OTT Movie : అంటువ్యాధి నుండి తప్పించుకోవడానికి అడవిలోకి వెళ్తే… అజ్ఞాతవ్యక్తి ఎంట్రీతో బలి

OTT Movie : సైకలాజికల్ థ్రిల్లర్ సినిమాలు మూవీ లవర్స్ కి మంచి కిక్ ఇస్తాయి. ఈ సినిమాలు ఏ క్షణం ఏమి జరుగుతుందో తెలియని కన్ఫ్యూజన్ కి గురిచేస్తాయి. అయితే ఇప్పుడు మనం చెప్పుకోబోయే సినిమాలో ఒక వింత వైరస్ వల్ల మనుషులు అంతరించిపోతుంటారు. దీని బారిన పడని ఓ రెండు కుటుంబాల మధ్య స్టోరీ నడుస్తుంది. ఈ మూవీ పేరు ఏమిటి ? ఎందులో స్ట్రీమింగ్ అవుతుంది ? అనే వివరాల్లోకి వెళితే …

రెండుఓటీటీలలో స్ట్రీమింగ్

ఈ అమెరికన్ సైకలాజికల్ హారర్ మూవీ పేరు ‘ఇట్ కమ్స్ అట్ నైట్’ (It Comes at Night). 2017లో విడుదలైన ఈ సినిమాకి ట్రే ఎడ్వర్డ్ షుల్ట్స్ దర్శకత్వం వహించారు. ఈ చిత్రంలో జోయెల్ ఎడ్గర్టన్, కార్మెన్ ఎజోగో, కెల్విన్ హారిసన్ జూనియర్, క్రిస్టోఫర్ అబాట్, రిలే కీఫ్, గ్రిఫిన్ రాబర్ట్ ఫాల్కనర్ నటించారు. ఈ చిత్రం 2017, జూన్ 9న థియేటర్లలో విడుదలైంది. అమెజాన్ ప్రైమ్ వీడియో, నెట్‌ఫ్లిక్స్ ఓటీటీ ప్లాట్‌ ఫామ్ లలో స్ట్రీమింగ్ అవుతోంది.

స్టోరీలోకి వెళితే

కథ ఒక డిస్టోపియన్ ప్రపంచంలో జరుగుతుంది. ఇక్కడ ఒక ప్రాణాంతక వైరస్ మనుషుల్ని నాశనం చేస్తుంది. ఈ వైరస్ సోకిన వారు శరీరంపై నల్లని గాయాలతో బాధపడి చనిపోతుంటారు. పాల్, అతని భార్య సారా, వీళ్ళ 17 ఏళ్ల కుమారుడు ట్రావిస్ ఒక అడవిలోని ఒంటరి ఉండే ఇంట్లో దాక్కుని, బయటి ప్రపంచం నుండి వేరుపడి జీవిస్తారు. వీళ్ళు అక్కడ కఠినమైన నియమాలను పాటిస్తారు. బయటకు వెళ్ళినప్పుడు గ్యాస్ మాస్క్‌లు ధరించడం, ఆహారం, నీటిని జాగ్రత్తగా రేషన్ చేయడం, రాత్రి సమయంలో తలుపును ఎప్పుడూ లాక్ చేయడం వంటివి చేస్తుంటారు. కథ మొదట సారా తండ్రి బడ్ తో మొదలవుతుంది. అతనికి ఈ వైరస్‌ సోకడంతో, పాల్, సారా, ట్రావిస్ అతన్ని అడవిలోకి తీసుకెళ్ళి, అతన్ని చంపి, శరీరాన్ని దహనం చేస్తారు. వైరస్ వ్యాప్తి చెందకుండా ఈ నిర్ణయం తీసుకుంటారు. ఈ సంఘటన ట్రావిస్‌ను మానసికంగా కలిచివేస్తుంది. ఆతరువాత అతను రాత్రుల్లో పీడకలలతో బాధపడతాడు.

