంద్రకాంత్ లతా గైక్వాడ్ ఈ సిరీస్ను డైరెక్ట్ చేశారు. ఇందులో అంకుష్ చౌదరి, ప్రాజక్త మాలి, వీణా జామకర్, మంగేష్ దేశాయ్ ప్రధాన పాత్రల్లో నటించారు. మొత్తం 7 ఎపిసోడ్లతో ఈ సిరీస్ ZEE5 ఓటీటీ ప్లాట్ఫామ్లో అందుబాటులో ఉంది. మరాఠీ భాషలో రూపొందించబడినప్పటికీ, ZEE5 లో తెలుగు, హిందీ డబ్బింగ్లో కూడా అందుబాటులో ఉంది.
కొంకణ్ ఏరియాలో దేవ్తాలి అనే ఒక మారుమూల పల్లెటూరు ఉంటుంది. అక్కడ ఒక వింత జరుగుతూ ఉంటుంది. ప్రతి ఏటా హోలీ పౌర్ణమి రాత్రి ఎవరో ఒకరు ఖచ్చితంగా చనిపోతారు. ఆ ఊరి జనం అంతా కలిసి ఇది శంకాసుర అనే రాక్షసుడు చేస్తున్న పని అని, అది దేవుడి శాపం అని భయపడి చస్తుంటారు. ఆ టైమ్లోనే ఊర్లోకి కొత్తగా ఒక మొండి పోలీస్ ఆఫీసర్ విశ్వాస్ (అంకుష్ చౌదరి) ఎంట్రీ ఇస్తాడు. ఈ విశ్వాస్కి దేవుళ్లు, దయ్యాలు అంటే అస్సలు నమ్మకం ఉండదు. దయ్యం చంపడం ఏంటిరా బాబు.. ఎవడో మనిషే స్కెచ్ వేసి చంపుతున్నాడుని డిసైడ్ అయి ఇన్వెస్టిగేషన్ మొదలుపెడతాడు.
కానీ ఊరి జనం మాత్రం అడ్డు తగులుతుంటారు. నువ్వు దేవుడి మీద నింద వేస్తున్నావ్, నీకు కీడు జరుగుతుందిని వార్నింగ్లు ఇస్తారు. అయినా సరే తగ్గేదే లే అన్నట్టు ఆ శంకాసుర మిస్టరీ ఏంటో తేల్చడానికి గట్టిగా ఫిక్స్ అవుతాడు విశ్వాస్. చివరికి ఆ పోలీస్ ఆఫీసర్ ఆ శవం వెనుక ఉన్న అసలు కిల్లర్ ఎవరో కనిపెట్టాడా? నిజంగానే అక్కడ ఏదైనా అతీంద్రియ శక్తి ఉందా? లేక ఆ ఊరి పెద్దలే ఏమైనా ప్లాన్ చేసి జనాల్ని పిచ్చోళ్ళని చేస్తున్నారా? అనే విషయాలను, ఈ మరాఠీ క్రైమ్ థ్రిల్లర్ సిరీస్ ను చూసి తెలుసుకోండి.
Read Also : ఇంటి కోసం మామా కోడళ్ళ జగడం… ఎలెక్షన్లతో అలుపెరుగని రణరంగం.. ఓటీటీలోకి వచ్చేసిన బెంగాలీ మూవీ
Share
Comedy Web Series OTT : ఓటీటీలోకి తమిళ కామెడీ వెబ్ సిరీస్... నవ్వు తెప్పిస్తున్న స్నేహితుల అల్లరి... ఏ ఓటీటీలో చూడచ్చు అంటే ?
Action Thriller Series OTT : ఓటీటీలో దుమ్ము దులుపుతున్న కొరియన్ సిరీస్... 8 కి పైగా రేటింగ్ తో... మైండ్ బ్లాక్ చేసే ఒక్కో ఎపిసోడ్
