OTT Movie : టైం ట్రావెల్ కాన్సెప్ట్ తో రూపొందే సినిమాలు ఆద్యంతం ఆసక్తికరంగా ఉంటాయి. ఇలాంటి సై-ఫై సినిమాలు విజువల్ వండర్ గా తెరకెక్కడమే కాకుండా, ఊహకందని ఎన్నో అద్భుతమైన అంశాలను కళ్ళకు కడతాయి. అందుకే ఈ జానర్ కు కూడా ప్రత్యేకంగా ఓటీటీలో ఫ్యాన్ బేస్ ఉంటుంది. అలాంటి వాళ్ళ కోసమే ఈ మూవీ. ఈ మూవీ పేరేంటి? ఏ ఓటీటీలో స్ట్రీమింగ్ అవుతోంది? అనేది తెలుసుకుందాం పదండి.
నెట్ ఫ్లిక్స్ లో స్ట్రీమింగ్
నిజానికి ఇదొక మూవీ కాదు వెబ్ సిరీస్. ‘Dark’ అనే టైటిల్ తో 2017–2020 వరకు ప్రసారమైన జర్మన్ సైన్స్ ఫిక్షన్ థ్రిల్లర్ సిరీస్. విండెన్ అనే చిన్న పట్టణంలో టైమ్ ట్రావెల్, మిస్సింగ్, కుటుంబ రహస్యాలు వంటి అంశాల చుట్టూ తిరిగే కథ ఇది. ఈ సిరీస్ నాలుగు కుటుంబాలు… కాన్‌వాల్డ్, నీల్సన్, డాప్లర్, టీడెమాన్ జీవితాలను టైమ్ లూప్‌ల ద్వారా గత, వర్తమాన, భవిష్యత్‌లను చూపిస్తుంది,
ఈ సిరీస్ షాకింగ్ ట్విస్ట్‌లతో మైండ్-బ్లోయింగ్ స్టోరీతో ఆకట్టుకుంటుంది. ఈ సిరీస్ Netflixలో స్ట్రీమింగ్ కోసం అందుబాటులో ఉంది. మొత్తం మూడు సీజన్‌లు, 26 ఎపిసోడ్‌లు, ఒక్కో ఎపిసోడ్ 45-60 నిమిషాలు ఉంటుంది.
కథలోకి వెళ్తే…
2019లో విండెన్ పట్టణంలో ఎరిక్ అనే బాలుడు మిస్ అవుతాడు. ఆ తర్వాత మిక్కెల్ నీల్సన్ (డాన్ మిస్‌లిచ్) అనే మరో 11 ఏళ్ల బాలుడు అదృశ్యమవుతాడు. మిక్కెల్ స్నేహితుడు… జోనాస్ కాన్‌వాల్డ్ (లూయిస్ హాఫ్‌మాన్) తండ్రి మైఖేల్ (సెబాస్టియన్ రుడాల్ఫ్) ఆత్మహత్య తర్వాత మానసికంగా కుంగిపోతాడు. ఈ క్రమంలోనే విండెన్‌లోని ఒక అణు విద్యుత్ కేంద్రం సమీపంలోని గుహల్లో టైమ్ ట్రావెల్ పోర్టల్ ఉందని జోనాస్ కనుగొంటాడు. ఇది 1953, 1986, 2019 సంవత్సరాలను అనుసంధానిస్తుంది.
జోనాస్ తన స్నేహితురాలు మార్తా నీల్సన్ (లిసా విస్సెరో)తో కలిసి, మిక్కెల్‌ను కనుగొనడానికి ప్రయత్నిస్తాడు. కానీ 1986లోకి టైమ్ ట్రావెల్ చేసినప్పుడు, మిక్కెల్ తన తండ్రి మైఖేల్‌గా ఉన్నాడని, అతను భవిష్యత్‌లో జోనాస్ తండ్రిగా మారాడని తెలుస్తుంది. ఈ టైమ్ లూప్‌లో, విండెన్‌లోని సంఘటనలు 33 ఏళ్ల చక్రంలో రిపీట్ అవుతాయి. సిక్ ముండస్ అనే రహస్య సంస్థ ఈ లూప్‌లను కంట్రోల్ చేస్తుంది.
సీజన్ 2లో జోనాస్ 1921, 2052 సంవత్సరాలకు ప్రయాణిస్తాడు. అక్కడ ఆడమ్ (డైట్రిచ్ హాలర్‌వోర్డెన్), సిక్ ముండస్ లీడర్, తన భవిష్యత్ వెర్షన్‌గా బయటపడతాడు. మిక్కెల్ తండ్రి ఉల్రిచ్ నీల్సన్ (ఒలివర్ మసూచి) 1953లో ఇరుక్కుపోతాడు.
Read also : అంటువ్యాధి నుండి తప్పించుకోవడానికి అడవిలోకి వెళ్తే… అజ్ఞాతవ్యక్తి ఎంట్రీతో బలి
సీజన్ 3లో జోనాస్, మార్తా రెండు ప్రత్యామ్నాయ ప్రపంచాలను కనుగొంటారు. ఒకటి జోనాస్ నాయకత్వంలో, మరొకటి మార్తా నాయకత్వంలో ఉంటాయి. ఇవి “ఒరిజినల్” ప్రపంచం నుండి సృష్టించబడ్డాయి. ఈ రెండు ప్రపంచాలు ఒక టైమ్ లూప్‌లో చిక్కుకున్నాయి. ఈ సమస్యను హీరో హీరోయిన్ ఎలా సాల్వ్ చేశారు? క్లైమాక్స్ ఏంటి? పిల్లలు ఎందుకు మిస్ అవుతున్నారు? అనేది తెలియాలంటే ఈ సినిమాను చూడాల్సిందే.
Share
Kingdom Song Promo : కింగ్డమ్ సినిమాలో గురూజీ వేలు పెట్టారా.? డైలాగ్ ఏదో అలానే ఉందే
King Charles - India team : భారత క్రికెటర్లతో బ్రిటన్ కింగ్... గూస్ బంప్స్ రావాల్సిందే
