Crime Thriller Series OTT : సస్పెన్స్, క్రైమ్, సైకో కిల్లర్ డ్రామాలు అనగానే ప్రపంచవ్యాప్తంగా గుర్తొచ్చే ఐకానిక్ క్యారెక్టర్ డెక్స్టర్ మోర్గాన్. నేరస్తులను మాత్రమే టార్గెట్ చేస్తూ, తనదైన స్టైల్‌లో హత్యలు చేసే ఈ సీరియల్ కిల్లర్ పాత్రకు ప్రపంచవ్యాప్తంగా భారీ ఫ్యాన్ బేస్ ఉంది. ఇప్పటికే పలు సీజన్లతో ప్రేక్షకులను ఆకట్టుకున్న డెక్స్టర్ కథ ఇప్పుడు మరో ఆసక్తికరమైన మలుపు తీసుకోబోతోంది. అతడి ప్రపంచంలోకి మరో ప్రమాదకరమైన సైకో కిల్లర్ ఎంట్రీ ఇస్తే ఎలా ఉంటుంది? ఇద్దరు కిల్లర్లు ఒకే నగరంలో తలపడితే ఎలాంటి మైండ్ గేమ్స్ నడుస్తాయి? ఇలాంటి ఇంటెన్స్ క్రైమ్ డ్రామాతో వస్తున్న సిరీస్ ‘డెక్స్టర్ రిసరెక్షన్ సీజన్ 2’ (Dexter Resurrection Season 2). మరి ఈ సిరీస్ ను ఎక్కడ చూడవచ్చు ? అన్నది తెలుసుకుందాం పదండి.
డెక్స్టర్ మోర్గాన్ (Dexter Morgan) అలియాస్ డెక్స్టర్ జీవితం ఎప్పుడూ ఓ డబుల్ గేమ్‌లాగే ఉంటుంది. సాధారణ వ్యక్తిలా కనిపించే అతడు, ఓ ప్రమాదకరమైన సీరియల్ కిల్లర్. అయితే అతడి హత్యలకు ఓ ప్రత్యేకమైన రూల్ ఉంటుంది. సమాజానికి హాని చేస్తున్న నేరస్తులనే టార్గెట్ చేస్తూ తనదైన పద్ధతిలో వారిని అంతం చేస్తుంటాడు. పోలీసుల కళ్లుగప్పి తన మరో ప్రపంచాన్ని కొనసాగించడం డెక్స్టర్ కు అలవాటే. అయితే ఈ కొత్త సీజన్ లో అతడికి ఓ కొత్త సవాల్ ఎదురవుతుంది. డెక్స్టర్ తన పని తాను చేసుకుంటున్న సమయంలోనే అదే నగరంలో మరో సైకో కిల్లర్ వరుస హత్యలతో కలకలం సృష్టిస్తాడు. అతడి హత్యలు, వాటి వెనుక కనిపించే క్రూరమైన విధానం పోలీసులను సైతం గందరగోళానికి గురిచేస్తాయి.
ఇప్పటివరకు తనకంటూ ఓ ప్రత్యేకమైన స్టైల్‌ ను ఏర్పరుచుకున్న డెక్స్టర్ కు కూడా ఈ కొత్త కిల్లర్ వ్యవహారం తలనొప్పిగా మారుతుంది. ఇక్కడే కథలో మైండ్ గేమ్ మొదలవుతుంది. ఇద్దరు కిల్లర్ల లక్ష్యాలు ఒకే దిశగా సాగుతుండటంతో, ఒకరి ఉనికిని మరొకరు గుర్తించే పరిస్థితి వస్తుంది. పోలీసుల దర్యాప్తు ఓవైపు కొనసాగుతుంటే, మరోవైపు డెక్స్టర్ తన ప్రత్యర్థి కదలికలను గమనిస్తూ ఉంటాడు. కొత్త కిల్లర్‌ను ఎవరు ముందుగా కనిపెడతారు ? అతడి అసలు కథేంటి ? డెక్స్టర్ తన రహస్యాన్ని బయట పడకుండా ఈ ప్రమాదాన్ని ఎలా ఎదుర్కొంటాడు ? ఈ ఇద్దరి మధ్య జరిగే టామ్ అండ్ జెర్రీ గేమ్‌లో పైచేయి ఎవరిది ? అనేదే ఈ సీజన్‌లో ఆసక్తికరమైన అంశం.
మైఖేల్ సి. హాల్ (Michael C. Hall) ప్రధాన పాత్రలో నటించిన ఈ సిరీస్‌కు క్లైడ్ ఫిలిప్స్ (Clyde Phillips) షోరన్నర్‌గా వ్యవహరిస్తున్నారు. ‘డెక్స్టర్ రిసరెక్షన్’ సిరీస్‌కు సంబంధించిన రెండో సీజన్ పారామౌంట్ ప్లస్ (Paramount+) వేదికపై విడుదల కానుంది. ప్రస్తుతానికి ఇది ఇంగ్లీష్ ఆడియోలోనే అందుబాటులో ఉంది. సీరియల్ కిల్లర్ కథలు, సైకో థ్రిల్లర్లు, ఊహించని మైండ్ గేమ్స్ ఉన్న సిరీస్ లు కావాలంటే డెక్స్టర్ కొత్త సీజన్ ను డోంట్ మిస్.
Share
ఆ హీరోతో లాంగ్ డ్రైవ్ వెళ్లాలని ఉందన్న పూజా హెగ్డే..ఆ కోరిక తీరేనా?
మిమ్మల్ని బొక్కలో వేసి తన్నే రోజులు త్వరలోనే వస్తాయి.. అద్దంకి దయాకర్ వార్నింగ్!
