Supernatural Thriller on OTT : అత్యాశ, తరతరాలుగా వెంటాడే శాపం, కుటుంబ రహస్యాలు… ఇవన్నీ కలిసి ఒక మనిషి జీవితాన్ని ఎలా నాశనం చేస్తాయో చూపించే సూపర్నేచురల్ హారర్ థ్రిల్లర్ ‘డార్క్ జెయింట్’ (Dark Giant). హారర్తో పాటు ఎమోషనల్ ఫ్యామిలీ డ్రామాను మిళితం చేస్తూ రూపొందించిన ఈ తమిళ చిత్రం ఇప్పుడు తెలుగులో కూడా ఓటీటీలోకి వచ్చింది. కథలో వచ్చే సైకలాజికల్ ట్విస్టులు, భయపెట్టే వాతావరణం, ఫ్యామిలీ ఎమోషన్స్ ఈ సినిమాను ఆసక్తికరంగా మారుస్తాయి. మరి ఇంతకీ ఈ మూవీని తెలుగులో ఏ ఓటీటీలో చూడవచ్చు ? అన్నది తెలుసుకుందాం పదండి.
ఈ సినిమా కథ ఒక కుటుంబాన్ని తరతరాలుగా వెంటాడుతున్న శాపం చుట్టూ తిరుగుతుంది. ఎన్నో సంవత్సరాల క్రితం ఆ కుటుంబంలోని ఓ వ్యక్తి తన కోరికలు నెరవేర్చుకోవాలనే ఆశతో దైవ సహాయం కోసం ప్రయత్నిస్తాడు. అయితే అనుకోకుండా ఒక భయంకరమైన దుష్టశక్తిని మేల్కొలుపుతాడు. మొదట అతనికి కోరుకున్నవి దక్కినట్లే కనిపించినా, ఆ శక్తి ప్రతి కోరికకు బదులుగా అమాయకుల ప్రాణాలు, నరబలులు కోరడం ప్రారంభిస్తుంది. ఆ నిర్ణయం కారణంగా మొత్తం కుటుంబమే ఒక శాపంలో చిక్కుకుపోతుంది.
కొన్ని సంవత్సరాలు గడిచిన తర్వాత కథానాయకుడు తీవ్ర ఆర్థిక ఇబ్బందుల్లో పడతాడు. అప్పుల భారంతో జీవితం నరకంగా మారిన సమయంలో తన పూర్వీకుల పాత భవనం గురించి తెలుసుకుంటాడు. అక్కడ ఏదో విలువైన ఆస్తి దాగి ఉందనే ఆశతో ఆ ఇంటికి వెళ్లాలని నిర్ణయించుకుంటాడు. అయితే ఆ ఇంటిలో అడుగు పెట్టిన క్షణం నుంచి అతని జీవితమే పూర్తిగా మారిపోతుంది.
ఆ ఇంట్లో ప్రతి గది ఒక రహస్యాన్ని దాచి పెట్టినట్లుగా ఉంటుంది. విచిత్రమైన శబ్దాలు, నీడలు, అర్థంకాని సంఘటనలు వరుసగా జరుగుతుంటాయి. మొదట ఇవన్నీ భ్రమలుగా భావించిన మన హీరో, తర్వాత నిజంగానే ఏదో అదృశ్య శక్తి తమను గమనిస్తోందని గ్రహిస్తాడు. అదే సమయంలో ఆ కుటుంబానికి చెందిన పాత రహస్యాలు ఒక్కొక్కటిగా బయటపడతాయి.
దాని గురించి దర్యాప్తు చేసే కొద్దీ, తమ పూర్వీకులు చేసిన ఒక పెద్ద తప్పిదమే ఈ శాపానికి కారణమని తెలుస్తుంది. దుష్టశక్తితో కుదుర్చుకున్న ఒప్పందం ఇంకా ముగియలేదని, ఆ శాపం ఇప్పుడు కొత్త తరాన్ని బలి తీసుకోవడానికి సిద్ధమైందని తెలుసుకుంటారు. కుటుంబ సభ్యుల మధ్య దాగి ఉన్న అపరాధ భావం, స్వార్థం, లోభం పరిస్థితిని మరింత క్లిష్టంగా మారుస్తాయి.
చివరికి ఆ శాపాన్ని ముగించగలిగారా? దుష్టశక్తి కోరిన బలి ఎవరు? కుటుంబాన్ని వెంటాడుతున్న రహస్యం ఎలా బయటపడింది? అనే ప్రశ్నలకు సమాధానాలే సినిమా క్లైమాక్స్లో ఆసక్తికరంగా చూపించారు. ఇందులోని హారర్తో పాటు ఎమోషనల్ ఫ్యామిలీ ఎలిమెంట్స్ కూడా కథకు మంచి బలం అవుతాయి.
సాధారణ దెయ్యాల కథలా కాకుండా… కుటుంబ శాపం, తరతరాలుగా వచ్చే ట్రామా, లోభం వల్ల కలిగే పరిణామాలను సూపర్నేచురల్ హారర్తో మిళితం చేసిన సినిమా ఇది. నెమ్మదిగా బిల్డప్ అయ్యే టెన్షన్, భయపెట్టే విజువల్స్, సైకలాజికల్ ట్విస్టులు, ఫ్యామిలీ ఎమోషన్స్ కలిసి మంచి హారర్ అనుభూతిని ఇస్తాయి. ‘డార్క్ జెయింట్’ ప్రస్తుతం Aha ఓటీటీ ప్లాట్ఫామ్లో స్ట్రీమింగ్ అవుతోంది. ఈ చిత్రం 2026 ఆగస్టు 7 నుంచి ప్రేక్షకులకు అందుబాటులోకి వచ్చింది. తమిళ ఒరిజినల్ వెర్షన్తో పాటు తెలుగు డబ్బింగ్ కూడా అందుబాటులో ఉండటంతో తెలుగు ప్రేక్షకులు ఎలాంటి ఇబ్బంది లేకుండా వీక్షించవచ్చు. సూపర్నేచురల్ హారర్ సినిమాలు, సైకలాజికల్ థ్రిల్లర్లు ఇష్టపడేవారిని ఈ చిత్రం నిరాశపరచదు.
Read Also: లేడీస్ హాస్టల్ లో అమ్మాయి మర్డర్… అమాయకుడు బలి… చివరి 20 నిమిషాల్లో మైండ్ బ్లోయింగ్ ట్విస్ట్
Share
లిక్విడ్ లేదా పౌడర్ డిటర్జెంట్..మీ బట్టలకు ఏది బెస్ట్? నిపుణుల సలహా!
చిన్న డైలాగ్.. పెద్ద దుమారం.. ఇదే సోషల్ మీడియా మ్యాజిక్!