ఒక రోజు రాత్రి, విల్ అనే ఒక అపరిచితుడు ఇంట్లోకి చొరబడతాడు. అతను ఆహారం, నీటి కోసం వెతుకుతూ ఉంటాడు. ఈ లోగా పాల్ అతన్ని బంధిస్తాడు. ఇక్కడికి ఎందుకు వచ్చాడో అతన్ని ప్రశ్నిస్తాడు. విల్ తన భార్య కిమ్, వారి చిన్న కుమారుడు ఆండ్రూతో కలిసి సమీపంలో ఒక పాడుబడిన ఇంట్లో ఉంటున్నట్లు వివరిస్తాడు. వారు కూడా వైరస్ నుండి తప్పించుకున్నవారే. ఆహారం, నీరు కోసం వెతుకుతుంటారు. పాల్, సారా అతని మీద అనుమానంతో ఉన్నప్పటికీ, విల్ కుటుంబాన్ని తమ ఇంట్లోకి ఆహ్వానిస్తారు.

ఈ రెండు కుటుంబాలు కలిసి జీవించడం ప్రారంభిస్తాయి. కానీ అనుమానం, భయం వారి సంబంధాన్ని ఒత్తిడికి గురిచేస్తాయి. ట్రావిస్ ఒక యువకుడిగా, కిమ్‌తో సన్నిహితంగా మాట్లాడుతాడు. ఇది అతని తల్లిదండ్రులలో అనుమానాన్ని రేకెత్తిస్తుంది. ఒక రాత్రి, ట్రావిస్‌కు పీడకలలు వస్తాయి. అతను ఇంటి లోపల తిరుగుతూ ఆండ్రూను ఒక వింత స్థితిలో చూస్తాడు. తర్వాత ఇంటిలోని కుక్క స్టాన్లీ అడవిలోకి పరిగెత్తి, గాయపడిన స్థితిలో తిరిగి వస్తుంది. ఇది వైరస్ సోకి ఉండవచ్చనే భయాన్ని పెంచుతుంది. పాల్, సారా అనుమానంతో ఆ కుక్కను చంపేస్తారు. ఇది ట్రావిస్‌ను మరింత బాధపెడుతుంది.

ఒక రోజు రాత్రి ఆండ్రూ హాలులో నిద్రలో నడుస్తూ కనిపిస్తాడు. ఈ సంఘటన పాల్, సారాలో అనుమానాన్ని పెంచుతుంది. విల్ వైరస్‌ను ఇంట్లోకి తీసుకొచ్చి ఉండవచ్చని భయపడతారు. విల్, కిమ్ తమ కొడుకు ఆరోగ్యంగా ఉన్నాడని నొక్కిచెప్పినప్పటికీ, పాల్ వారిని క్వారంటైన్‌లో ఉంచమని డిమాండ్ చేస్తాడు. ఈ అనుమానం రెండు కుటుంబాల మధ్య ఉద్రిక్తతను పెంచుతుంది. ట్రావిస్‌కు రాత్రి సమయంలో వైరస్ లక్షణాలు కనిపిస్తాయి. అతను జ్వరం, పీడకలలతో బాధపడతాడు. పాల్, సారా తమ కొడుకు సోకినట్లు భయపడి, విల్ కుటుంబం వైరస్‌ను తీసుకొచ్చి ఉండవచ్చని నమ్ముతారు. ఈ అనుమానం ఒక విషాదకరమైన సంఘటనకు దారితీస్తుంది. చివరికి విల్ కుటుంబం నిజంగానే వైరస్‌ను తీసుకొచ్చిందా ? ఈ రెండు కుటుంబాల మధ్య ఏం జరుగుతుంది ? ట్రావిస్ కి వైరస్ సోకుతుందా ? అనే విషయాలను తెలుసుకోవాలనుకుంటే, ఈ సినిమాని మిస్ కాకుండా చుడండి.